ЁВА 36:7 - Біблія (пераклад В. Сёмухі)

⁷ Ён не адварочвае вачэй Сваіх ад праведнікаў, а з царамі назаўсёды садзіць іх на троне, і яны ўзвышаюцца.

Біблія (пераклад А.Бокуна)

⁷ Не адварочвае Ён ад праведных вачэй Сваіх, але саджае іх з валадарамі на пасадзе назаўжды, і яны ўзвышаюцца.

Кнігі Святога Пісання - Біблія - Біблія — пераклад Чарняўскага (выданне 2017 года)

⁷ Не адверне Ён ад справядлівага вачэй сваіх і цароў на пасадзе размяшчае на векі, і яны ўзвышаюцца.

ЁВА 36:7 Крыжаваныя спасылкі

ПСАЛТЫР 34:15

А калі я спатыкаўся, яны радаваліся і зьбіраліся; зьбіраліся агуднікі супроць мяне, ня ведаю завошта, ганілі мяне, і не пераставалі;

ПСАЛТЫР 33:18

Клічуць, і Гасподзь чуе, і ад усіх уціскаў іх вызваляе.

1 ЦАРСТВАЎ 2:8

З пылу падымае Ён беднага, з гразі ўзвышае ўбогага, садзіць зь вяльможамі, і трон славы дае ім у спадчыну; бо ў Госпада асновы зямлі, і Ён сьцьвердзіў на іх сусьвет.

2 ФЕСАЛОНІКІЙЦАЎ 3:3

Але верны Гасподзь, Які ўмацуе вас і аслоніць ад ліхадзея.

ЁВА 42:12

І дабраславіў Бог апошнія дні Ёва болей, чым ранейшыя: у яго было чатырнаццаць тысяч дробнага быдла, шэсьць тысяч вярблюдаў, тысяча пар валоў і тысяча асьліц.

ЭСТЭР 10:3

гэтак сама як і тое, што Мардахэй Юдэй быў другі пасьля цара Артаксэркса і вялікі ў Юдэяў і любімы ў мноства братоў сваіх, бо шукаў дабра народу свайму і гаварыў дзеля дабра ўсяго племя свайго.

1 ПЯТРА 3:12

бо вочы Госпада - да праведных, і вушы Ягоныя - да малітвы іхняе, а аблічча Гасподняе супроць ліхадзеяў, (каб вынішчыць іх зь зямлі).

ЁВА 1:3

Маёмасьці ў яго было: сем тысяч дробнага быдла, тры тысячы вярблюдаў, пяцьсот пар валоў і пяцьсот асьліц і даволі многа прыслугі; і быў чалавек гэты знакаміты больш за ўсіх сыноў Усходу.

САФОНА 3:17

Гасподзь Бог твой сярод цябе: Ён мае сілу ўратаваць цябе; узьвяселіцца за цябе радасьцю, будзе літасьцівы паводле любові Сваёй, будзе радавацца за цябе зь весялосьцю».

БЫЦЦЁ 41:40

ты будзеш над домам маім, і твайго слова трымацца будзе ўвесь народ мой; толькі тронам я буду большы за цябе.

БЫЦЦЁ 23:6

паслухай нас, спадару наш; ты князь Божы сярод нас; у найлепшым з нашых пахвальных месцаў пахавай памерлую тваю; ніхто з нас не адмовіць табе пахавальнага месца, дзеля пахаваньня памерлай тваёй.

2 ЛЕТАПІСАЎ 16:9

бо вочы Госпада азіраюць усю зямлю, каб падтрымаць тых, чыё сэрца цалкам аддадзена Яму. Безразважліва ты ўчыніў цяпер. За тое ад сёньня будуць у цябе войны.

ЁВА 4:7

Згадай жа, ці гінуў хто невінаваты, і дзе праведных выкарчоўвалі б?

ЁВА 5:11

прыніжаных ставіць на вышыню, і гаротнікаў узносіць у выратаваньне.

ЁВА 22:29

Калі хто зьнішчаны будзе, ты скажаш: узвышэньне! і Ён уратуе таго, хто панік абліччам,

ЁВА 31:4

Ці ж ня бачыў Ён шляхоў маіх і ці ня лічыў усіх маіх крокаў?

ПСАЛТЫР 41:12

Чаго ж ты журышся, душа мая, чаго ты маркоцішся? май надзею на Бога; бо я буду славіць Яго, Збаўцу майго і Бога майго.

ІСАІ 22:23

І ўваб'ю яго, нібы цьвік, у цьвёрдае месца; і будзе ён як пасад славы дому бацькі свайго.

ПСАЛТЫР 33:16

Вочы Гасподнія - на праведных, і вушы Ягоныя - на скаргу іхнюю.

ПСАЛТЫР 34:16

з крывадушнымі пакепнікамі скрыгаталі на мяне зубамі сваімі.