2 ЛЕТАПІСАЎ 22:4 - Біблія (пераклад В. Сёмухі)

⁴ І рабіў ён незаўгоднае ў вачах Гасподніх, падобна дому Ахававаму, бо ён быў яму дарадцам, пасля сьмерці бацькі ягонага, на пагібель яму.

Біблія (пераклад А.Бокуна)

⁴ І рабіў ён ліхое ў вачах ГОСПАДА, як дом Ахава, бо яны былі дарадцамі ягонымі пасьля сьмерці бацькі ягонага на загубу яму.

Кнігі Святога Пісання - Біблія - Біблія — пераклад Чарняўскага (выданне 2017 года)

⁴ Такім чынам, рабіў ён ліхое ў вачах Госпада, як дом Ахаба; бо яны на яго загубу былі яму дарадчыкамі па смерці яго бацькі.

2 ЛЕТАПІСАЎ 22:4 Крыжаваныя спасылкі

2 ЛЕТАПІСАЎ 22:3

Ён таксама хадзіў шляхамі дома Ахававага, бо маці ягоная была дарадчыца яму на беззаконныя дзеі.

ВЫСЛОЎІ 1:10

Сыне мой! калі цябе будуць намаўляць грэшнікі, не згаджайся.

ВЫСЛОЎІ 12:5

Помыслы праведных - праўда, а намыслы бязбожных - падступнасьць.

ВЫСЛОЎІ 13:20

Хто сябруе з мудрым, будзе мудры; а хто сябруе зь неразумнымі, разбэсьціцца.

ВЫСЛОЎІ 19:27

Перастань, сыне мой, слухаць угаворы ўхіліцца ад голасу розуму.

ДАНІІЛА 3:2

і паслаў цар Навухаданосар сабраць сатрапаў, намесьнікаў, ваяводаў, вышэйшых судоўцаў, скарбоўцаў, законазнаўцаў, судаўпраўцаў, і ўсіх акруговых валадароў, каб яны прыйшлі на ўрачыстае пасьвячэньне ідала, якога паставіў цар Навухаданосар.

ДАНІІЛА 3:24

Навухаданосар цар вельмі зьдзівіўся і пасьпешна ўстаў і сказаў сваім вяльможам: «ці ня трох зьвязаных мужоў укінулі мы ў агонь?» Яны ў адказ сказалі цару: «сапраўды так, цару!»

МІХЕЯ 6:16

Захаваліся ў вас звычаі Аўрамія і ўсе справы дому Ахававага, і вы робіце паводле парадаў іхніх; і аддам Я цябе спусташэньню і жыхароў тваіх - пасьмяяньню, і вы панесяце нагану народу Майго.