1 ФЕСАЛОНІКІЙЦАЎ 4:1 - Біблія (пераклад В. Сёмухі)

¹ За гэтым, браты, просім і молім вас Ісусам Хрыстом, каб вы, прыняўшы ад нас, як трэба вам паводзіцца і дагаджаць Богу, у гэтым яшчэ большы посьпех займелі,

Біблія (пераклад А.Бокуна)

¹ Нарэшце, браты, просім вас і молім праз Госпада Ісуса, каб тое, што вы прынялі ад нас, як мусіце вы хадзіць і падабацца Богу, яшчэ больш у вас памнажалася,

Кнігі Святога Пісання - Біблія - Біблія — пераклад Чарняўскага (выданне 2017 года)

¹ Нарэшце, браты, просім вас і молім у Госпадзе Ісусе, каб, як вы атрымалі ад нас, як вам належыць жыць і падабацца Богу, так і жылі, і больш багацелі.

1 ФЕСАЛОНІКІЙЦАЎ 4:1 Крыжаваныя спасылкі

КАЛАСЯНАЎ 1:10

каб жылі годна Бога, ува ўсім дагаджаючы Яму, родзячы плод ва ўсякай працы добрай і ўзрастаючы ў спазнаньні Бога,

2 ФЕСАЛОНІКІЙЦАЎ 1:3

Заўсёды па справядлівасьці мы павінны дзякаваць Богу за вас, браты, бо ўзрастае вера вашая, і памнажаецца любоў кожнага адно да аднаго паміж усімі вамі,

2 ПЯТРА 3:18

а гадуйцеся ў мілаце і пазнаньні Госпада нашага і Збаўцы Ісуса Хрыста. Яму слава і цяпер і ў дзень вечны. Амін.

ГАБРЭЯЎ 13:16

Не забывайце таксама дабрачыннасьці і шчырай супольнасьці, бо такія ахвяры падабаюцца Богу.

ПІЛІПЯНАЎ 1:9

і малюся за тое, каб любоў ваша яшчэ больш узрастала ў спазнаньні і ўсякім досьведзе,

1 ФЕСАЛОНІКІЙЦАЎ 3:12

А вас Гасподзь хай напоўніць любоўю ўзаемнай і да ўсіх, якою мы поўныя да вас,

ПІЛІПЯНАЎ 3:14

імкнуся да мэты, да гонару вышэйшага пакліканьня Божага ў Хрысьце Ісусе.

1 ЯНА 3:22

і, чаго ні папросім, атрымаем ад Яго, бо трымаемся запаведзяў Ягоных і робім богаспадобнае перад Ім.

ЭФЭСЯНАЎ 4:1

Дык вось я, вязень у Госпадзе, малю вас хадзіць годна званьня, у якое вы закліканы,

2 КАРЫНФЯНАЎ 13:11

Аднак жа, браты, радуйцеся, удасканальвайцеся, суцяшайцеся, будзьце аднамысныя, мірныя, - і Бог любові і міру будзе з вамі.

1 КАРЫНФЯНАЎ 15:58

Дык вось, браты любасныя, будзьце цьвёрдыя, непахісныя, заўсёды майце посьпех у справе Гасподняй, ведаючы, што праца вашая не змарнее перад Госпадам.

ЁВА 17:9

Але праведны будзе моцна трымацца шляху свайго, і чысты рукамі будзе болей і болей мацавацца.

2 ФЕСАЛОНІКІЙЦАЎ 3:1

Дык вось, малецеся за нас, браты, каб слова Гасподняе шырылася і праслаўлялася, як і ў вас,

2 ФЕСАЛОНІКІЙЦАЎ 2:1

Молім вас, браты, за прышэсьце Госпада нашага Ісуса Хрыста, за нашу сустрэчу зь Ім,

КАЛАСЯНАЎ 2:6

А таму, як вы прынялі Хрыста Ісуса Госпада, так хадзеце і ў Ім,

ПІЛІПЯНАЎ 1:27

Толькі жывеце годнасна зьвеставаньня Хрыстовага, каб мне, калі я прыйду і пабачу вас, альбо калі ня прыйду, чуць пра вас, што стаіце вы ў адным духу, змагаючыся аднадушна за веру Дабравесьця,

ЯНА 15:2

кожную зь Мяне галінку, якая ня родзіць плоду, Ён абцінае; і кожную, якая родзіць плод, ачышчае, каб больш урадзіла плоду.

1 ФЕСАЛОНІКІЙЦАЎ 4:2

бо вы ведаеце, якія мы далі вам запаведзі ад Госпада Ісуса.

2 КАРЫНФЯНАЎ 5:9

і таму рупліва намагаемся, ці сталюючыся, ці выходзячы, падабацца Яму;

РЫМЛЯНАЎ 8:8

А таму тыя, што жывуць паводле плоці, Богу дагадзіць ня могуць.

ВЫСЛОЎІ 4:18

Сьцежка праведных - як сьвяціла прамяністае, якое болей і болей сьвятлее да поўнага дня.

ГАБРЭЯЎ 13:22

Прашу вас, браты, прымеце гэтае слова ўмаўленьня; я ж няшмат і напісаў вам.

ГАБРЭЯЎ 11:6

А бязь веры дагадзіць Богу немагчыма; бо трэба, каб той, хто прыходзіць да Бога, верыў, што Ён ёсьць, і шукальнікам Яго дасьць.

ЭФЭСЯНАЎ 5:17

Дык ня будзьце ж неразважныя, а спазнавайце, што ёсьць воля Божая.

ЭФЭСЯНАЎ 4:20

Але вы ня так навучыліся ад Хрыста,

2 КАРЫНФЯНАЎ 10:1

А сам я, Павал, асабіста сьціплы сярод вас, а здалёку супроць вас адважны, пераконваю вас лагодаю і мілажальнасьцю Хрыстовай.

2 КАРЫНФЯНАЎ 6:1

А мы, як памочнікі ў працы, просім вас, каб мілата Божая ня марна была прынята вамі.

1 КАРЫНФЯНАЎ 15:1

Нагадваю вам, браты, Дабравесьце, якое я зьвеставаў вам, якое вы і прынялі, у якім і ўмацаваліся,

1 КАРЫНФЯНАЎ 11:23

Бо я ад Самога Госпада прыняў тое, што і вам перадаў, што Гасподзь Ісус у тую ноч, у якую прададзены быў, узяў хлеб

ДЗЕІ 20:27

бо я ня ўхіляўся абвяшчаць вам усю волю Божую.

2 ЦІМАФЕЯ 4:1

Дык, заклінаю цябе перад Богам і Госпадам (нашым) Ісусам Хрыстом, Які будзе судзіць жывых і мёртвых у прышэсьце Ягонае і Царстве Ягоным:

1 ЦІМАФЕЯ 5:21

Перад Богам і Госпадам Ісусам Хрыстом і выбранымі анёламі заклінаю цябе захаваць гэта зь бесстароннасьцю, нічога ня робячы з прадузятасьцю.

ГАЛЯТАЎ 6:1

Браты! калі і дапусьціць чалавек якую пагрэшнасьць, вы, духоўныя, папраўляйце такога ў духу лагоды, зважаючы кожны на сябе, каб ня дацца спакусе.

1 ФЕСАЛОНІКІЙЦАЎ 5:12

Просім жа вас, браты, паважаць тых, якія працуюць у вас, і якія пастаўлены над вамі ў Госпадзе, і якія на розум вас настаўляюць,

2 ФЕСАЛОНІКІЙЦАЎ 3:13

А вы, браты, ня падайце духам, робячы дабро.

2 ЛЕТАПІСАЎ 17:4

а шукаў ён Бога бацькі і рабіў паводле запаведзяў Ягоных, а не па ўчынках Ізраільцянаў.