1 КАРЫНФЯНАЎ 1:8 - Біблія (пераклад В. Сёмухі)

⁸ Які і ўмацуе вас да канца, каб вам быць бязьвіннымі ў дзень Госпада нашага Ісуса Хрыста.

Біблія (пераклад А.Бокуна)

⁸ Які і ўгрунтуе вас да канца быць бездакорнымі ў дзень Госпада нашага Ісуса Хрыста.

Кнігі Святога Пісання - Біблія - Біблія — пераклад Чарняўскага (выданне 2017 года)

⁸ Які і ўмацуе вас да канца, каб былі без заганы ў дзень Госпада нашага Ісуса Хрыста.

1 КАРЫНФЯНАЎ 1:8 Крыжаваныя спасылкі

ПСАЛТЫР 37:17

І сказаў я: няхай не падымуцца нада мною мае ворагі; калі дрыжыць нага мая, хай ня ўзносяцца яны нада мною.

ЛУКАША 17:24

бо як маланка, што бліснула з аднаго краю неба, бліскае да другога краю неба, так будзе Сын Чалавечы ў дзень Свой.

ЛУКАША 17:30

так будзе і ў той дзень, калі Сын Чалавечы адкрыецца.

РЫМЛЯНАЎ 14:4

Хто ты, што асуджаеш чужога раба? Перад сваім гаспадаром стаіць ён ці падае; і будзе пастаўлены, бо моцны Бог, каб паставіць яго.

РЫМЛЯНАЎ 8:19

Бо стварэньне з надзеяй чакае сыноў Божых, -

1 КАРЫНФЯНАЎ 3:13

дзея кожнага выявіцца: бо дзень пакажа; таму што ў вагні выкрываецца, і вагонь выпрабоўвае дзею кожнага, якая яна ёсьць.

1 КАРЫНФЯНАЎ 5:5

аддаць сатане на зьнемажэньне плоці, каб дух быў выратаваны ў дзень Госпада нашага Ісуса Хрыста.

2 КАРЫНФЯНАЎ 1:13

І мы ня пішам вам іншага, як толькі тое, што вы чытаеце або разумееце, і што, як спадзяюся, да канца зразумееце,

2 КАРЫНФЯНАЎ 1:14

як што вы ўжо часткова і зразумелі, што мы будзем вашаю славай, як і вы - нашаю, у дзень Госпада нашага Ісуса Хрыста,

2 КАРЫНФЯНАЎ 1:21

А Той, Хто мацуе нас з вамі ў Хрысьце і памазаў нас, ёсьць Бог,

ЭФЭСЯНАЎ 5:27

каб прадставіць яе Сабе слаўнаю Царквою, бяз плямы, без заганы, або чаго-небудзь падобнага, а каб яна была сьвятая і беззаганная.

ПІЛІПЯНАЎ 1:10

каб, спазнаючы лепшае, вы былі чыстыя і неспатыкнёныя ў дзень Хрыста,

ПІЛІПЯНАЎ 1:6

упэўнены, што той, хто пачаў у вас добрую дзею, будзе завяршаць яе да дня Ісуса Хрыста,

КАЛАСЯНАЎ 1:22

цяпер замірыў у целе плоці Ягонай, сьмерцю (Ягонай), каб явіць вас сьвятымі і беззаганнымі і невінаватымі перад Сабою,

КАЛАСЯНАЎ 2:7

укарэненыя і ўцьверджаныя ў Ім і ўмацаваныя ў веры, як вы навучаны, узбагачаючыся ў ёй з удзячнасьцю.

1 ФЕСАЛОНІКІЙЦАЎ 3:13

каб умацаваць сэрцы нашыя беззаганнымі ў сьвятыні прад Богам і Айцом нашым у прышэсьце Госпада нашага Ісуса Хрыста з усімі сьвятымі Ягонымі. Амін.

1 ФЕСАЛОНІКІЙЦАЎ 5:2

бо самі вы дакладна ведаеце, што дзень Гасподні так прыйдзе, як злодзей уначы.

2 ФЕСАЛОНІКІЙЦАЎ 2:2

не сьпяшацца пахіснуцца ў розуме і бянтэжыцца ні ад духа, ні ад слова, ні ад пасланьня, нібыта намі (пасланага), быццам ужо настаў дзень Хрыстовы.

2 ФЕСАЛОНІКІЙЦАЎ 3:3

Але верны Гасподзь, Які ўмацуе вас і аслоніць ад ліхадзея.

2 ЦІМАФЕЯ 1:12

З гэтай прычыны я і пакутую так; але не саромеюся. Бо я ведаю, у Каго ўвераваў, і ўпэўнены, што Ён мае сілу захаваць заруку маю на той дзень.

2 ЦІМАФЕЯ 1:18

Няхай дасьць яму Гасподзь здабыць міласьць у Госпада ў той дзень; а колькі ён служыў (мне) ў Эфэсе, ты лепей ведаеш.

1 ПЯТРА 5:10

А Бог усялякай мілаты, паклікаўшы нас у вечную славу Сваю ў Хрысьце Ісусе, Сам пасьля нядоўгага цяпреньня вашага, няхай удасканаліць вас, няхай угрунтуе, няхай умацуе, няхай зробіць непахіснымі.

2 ПЯТРА 3:10

Прыйдзе ж дзень Гасподні, як злодзей ноччу, і тады нябёсы з грукатам мінуцца, а стыхіі, распаленыя, разбурацца ўшчэнт, зямля і ўсе дзеі на ёй згараць.

2 ПЯТРА 3:14

Дык вось, любасныя, чакаючы гэтага, пастарайцеся зьявіцца перад Ім неапаганенымі і беспахібнымі ў сьвеце;