3 ЦАРСТВАЎ 3:9 - Біблія (пераклад В. Сёмухі)

⁹ даруй жа рабу Твайму сэрца разумнае, каб судзіць народ Твой і разьбіраць, што дабро і што ліха; бо хто можа кіраваць гэтым шматлікім народам Тваім?

Біблія (пераклад А.Бокуна)

⁹ Дык дай слузе Твайму сэрца, якое слухае, каб судзіць народ Твой і адрозьніваць, што добрае, а што ліхое. Бо хто ж можа судзіць такі шматлікі народ Твой?»

Кнігі Святога Пісання - Біблія - Біблія — пераклад Чарняўскага (выданне 2017 года)

⁹ Дык дай Свайму паслугачу сэрца мудрае, каб мог судзіць народ Твой і адрозніваць, што добрае, а што благое. Бо хто ж можа судзіць гэты шматлікі народ Твой?»

3 ЦАРСТВАЎ 3:9 Крыжаваныя спасылкі

2 ЦАРСТВАЎ 14:17

І сказала раба твая: хай будзе слова гаспадара майго цара ўцехаю мне, бо гаспадар мой цар, як анёл Божы, і можа выслухаць і добрае і благое. І Гасподзь Бог твой будзе з табою.

3 ЦАРСТВАЎ 10:24

І ўсе цары на зямлі намагаліся ўбачыць Саламона, каб паслухаць мудрасьці ягонай, якую ўклаў Бог у сэрца ягонае.

3 ЦАРСТВАЎ 3:10

І заўгодна было Госпаду, каб Саламон прасіў гэтага.

3 ЦАРСТВАЎ 3:28

І пачуў увесь Ізраіль пра суд, як рассудзіў цар. І пачалі баяцца цара, бо ўбачылі, што мудрасьць Божая ў ім, каб чыніць суд.

1 ЛЕТАПІСАЎ 22:12

Хай дасьць табе Гасподзь кемнасьць і розум і паставіць цябе над Ізраілем; і датрымайся закону Госпада Бога твайго.

1 ЛЕТАПІСАЎ 29:19

А Саламону, сыну майму, дай сэрца правільнае, каб захоўваць запаведзі Твае, адкрыцьці Твае і пастановы Твае, і выканаць усё гэта і пабудаваць дом, дзеля якога я зрабіў прыгатаваньне.

2 ЛЕТАПІСАЎ 1:10

дык цяпер дай мне мудрасьць і веданьне, каб я выходзіў перад народам гэтым і ўваходзіў, бо хто можа кіраваць гэтым народам Тваім вялікім?

ВЫСЛОЎІ 14:8

Мудрасьць разумнага - што ён зважае на дарогу сваю, а дурасьць немысьляў - толькі ашука.

ВЫСЛОЎІ 16:16

Здабыць мудрасьць намнога лепш за золата, і здабыць розум лепш за чыстае срэбра.

ВЫСЛОЎІ 20:12

Вуха, якое чуе, і вока, якое бачыць - і тое і другое стварыў Гасподзь.

ЭКЛЕЗІЯСТА 7:11

Добрая мудрасьць - як і добрая спадчына, асабліва ж бо тым, што сонца бачаць:

ЭКЛЕЗІЯСТА 7:19

Мудрасьць робіць мудрага мацнейшым за дзесяць уладароў, якія ў горадзе.

ЕРАМІІ 1:6

А я сказаў: о Госпадзе Божа! я ня ўмею гаварыць, бо я яшчэ малады.

ЕРАМІІ 45:5

А ты просіш сабе вялікага: не прасі; бо вось, Я навяду бедства на ўсякую плоць, кажа Гасподзь, а табе замест здабычы пакіну душу тваю ва ўсіх мясьцінах, куды ні пойдзеш.

ДАНІІЛА 2:21

Ён мяняе часіны і поры, скідае цароў і ставіць цароў, дае мудрасьць мудрым і спазнаньне разумным;

МАЦЬВЕЯ 3:11

я хрышчу вас вадою на пакаяньне; але Той, Хто ідзе за мною, мацнейшы за мяне; я ня варты панесьці абутак Ягоны; Ён будзе хрысьціць вас Духам Сьвятым і вагнём;

МАЦЬВЕЯ 3:14

Ян жа стрымліваў Яго, кажучы: мне трэба ў Цябе хрысьціцца, а Ты прыходзіш да мяне?

ЯНА 5:30

Я нічога не магу тварыць Сам ад Сябе. Як чую, так і суджу, і суд Мой справядлівы, бо ня шукаю Маёй волі, а волі Айца, Які паслаў Мяне.

2 КАРЫНФЯНАЎ 2:16

Адным - водар сьмертаносны на сьмерць, а другім - водар жыўнасны на жыцьцё! І хто здольны на гэта?

2 КАРЫНФЯНАЎ 3:5

не таму, што мы самі здольныя былі вымысьліць нешта ад сябе, як бы ад сябе, а здольнасьць нашая ад Бога;

ЭФЭСЯНАЎ 5:17

Дык ня будзьце ж неразважныя, а спазнавайце, што ёсьць воля Божая.

ПІЛІПЯНАЎ 1:10

каб, спазнаючы лепшае, вы былі чыстыя і неспатыкнёныя ў дзень Хрыста,

ГАБРЭЯЎ 5:14

а цьвёрдая ежа ўласьцівая дасканалым, у якіх пачуцьці навыкам прывучаны адрозьніваць дабро і зло.

ЯКАВА 1:5

Калі ж каму-небудзь з вас не хапае мудрасьці, хай просіць у Бога, Які дае ўсім проста і без дакораў, - і дасца яму.

ЯКАВА 3:17

А мудрасьць, якая прыходзіць згары, найперш - чыстая, потым - згодлівая, лагодная, пакорлівая, поўная мілажальнасьці і добрых пладоў, неадступная, і некрывадушная.