ЭКЛЕЗІЯСТА 2:26 - Біблія (пераклад А.Бокуна)

²⁶ Бо чалавеку, які добры перад абліччам Ягоным, Ён дае мудрасьць, і веданьне, і радасьць, а грэшніку дае занятак, каб зьбіраў, і назапашваў, і [потым] аддаў таму, хто добры перад абліччам Божым. І гэта таксама марнасьць і пагоня за ветрам.

Біблія (пераклад В. Сёмухі)

²⁶ Бо чалавеку, які перад абліччам Ягоным ёсьць добры, Ён мудрасьць дае, і веды, і радасьць; а грэшнаму клопат дае - зьбіраць, назапашваць, каб богаспадобнаму потым аддаць. І гэта - марнасьць і пагоня за ветрам!

Кнігі Святога Пісання - Біблія - Біблія — пераклад Чарняўскага (выданне 2017 года)

²⁶ Бо чалавеку добраму перад Ім дае Ён мудрасць, і веданне, і радасць; а грэшніку дае Ён турбаванне: збіраць і накопліваць, каб перадаць таму, які падабаецца Богу; але і гэта марнасць і турбаванне духа.

ЭКЛЕЗІЯСТА 2:26 Крыжаваныя спасылкі

БЫЦЦЁ 7:1

І сказаў ГОСПАД Ною: «Увайдзі ты і ўвесь дом твой у каўчэг, бо ўбачыў Я цябе праведным перад абліччам Маім у пакаленьні гэтым.

ЁВА 32:8

Але дух ёсьць у чалавеку і дыханьне Усемагутнага дае яму разуменьне.

ЁВА 38:36

Хто ўлажыў у нутро ібіса мудрасьць, і хто пеўню даў розум?

ПСАЛТЫР 39:6

Вось, на [некалькі] пядзяў Ты даў дні мае, і век мой — як нішто перад Табою! Толькі ўсякай марнасьцю ёсьць кожны чалавек, [нават] у сіле. (Сэлях)

ПСАЛТЫР 51:6

Супраць Цябе, толькі супраць Цябе саграшыў я і ліхое ўчыніў перад вачыма Тваімі, бо Ты праведны ў словах Тваіх і чысты ў судзе Тваім.

ВЫСЛОЎІ 13:22

Добры пакідае спадчыну і ўнукам, а багацьце грэшнікаў захоўваецца для праведных.

ВЫСЛОЎІ 2:6

Бо ГОСПАД дае мудрасьць, і з вуснаў Ягоных — веданьне і разуменьне.

ВЫСЛОЎІ 28:8

Хто памнажае маёмасьць сваю адсоткам і ліхвай, той зьбі­рае яе для таго, хто літуецца над убогім.

ЭКЛЕЗІЯСТА 1:13

І аддаў я сэрца маё, каб шукаць і дасьледаваць з мудрасьцю ўсё, што дзеецца пад небам. Гэты кепскі занятак даў Бог сынам чалавечым, каб былі занятыя ім.

ЭКЛЕЗІЯСТА 1:14

Глядзеў я на ўсе справы, якія робяцца пад сонцам; і вось, усё — марнасьць і пагоня за ветрам.

ЭКЛЕЗІЯСТА 2:25

Бо хто еў і хто пасьпяшаўся [мець усё] так, як я?

ЭКЛЕЗІЯСТА 3:10

І я ўбачыў занятак, які даў Бог сынам чалавечым, каб яны займаліся ім.

ЛУКАША 1:6

Былі яны абое праведныя перад Богам, ходзячы паводле прыказаньняў і пастановаў Госпада беззаганна.

ЯНА 16:24

Да сёньня вы нічога не прасілі ў імя Маё. Прасіце, і атрымаеце, каб радасьць вашая была поўная.

ЯКАВА 3:17

Але мудрасьць, якая з вышыні, па-першае, — чыстая, пасьля — мірная, спагадная, саступлівая, поўная літасьці і добрых пладоў, бесстаронная і некрывадушная.