ЭКЛЕЗІЯСТА 6:12 - Біблія (пераклад А.Бокуна)

¹² Бо хто ведае, што добра для чалавека ў жыцьці, у палічаных днях марнага жыцьця, якое праходзіць, як цень? І хто распавядзе чалавеку, што будзе пасьля яго пад сонцам?

Біблія (пераклад В. Сёмухі)

¹² Бо хто ведае, што чалавеку добра ў жыцьці, у безьлічы дзён марнага веку яго, якія праходзяць, бы цень? І хто чалавеку скажа, што будзе пад сонцам пасьля яго?

Кнігі Святога Пісання - Біблія - Біблія — пераклад Чарняўскага (выданне 2017 года)

¹² Бо хто ведае, што добра для чалавека ў жыцці, у нямногіх днях марнасці сваёй, якія пражывае, як цень? Або хто зможа выявіць яму, што будзе пасля яго пад сонцам?

ЭКЛЕЗІЯСТА 6:12 Крыжаваныя спасылкі

ЯКАВА 4:14

вы, якія ня ведаеце, што [будзе] заўтра. Бо што такое жыцьцё вашае? Бо яно — пара, якая зьяўляецца на малы [час], а потым чэзьне.

ЭКЛЕЗІЯСТА 3:22

І ўбачыў я, што нічога няма лепшага для чалавека, як радавацца са справаў сваіх, бо гэта доля ягоная. Бо хто прывядзе яго паглядзець на тое, што будзе пасьля яго?

ЁВА 14:2

Вырастае кветка, і вяне, і мінае, як цень, і не застаецца.

ПСАЛТЫР 144:4

Чалавек падобны да марнасьці; дні ягоныя — быццам цень, што мінае.

ЭКЛЕЗІЯСТА 8:13

І ня будзе добра бязбожніку, і не падоўжыць ён дзён сваіх, падобны да ценю той, хто ня мае страху перад абліччам Божым.

ЭКЛЕЗІЯСТА 8:7

што ня ведае ён, што будзе, і як гэта будзе, хто паведаміць яму?

ЁВА 8:9

бо мы — учора [нарадзіліся] і мала ведаем, бо дні нашыя на зямлі — быццам цень.

1 ЛЕТАПІСАЎ 29:15

Бо мы — прыхадні перад абліччам Тваім, як усе бацькі нашыя. Дні нашыя на зямлі, як цень, і няма трываласьці.

ЭКЛЕЗІЯСТА 12:13

Сутнасьць усяго слова, што было пачута: бойся Бога і захоўвай прыказаньні Ягоныя, бо ў гэтым — усё для чалавека!

ЭКЛЕЗІЯСТА 9:6

Таксама любоў іхняя і нянавісьць іхняя, і зайздрасьць іхняя ўжо счэзьлі, і ня ма­юць яны ўжо часткі на вякі ў-ва ўсім, што робіцца пад сонцам.

ЭКЛЕЗІЯСТА 2:3

Вырашыў я ў сэрцы маім дазволіць целу майму віно, але каб сэрца маё кіравалася мудрасьцю, і трымацца глупоты, аж пакуль ня ўбачу, што добра для сыноў чалавечых, каб рабіць пад сонцам у палічаных днях жыцьця свайго.

ПСАЛТЫР 109:23

Я зыходжу, як цень, што зьнікае; ганяюць мяне, як саранчу.

ПСАЛТЫР 102:11

праз гнеў [Твой] і абурэньне, бо Ты падняў мяне і кінуў.

ПСАЛТЫР 17:15

А я ў праведнасьці ўбачу аблічча Тваё, абудзіўшыся, насычуся вобразам Тваім.

ПСАЛТЫР 4:6

Ахвяруйце ахвяры праведнасьці і спадзявайцеся на ГОСПАДА!

ЁВА 14:21

Ці ў славе жывуць дзеці ягоныя, ён ня ведае, ці ў ганьбе, ён не разумее.

МІХЕЯ 6:8

Паведамлена табе, чалавеча, што добрае, і што ГОСПАД шукае ў цябе: каб ты чыніў суд [справядлівы], і любіў міласэрнасьць, і хадзіў пакорліва з Богам тваім.

ПСАЛТЫР 89:47

Як доўга, ГОСПАДЗЕ? Ці назаўсёды Ты будзеш хавацца? Ці будзе палаць, як агонь, ярасьць Твая?

ПСАЛТЫР 47:4

Ён скарыў народы, і [кінуў] паганаў пад ногі нашыя.

ПСАЛТЫР 16:5

ГОСПАД — частка долі маёй і келіху [майго]; Ты трымаеш лёс мой.

ЭКЛЕЗІЯСТА 2:24

Няма нічога лепшага чалавеку, як есьці і піць, і даваць душы сваёй [карыстацца] дабром цяжкай працы сваёй. Таксама ўбачыў я, што гэта з рукі Божай [паходзіць].

ЭКЛЕЗІЯСТА 6:11

Дзе шмат слоў, там памнажаецца марнасьць; і што мае з гэтага чалавек?

ЭКЛЕЗІЯСТА 7:15

Усё гэта я бачыў у дні марнасьці маёй: вось, праведнік гіне ў праведнасьці сваёй, і вось бязбожнік доўга жыве ў ліхоце сваёй.

ЭКЛЕЗІЯСТА 9:9

Пражыві жыцьцё з жонкаю, якую кахаеш, у-ва ўсе дні марнага жыцьця твайго, якія дадзены табе пад сонцам на ўвесь час марнасьці тваёй, бо гэта частка твая ў жыцьці і ў-ва ўсёй цяжкай працы, якою працуеш пад сонцам.

ЭКЛЕЗІЯСТА 10:14

Бязглузды памнажае словы, хоць ня ведае чалавек, што будзе потым, і што пасьля яго станецца, хто распавядзе яму?