2 ЦІМАФЕЯ 4:8 - Біблія (пераклад В. Сёмухі)

⁸ а цяпер рыхтуецца мне вянок праўды, які дасьць мне Гасподзь, справядлівы Судзьдзя, у дзень той; і ня толькі мне, але і ўсім, што палюбілі прышэсьце Яго.

Біблія (пераклад А.Бокуна)

⁸ Нарэшце, вызначаны мне вянок праведнасьці, які дасьць мне Госпад, праведны Судзьдзя, у той дзень; і ня толькі мне, але і ўсім, якія зьяўленьне Яго палюбілі.

Кнігі Святога Пісання - Біблія - Біблія — пераклад Чарняўскага (выданне 2017 года)

⁸ На заканчэнне рыхтуецца мне вянок справядлівасці, які мне дасць у той дзень Госпад, справядлівы Суддзя, ды не толькі мне, але і тым, якія палюбілі прыход Яго.

2 ЦІМАФЕЯ 4:8 Крыжаваныя спасылкі

ЯКАВА 1:12

Дабрашчасны чалавек, які вытрывае выпрабаваньне, бо пасьля выпрабаваньня ён атрымае вянок жыцьця, які паабяцаў Гасподзь тым, хто любіць Яго.

АДКРЫЦЦЁ 2:10

Ня бойся нічога, што табе выпадзе перацярпець. Вось, д'ябал будзе ўкідаць з асяродзьдзя вас у цямніцу, каб спакусіць вас, і будзеце мець скруху дзён дзесяць. Будзь верны да сьмерці, і дам табе вянок жыцьця.

1 ПЯТРА 5:4

і калі зьявіцца Пастыраначальнік, вы атрымаеце неўвядальны вянок славы.

1 ПЯТРА 1:4

да спадчыны нятленнай, чыстай, неўвядальнай, захаванай на нябёсах вам,

2 ЦІМАФЕЯ 1:12

З гэтай прычыны я і пакутую так; але не саромеюся. Бо я ведаю, у Каго ўвераваў, і ўпэўнены, што Ён мае сілу захаваць заруку маю на той дзень.

1 КАРЫНФЯНАЎ 9:25

Усе падзьвіжнікі ўстрымліваюцца ад усяго: тыя - каб атрымаць вянок тленны, а мы - нятленны.

КАЛАСЯНАЎ 1:5

маючы надзею на ўгатаванае вам на нябёсах, пра што вы раней чулі ў праўдзівым слове зьвеставаньня,

АДКРЫЦЦЁ 1:7

«Вось, ідзе з хмарамі; і ўгледзіць яго кожнае вока, і тыя, што «пракалолі Яго»; і заплачуць перад Ім усе плямёны зямныя». Так, амін.

ЦІТА 2:13

чакаючы дабрашчаснага спадзяваньня і прышэсьця славы вялікага Бога і Збаўцы нашага Ісуса Хрыста,

АДКРЫЦЦЁ 19:11

І ўгледзеў я адчыненае неба, і вось конь белы, і верхавец ягоны называецца Верны і Праўдзівы, Які праведна судзіць і ваюе.

2 ЦІМАФЕЯ 2:5

Калі ж хто і змагаецца, вянка не здабудзе, калі будзе змагацца не паводле правіла.

2 ЦІМАФЕЯ 4:1

Дык, заклінаю цябе перад Богам і Госпадам (нашым) Ісусам Хрыстом, Які будзе судзіць жывых і мёртвых у прышэсьце Ягонае і Царстве Ягоным:

1 ЦІМАФЕЯ 6:19

зьбіраючы сабе скарб, добрую аснову на час наступны, каб дасягнуць вечнага жыцьця.

1 КАРЫНФЯНАЎ 2:9

А, як напісана: «ня бачыла таго вока і ня чула вуха, і ня ўзыходзіла тое ў сэрца чалавека, што тым Бог падрыхтаваў, хто любіць Яго».

МАЛАХІІ 3:17

І яны будуць Мае, кажа Гасподзь Саваоф, уласнасьцю Маёю ў той дзень, які Я зраблю, і буду літаваць іх, як літуе чалавек сына свайго, што служыць яму.

АДКРЫЦЦЁ 22:20

Той, Хто сьведчыць гэта, кажа: вось, прыйду неўзабаве! Амін. Так, прыйдзі, Госпадзе Ісусе,

АДКРЫЦЦЁ 4:10

тады дваццаць чатыры старцы падаюць перад Тым, Хто сядзіць на троне, і кланяюцца Таму, Хто жыве ва векі вечныя, і ўскладаюць вянкі свае перад тронам, кажучы:

АДКРЫЦЦЁ 4:4

І навокал трона дваццаць чатыры троны; а на тронах бачыў я - сядзелі дваццаць чатыры старцы, якія апранутыя былі ў белае адзеньне і мелі на галовах сваіх залатыя вянкі.

ГАБРЭЯЎ 9:28

так і Хрыстос: адзін раз прынёсшы Сябе ў ахвяру, каб пабраць грахі многіх, другі раз зьявіцца ня дзеля ачышчэньня грэху, а дзеля тых, што чакаюць Яго на збавеньне.

2 ЦІМАФЕЯ 1:18

Няхай дасьць яму Гасподзь здабыць міласьць у Госпада ў той дзень; а колькі ён служыў (мне) ў Эфэсе, ты лепей ведаеш.

1 ФЕСАЛОНІКІЙЦАЎ 1:10

і чакаць зь нябёсаў Сына Ягонага, Якога Ён уваскрэсіў зь мёртвых, Ісуса, Які ратуе нас ад будучага гневу.

РЫМЛЯНАЎ 8:23

і ня толькі яны, але і мы самі, маючы пачатак Духа, і мы ў сабе енчым, чакаючы ўсынаўленьня, адкупленьня цела нашага.

РЫМЛЯНАЎ 2:5

Але, з упартасьці тваёй і нераскаянага сэрца ты сам сабе зьбіраеш гнеў на дзень гневу і абвяшчэньня праведнага суду ад Бога,

МАЦЬВЕЯ 24:36

а пра дзень той і гадзіну ніхто ня ведае, ні анёлы нябесныя, а толькі Айцец Мой адзін;

МАЦЬВЕЯ 7:22

Многія скажуць Мне ў той дзень: «Госпадзе! Госпадзе! ці не ад Твайго імя мы прарочылі? і ці не Тваім імем дэманаў выганялі? і ці не Тваім імем многія цуды ўчынялі?».

ВЫСЛОЎІ 4:9

ускладзе на галаву тваю прыгожы вянок, падаруе табе цудоўны вянок.

ПСАЛТЫР 7:11

Шчыт мой у Богу, Які шчырых сэрцам ратуе.

1 ФЕСАЛОНІКІЙЦАЎ 5:4

Але вы, браты, ня ў цемры, каб дзень застаў вас, як злодзей;

2 КАРЫНФЯНАЎ 5:2

Таму якраз мы і стогнем, хочучы апрануцца ў нябеснае наша жытлішча;

ЛУКАША 10:12

Кажу вам, што Садоме ў дзень той будзе радасьней, чым гораду таму.

БЫЦЦЁ 18:25

ня можа быць, каб Ты зрабіў так, каб Ты загубіў праведнага зь бязбожным, каб тое самае было з праведнікам, што і зь бязбожнікам, ня можа быць ад Цябе! Ці ж Судзьдзя ўсёй зямлі ўчыніць неправасудна?

1 КАРЫНФЯНАЎ 3:13

дзея кожнага выявіцца: бо дзень пакажа; таму што ў вагні выкрываецца, і вагонь выпрабоўвае дзею кожнага, якая яна ёсьць.

ПІЛІПЯНАЎ 3:11

каб дасягнуць уваскрэсеньня зь мёртвых.

2 ФЕСАЛОНІКІЙЦАЎ 2:8

і тады адкрыецца беззаконьнік, якога Гасподзь Ісус заб'е духам вуснаў Сваіх і зьнішчыць зьяўленьнем прышэсьця Свайго,

2 ЦІМАФЕЯ 1:10

якая адкрылася цяпер зьяўленьнем Збаўцы нашага Ісуса Хрыста, Які разбурыў сьмерць і явіў жыцьцё нятленнае праз Дабравесьце,

ГАБРЭЯЎ 12:11

Усякае пакараньне ў цяперашні час здаецца ня радасьцю, а журбою; але пасьля навучаным празь яе дае мірны плод праведнасьці.