ЭКЛЕЗІЯСТА 9:8 - Біблія (пераклад А.Бокуна)

⁸ Увесь час няхай будзе белым адзеньне тваё, і алею на галаве тваёй няхай не бракуе.

Біблія (пераклад В. Сёмухі)

⁸ Хай сьветлай будзе ва ўсякую пору адзежа твая і хай не абсохне алей на тваёй галаве.

Кнігі Святога Пісання - Біблія - Біблія — пераклад Чарняўскага (выданне 2017 года)

⁸ Хай увесь час будуць белымі шаты твае, ды хай алеек з галавы тваёй не знікае!

ЭКЛЕЗІЯСТА 9:8 Крыжаваныя спасылкі

2 ЦАРСТВАЎ 14:2

І паслаў Ёаў у Тэкоа, і прывёў адтуль мудрую жанчыну, і сказаў ёй: «Удай, што ты ў жалобе і апраніся ў адзеньне жалобнае, і не намашчайся алеем, і будзеш як жанчына, якая шмат дзён у жалобе па памерлым.

2 ЦАРСТВАЎ 19:24

І сказаў валадар Шымэю: «Не памрэш!» І запрысягнуў яму валадар.

ЭСТЭР 8:15

А Мардэхай выйшаў ад аблічча валадара ў шаце валадарскай, блакітнай і белай, і [на ім] — вялікая залатая карона і плашч з вісону і пурпуру. І горад Шушан радаваўся і весяліўся.

ПСАЛТЫР 23:5

Ты накрываеш перад абліччам маім стол насуперак тым, якія ўціскаюць мяне; галаву маю Ты памазаў алеем, і келіх мой да верху наліты.

ДАНІІЛА 10:3

Хлеба смачнага я ня еў, і мяса і віно не ўваходзілі ў вусны мае, і масьцямі я ня масьціў сябе, пакуль ня споўніліся тры тыдні дзён.

АМОСА 6:6

Вы п’іцё віно куфлямі і мажацеся найлепшымі масьцямі, але не смуткуеце з прычыны загубы Язэпа!

МАЦЬВЕЯ 6:17

А ты, посьцячыся, памаж галаву тваю і абмый аблічча тваё,

ЛУКАША 7:46

Ты галавы Мне алеем не памазаў; а яна мірам памазала ногі Мае.

АДКРЫЦЦЁ 16:15

«Вось, прыходжу, як злодзей. Шчасьлівы той, які чувае і захоўвае адзеньне сваё, каб не хадзіць яму голым, і каб ня бачылі непрыстойнасьці ягонай».

АДКРЫЦЦЁ 19:14

І ішлі за Ім войскі нябесныя на белых конях, апранутыя ў вісон белы і чысты.

АДКРЫЦЦЁ 19:8

І дадзена ёй, каб апранулася ў вісон чысты і сьветлы; вісон жа — гэта праведнасьць сьвятых.

АДКРЫЦЦЁ 7:9

Пасьля гэтага ўбачыў я, і вось, вялізарны натоўп, палічыць якога ніхто ня мог, з усякага народу, і калена, і племені, і мовы стаіць перад пасадам і перад Ягнём, апранутыя ў белыя вопраткі, і пальмы ў руках іхніх,

РУТ 3:3

Памыйся, памажся, і апрані адзеньне тваё, і зыходзячы, зыйдзі на ток, але не паказвайся гэтаму чалавеку, пакуль ён ня скончыць есьці і піць.