ЁВА 1:21 - Біблія (пераклад В. Сёмухі)

²¹ і сказаў: голы я выйшаў з чэрава маці маёй, голы і вярнуся. Гасподзь даў, Гасподзь і ўзяў, хай будзе імя Гасподняе дабраславёна!

Біблія (пераклад А.Бокуна)

²¹ і сказаў: «Голы я выйшаў з улоньня маці маёй, і голы вярнуся туды. ГОСПАД даў, і ГОСПАД забраў. Няхай будзе імя ГОСПАДА дабраслаўлёным!»

Кнігі Святога Пісання - Біблія - Біблія — пераклад Чарняўскага (выданне 2017 года)

²¹ і сказаў: «Голы выйшаў я з улоння маці маёй і голы туды вярнуся. Госпад даў, Госпад забраў; як Госпаду падабалася, так і сталася: хай будзе імя Госпада дабраславёным».

ЁВА 1:21 Крыжаваныя спасылкі

БЫЦЦЁ 3:19

У поце твару твайго будзеш есьці хлеб, пакуль ня вернешся ў зямлю, зь якое ты ўзяты; бо пыл ты і ў пыл вернешся.

БЫЦЦЁ 30:2

Якаў угневаўся на Рахіль і сказаў ёй: хіба я Бог, Які ня даў табе плоду ў чэраве?

БЫЦЦЁ 45:5

але цяпер не маркоцьцеся і не шкадуйце пра тое, што вы прадалі мяне сюды, бо паслаў мяне Бог перад вамі, каб захаваць вам жыцьцё;

2 ЦАРСТВАЎ 16:12

можа, Гасподзь прыхіліцца і на прыніжэньне маё, і дасьць мне Гасподзь даброцьцю за цяперашняе ягонае ліхаслоўе.

3 ЦАРСТВАЎ 12:15

І не паслухаўся цар народу, бо так наканавана было Госпадам, каб спраўдзілася слова Ягонае, якое прамовіў Гасподзь праз Ахію Сіламяніна Еравааму, сыну Наватаваму.

4 ЦАРСТВАЎ 20:19

І сказаў Эзэкія Ісаю: добрае слова Гасподняе, якое ты сказаў. І сказаў далей: хай будзе мір і дабрабыт у дні мае!

НЭЭМІІ 9:5

І сказалі лявіты - Ісус, Кадмііл, Ванія, Хашаўнія, Шэрэвія, Гадыя, Шэванія, Пэтахія: устаньце, слаўце Госпада Бога вашага адвеку і давеку. Хай славасловяць вартае ўслаўленьня і вышэйшае за ўсякае славаслоўе і хвалу імя Тваё!

ЁВА 1:11

але працягні руку Тваю і дакраніся да ўсяго, што ў яго, - ці дабраславіць ён Цябе?

ЁВА 2:10

Але ён сказаў ёй: ты гаворыш, як неразумная. Няўжо добрае мы будзем прымаць ад Бога, а благога ня будзем прымаць? Ва ўсім гэтым не зграшыў Ёў вуснамі сваімі.

ЁВА 9:12

Возьме, і хто забароніць Яму? хто скажа Яму: што Ты робіш?

ПСАЛТЫР 34:1

Псальма Давідава. Заступіся, Госпадзе, перад тымі, хто судзіцца са мною, зваюй тых, хто ваюе мяне;

ПСАЛТЫР 34:2

вазьмі шчыт і латы, і ўстань на дапамогу мне;

ПСАЛТЫР 39:9

я хачу спраўдзіць волю Тваю, Божа мой, і закон Твой у сэрцы ў мяне.

ПСАЛТЫР 49:17

а сам ненавідзіш Маё настаўленьне, і словы Мае за сябе адкідаеш?

ЭКЛЕЗІЯСТА 12:7

І вернецца тло ў зямлю, чым і было яно; і вернецца дух да Бога, Які даў яго.

ЭКЛЕЗІЯСТА 5:14

Як выйшаў ён голы з улоньня маці сваёй, такі і адыдзе, якім прыйшоў, і нічога ня возьме ад працы сваёй, што мог бы панесьці ў руцэ сваёй.

ЭКЛЕЗІЯСТА 5:15

І гэта нядоля балючая: які ён прыйшоў, такі адыходзіць. Якая ж карысьць яму, што працаваў ён на вецер?

ЭКЛЕЗІЯСТА 5:19

Ня многа бо дзён жыцьця свайго мецьме на памяці; таму яго Бог адарае радасьцю сэрца ягонага.

ІСАІ 24:15

Дык вось, слаўце Госпада на ўсходзе, на выспах марскіх - імя Госпада Бога Ізраілевага.

ІСАІ 42:24

Хто выдаў Якава на спусташэньне і Ізраіля рабаўнікам? Ці не Гасподзь, супроць Якога мы грашылі? не хацелі яны хадзіць шляхамі Яго, і ня слухалі закону Яго.

ІСАІ 45:7

Я ўтвараю сьвятло і ствараю цемру, раблю мір і чыню беды; Я, Гасподзь, раблю ўсё гэта.

ПЛАЧ 3:38

Ці не ад вуснаў Усявышняга адбываецца бедства і посьпех?

АМОСА 3:6

Ці трубіць у горадзе труба, - і каб народ не спалохаўся? Ці бывае ў горадзе бедства, якое не Гасподзь наслаў бы?

МАЦЬВЕЯ 20:15

хіба я ня маю ўлады рабіць што хачу ў сваім? ці вока тваё зайздросьлівае ад таго, што я добры?

ДЗЕІ 4:28

каб зрабіць тое, чаму быць наканавала рука Твая і рада Твая.

ЭФЭСЯНАЎ 5:20

дзякуючы заўсёды за ўсё Богу і Айцу, у імя Госпада нашага Ісуса Хрыста,

1 ФЕСАЛОНІКІЙЦАЎ 5:18

За ўсё дзякуйце: бо такая за вас воля Божая ў Ісусе Хрысьце.

1 ЦІМАФЕЯ 6:7

Бо мы нічога ня прынесьлі ў сьвет; ясна, што нічога ня можам і вынесьці зь яго.

ЯКАВА 1:17

Усякае даньне добрае і ўсякі дар дасканалы зыходзіць згары, ад Айца сьвятла, у Якога няма перамены, ані ценю пераменнасьці.

ЯКАВА 5:11

Вось, мы дагаджаем тым, што цярпелі. Вы чулі пра цярпеньні Ёва і бачылі канец ягоны ад Госпада, бо Гасподзь вельмі міласэрны і спагадлівы.

РУТ 1:21

я выйшла адсюль у дастатку, а вярнуў мяне Гасподзь з пустымі рукамі; навошта называць мяне Наэміньню, калі Гасподзь прымусіў мяне пакутаваць, і Ўсемагутны паслаў мне няшчасьце?

1 ЦАРСТВАЎ 2:7

Гасподзь робіць жабраком і ўзбагачае, прыніжае і ўзвышае.

1 ЦАРСТВАЎ 2:8

З пылу падымае Ён беднага, з гразі ўзвышае ўбогага, садзіць зь вяльможамі, і трон славы дае ім у спадчыну; бо ў Госпада асновы зямлі, і Ён сьцьвердзіў на іх сусьвет.

1 ЦАРСТВАЎ 3:18

І абвясьціў яму Самуіл і ня ўтоіў ад яго нічога. Тады сказаў Ілій: Ён - Гасподзь; што Яму заўгодна, тое і ўтворыць.