ЁВА 23:10 - Біблія (пераклад В. Сёмухі)

¹⁰ Але Ён ведае шлях мой; няхай выпрабуе мяне, - выйду, як золата.

Біблія (пераклад А.Бокуна)

¹⁰ А Ён ведае шлях мой, і няхай выспрабуе мяне, выйду я [чысты], як золата.

Кнігі Святога Пісання - Біблія - Біблія — пераклад Чарняўскага (выданне 2017 года)

¹⁰ А Ён ведае дарогу маю, і калі выпрабуе мяне, я выйду [чысты], як золата.

ЁВА 23:10 Крыжаваныя спасылкі

ЯКАВА 1:12

Дабрашчасны чалавек, які вытрывае выпрабаваньне, бо пасьля выпрабаваньня ён атрымае вянок жыцьця, які паабяцаў Гасподзь тым, хто любіць Яго.

1 ПЯТРА 1:7

каб выпрабаваная вера вашая сталася каштоўнейшаю за пагібельнае, хоць і вагнём прабаванае золата, на пахвалу і гонар і славу пры зьяўленьні Ісуса Хрыста,

ЗАХАРЫІ 13:9

І ўвяду гэтую трэцюю частку ў агонь, і растаплю іх, як топяць срэбра, і ачышчу іх, як ачышчаюць золата: яны будуць заклікаць імя Маё, і Я пачую іх і скажу: гэта Мой народ, і яны скажуць: Гасподзь - Бог мой!

ВЫСЛОЎІ 17:3

Плавільня - на срэбра, і гарніла - пад золата, а сэрцы выпрабоўвае Гасподзь.

ПСАЛТЫР 17:3

Гасподзь мой прытулак і цьвярдыня мая, мой Бог - скала мая; на Яго я спадзяюся, шчыт мой, рог ратунку майго і прытулак мой.

ГАБРЭЯЎ 11:17

Вераю Абрагам, будучы спакушаны, прынёс у ахвяру Ісаака і, маючы абяцаньне, прынёс адзінароднага,

2 ЦІМАФЕЯ 2:19

Але цьвёрдая аснова Божая стаіць, маючы пячатку гэтую: «ведае Гасподзь Сваіх»; і: «хай адступіць ад няпраўды кожны, хто вызнае імя Госпада».

ЯНА 21:17

Кажа яму трэйці раз: Сымоне Ёнін! ці любіш ты Мяне? Пятра замаркоціўся, што трэйці раз спытаўся ў яго: «ці любіш Мяне?» і сказаў Яму: Госпадзе! Ты ўсё ведаеш; Ты ведаеш, што я люблю Цябе. Ісус кажа яму: пасьві авечкі Мае;

ПСАЛТЫР 1:6

Бо дарогу праведных ведае Гасподзь, а дарога бязбожнікаў прападзе!

ДРУГІ ЗАКОН 8:2

І памятай увесь шлях, якім вёў цябе Гасподзь, Бог твой, па пустыні, вось ужо сорак гадоў, каб упакорыць цябе, каб выпрабаваць цябе і даведацца, што ў сэрцы тваім, ці будзеш шанаваць запаведзі Ягоныя, а ці не;

4 ЦАРСТВАЎ 20:3

о, Госпадзе, успомні, што я хадзіў прад абліччам Тваім верна і з адданым сэрцам, і рабіў спадобнае ў вачах Тваіх. І заплакаў Эзэкія моцна.

БЫЦЦЁ 18:19

бо Я выбраў яго на тое, каб ён наказаў сынам сваім і дому свайму пасьля сябе, хадзіць шляхам Гасподнім, чынячы праўду і суд; і спраўдзіць Гасподзь над Абрагамам, што сказаў пра яго.

1 КАРЫНФЯНАЎ 3:15

а ў каго дзея згарыць, той мецьме шкоду; урэшце сам уратуецца, але так, як бы з вагню.

ЁВА 6:29

Перагледзьце, ці ёсьць няпраўда? перагледзьце, - праўда мая.

ЁВА 7:18

наведваеш яго кожнае раніцы, кожнае імгненьне выпрабоўваеш яго?

ЁВА 23:7

Тады праведнік мог бы спаборнічаць зь Ім, - і я назаўсёды атрымаў бы свабоду ад Судзьдзі майго.

ЁВА 23:9

ці робіць Ён што зь левага боку, я ня бачу; ці хаваецца з правага, не разгледжу.

ЁВА 31:6

няхай узважаць мяне на вагах праўды, і Бог даведаецца пра маю беззаганнасьць.

ПСАЛТЫР 7:9

Гасподзь судзіць народы. Судзі мяне, Госпадзе, паводле праўды маёй, паводле беспахібнасьці маёй.

ПСАЛТЫР 11:5

тых, што кажуць: «языком нашым адужаем; вусны нашыя з намі; хто нам гаспадар?»

2 ЦАРСТВАЎ 22:22

Бо я захоўваў шляхі Госпада і ня быў грэшны прад Богам маім,

ЁВА 10:7

хоць ведаеш, што я не беззаконьнік, і што няма каму выбавіць мяне ад рукі Тваёй?

ЁВА 31:4

Ці ж ня бачыў Ён шляхоў маіх і ці ня лічыў усіх маіх крокаў?

ЁВА 33:9

«чысты я, без пахібы, нявінны я і няма ўва мне няпраўды;

ЕРАМІІ 12:3

А мяне, Госпадзе, Ты ведаеш, бачыш мяне і выпрабоўваеш сэрца маё, якое яно к Табе. Аддзялі іх, як авечак на закол, і падрыхтуй іх на дзень забіваньня.