СУДЗЬДЗЯЎ 3:11 - Біблія (пераклад А.Бокуна)

¹¹ І адпачывала зямля сорак гадоў. І памёр Атніэль, сын Кеназа.

Біблія (пераклад В. Сёмухі)

¹¹ І спакойна было ў зямлі сорак гадоў. І памёр Гатанііл, сын Кеназаў.

Кнігі Святога Пісання - Біблія - Біблія — пераклад Чарняўскага (выданне 2017 года)

¹¹ І адпачывала зямля сорак гадоў, і Атаніэль, сын Кенэза, памёр.

СУДЗЬДЗЯЎ 3:11 Крыжаваныя спасылкі

1 ЛЕТАПІСАЎ 4:13

А сыны Кеназа: Атніэль і Сэрая. А сыны Атніэля: Хатат.

НЭЭМІІ 9:28

Але, калі яны мелі супачынак, ізноў пачыналі рабіць ліхоту перад абліччам Тваім, і Ты пакідаў іх у руках ворагаў іхніх, і тыя мелі ўладу над імі. І яны навярталіся і клікалі да Цябе, і Ты чуў іх з неба, і вызваляў іх, паводле літасьці Тваёй, шмат разоў.

ЭСТЭР 9:22

як дні, у якія Юдэі супакоіліся ад ворагаў сваіх, і [як] той месяц, у які замяніўся для іх смутак у радасьць, і жалоба — у дзень сьвяточны, каб яны зрабілі іх днямі частаваньня і радасьці, пасылаючы адны адным падарункі і дары для бедных.

ІСУСА 11:23

І захапіў Егошуа ўсю зямлю, як прамовіў ГОСПАД да Майсея, і аддаў яе ў спадчыну сынам Ізраіля, падзяліўшы для каленаў іхніх. І зямля супакоілася ад войнаў.

ІСУСА 15:17

І здабыў яго Атніэль, сын Кеназа, брата Халева, і [Халеў] даў яму Ахсу, дачку сваю, за жонку.

СУДЗЬДЗЯЎ 3:10

І быў на ім Дух ГОСПАДА, і судзіў ён Ізраіля. І ваяваў ён, і аддаў ГОСПАД у рукі ягоныя Кушан-Рышатаіма, валадара Арам-Нагараіму, і перамагла рука ягоная Кушан-Рышатаіма.

СУДЗЬДЗЯЎ 3:12

І сыны Ізраіля ізноў пачалі чыніць ліхоту ў вачах ГОСПАДА, і Ён умацаваў супраць іх Эглона, валадара Мааву, за ліхоту, якой дапускаліся яны ў вачах ГОСПАДА.

СУДЗЬДЗЯЎ 3:30

І ўпакораныя былі ў той дзень Мааўляне рукою Ізраіля, і восемдзясят гадоў зямля жыла спакойна.

СУДЗЬДЗЯЎ 3:9

І клікалі сыны Ізраіля ГОСПАДА, і ГОСПАД паставіў ім збаўцу з сыноў Ізраіля, і выратаваў іх Атніэль, сын Кеназа, малодшы брат Халева.

СУДЗЬДЗЯЎ 5:31

Няхай гэтак, ГОСПАДЗЕ, зьнікнуць усе ворагі Твае! А тыя, што любяць Цябе, няхай ясьнеюць як сонца, якое ўзыходзіць!» І зямля жыла ў супакоі сорак гадоў.

СУДЗЬДЗЯЎ 8:28

І ўпакорыліся Мадыянцы перад сынамі Ізраіля, і не паднялі яны болей галавы, і зямля сорак гадоў адпачывала, калі жыў Гідэон.