1 ЦІМАФЕЯ 5:17 - Біблія (пераклад В. Сёмухі)

¹⁷ Прасьвітэры, якія служаць годна, вартыя адмысловага гонару, асабліва тыя, якія працуюць у слове і ў навучаньні.

Біблія (пераклад А.Бокуна)

¹⁷ Старосты, якія кіруюць добра, дастойныя падвойнае пашаны, асабліва тыя, якія працуюць у слове і навучаньні.

Кнігі Святога Пісання - Біблія - Біблія — пераклад Чарняўскага (выданне 2017 года)

¹⁷ Старэйшыны, якія добра кіруюць, вартыя падвойнай пашаны, асабліва тыя, што працуюць у слове і ў навуцы.

1 ЦІМАФЕЯ 5:17 Крыжаваныя спасылкі

ГАБРЭЯЎ 13:17

Слухайцеся настаўнікаў вашых і будзьце пакорлівыя, бо яны нядрэмна рупяцца за вашыя душы, як абавязаныя даць адказ; каб яны рабілі гэта з радасьцю, а ня ўздыхаючы, бо гэта вам не карысна.

ГАЛЯТАЎ 6:6

Той, каго настаўляюць словам, дзяліся ўсякім дабром з тым, хто настаўляе.

ЛУКАША 10:7

а ў доме тым заставайцеся, ежце і пеце, што ў іх ёсьць: бо працаўнік варты ўзнагароды за працу сваю, не пераходзьце з дому ў дом.

ГАБРЭЯЎ 13:7

Спамінайце настаўнікаў вашых, якія дабравесьцілі вам слова Божае, і, гледзячы на канец іхняга жыцьця, пераймайце іхнюю веру.

2 ЦІМАФЕЯ 2:6

Працоўны ратай першы павінен скаштаваць пладоў.

ПІЛІПЯНАЎ 2:29

Прымеце ж яго ў Госпадзе з усякаю радасьцю, і такіх майце ў пашане,

РЫМЛЯНАЎ 12:8

калі суцешнік, суцяшай; калі раздаеш, раздавай у шчырасьці; калі начальнік, начальнічай дбайна; калі дабрачынец - дабрачынь з прыязнасьцю.

ДЗЕІ 28:10

І рабілі нам шмат гонару, і на дарогу далі ўсё патрэбнае.

2 КАРЫНФЯНАЎ 6:1

А мы, як памочнікі ў працы, просім вас, каб мілата Божая ня марна была прынята вамі.

РЫМЛЯНАЎ 16:12

Вітайце Трыфону і Трыфосу, якія працуюць у Госпадзе.

РЫМЛЯНАЎ 15:27

Рупяцца, ды і вінаватыя яны перад імі. Бо, калі язычнікі зрабіліся ўдзельнікамі ў іх духоўным, дык павінны і ім паслужыць у цялесным.

ПІЛІПЯНАЎ 4:3

сапраўды, прашу і цябе, мой шчыры супрацоўнік, памагай ім, што памагалі ў зьвеставаньні разам са мною і з Кліментам і з астатнімі супрацоўнікамі маімі, чые імёны - у кнізе жыцьця.

1 КАРЫНФЯНАЎ 16:16

будзьце ж і вы пачцівыя да такіх і да кожнага, хто пасабляе і працуе.

ДЗЕІ 11:30

што і зрабілі, паслаўшы сабранае да прасьвітараў праз Варнаву і Саўла.

4 ЦАРСТВАЎ 2:9

Калі яны перайшлі, Ільля сказаў Елісею: прасі, што зрабіць табе, перш чым я буду ўзяты ад цябе. І сказаў Елісей: дух, які ў табе, хай будзе на мне ўдвая.

2 ЦІМАФЕЯ 4:2

прапаведуй слова, настаўляй у час і ня ў час, выкрывай, забараняй, умаўляй доўга з поўнай цярплівасьцю і настаўленьнем.

1 ЦІМАФЕЯ 4:16

Пранікай у сябе і ў вучэньне, займайся гэтым пастаянна; бо, так паводзячыся, і сябе ўратуеш і слухачоў тваіх.

1 ЦІМАФЕЯ 3:5

бо хто ня ўмее кіраваць сваім домам, той ці ж будзе рупіцца пра Царкву Божую?

ПІЛІПЯНАЎ 2:16

ашчаджаючы слова жыцьця на пахвалу мне ў дзень Хрыстовы, што я ня марна змагаўся і ня марна працаваў.

МАЦЬВЕЯ 24:25

Вось, Я наперад сказаў вам.

ГАБРЭЯЎ 13:24

Вітайце ўсіх настаўнікаў вашых і ўсіх сьвятых. Вітаюць вас Італійскія.

1 ЦІМАФЕЯ 4:10

Бо мы на тое і працуем і паганьбеньне церпім, што надзею маем на Бога жывога, Які ёсьць Збаўца ўсіх людзей, а найперш веруючых.

1 КАРЫНФЯНАЎ 15:10

Але зь мілаты Божае я ёсьць тое, што ёсьць; і мілата Ягоная ўва мне ня была марная, але я болей за іх усіх папрацаваў; ня я, зрэшты, а мілата Божая, якая са мною.

ДЗЕІ 20:35

Ва ўсім паказаў я вам, што, працуючы, трэба падтрымліваць слабых і памятаць словы Госпада Ісуса, бо Ён Сам сказаў: «больш дабрашчасна - даваць, чым браць».

ЯНА 4:38

Я паслаў вас жаць тое, над чым вы не працавалі: іншыя працавалі, а вы ўвайшлі ў працу іхнюю.

ЛУКАША 12:42

Гасподзь жа сказаў: хто верны і разумны ўпраўнік, якога гаспадар паставіў над слугамі сваімі раздаваць ім у свой час меру хлеба?

ЗАХАРЫІ 9:12

Вяртайцеся на цьвярдыню вы, палонныя з надзеяю! Што цяпер узьвяшчаю, аддам табе ўдвая.

ЕРАМІІ 17:18

Хай сорам пакрые ганіцеляў маіх, а я ня буду пасаромлены; хай яны затрымцяць, а я не трымцецьму; навядзі на іх дзень бедства і паламай іх двайной ламатою.

ЕРАМІІ 16:18

І дам ім найперш за няпраўду іхнюю і за падвойны грэх іхні, бо апаганілі зямлю Маю, трупамі гнюсотных сваіх і мярзотамі сваімі напоўнілі спадчыну Маю.

ІСАІ 40:2

кажэце да сэрца Ерусаліма і абвяшчайце яму, што споўніўся час змаганьня ягонага, што за няпраўды яго дадзена дараваньне, бо ён ад рукі Гасподняй атрымаў удвая за ўсе грахі свае.

1 ЦІМАФЕЯ 5:3

Удоваў шануй, сапраўдных удоваў.

1 ЦІМАФЕЯ 4:6

Унушаючы гэта братам, будзеш добры слуга Ісуса Хрыста, кормлены словамі веры і добрым вучэньнем, якому ты пасьледаваў.

1 КАРЫНФЯНАЎ 3:9

Бо мы супрацоўнікі ў Бога; а вы Божая ніва, Божая будова.

1 ЦІМАФЕЯ 4:14

Не заняхайвай добраснага ў табе дару, які дадзены табе паводле прароцтва з ускладаньнем рук сьвятарства.

1 ЦІМАФЕЯ 5:19

Скаргу на прасьвітэра ня іначай прымай, як пры двух альбо трох сьведках.

ЛІКІ 18:31

вы можаце есьці гэта ў любым месцы, вы і семэі вашыя, бо гэта вам плата за працу вашую ў скініі сходу;

ДРУГІ ЗАКОН 18:8

дык няхай яны карыстаюцца аднолькавай доляй, звыш атрыманага ад продажу бацькоўскай маёмасьці.