РЫМЛЯНАЎ 7:18 - Біблія (пераклад А.Бокуна)

¹⁸ Бо ведаю, што не жыве ў-ва мне, гэта значыцца, у целе маім, добрае; бо жаданьне [добрага] ёсьць у-ва мне, але каб зрабіць добрае, таго не знаходжу.

Біблія (пераклад В. Сёмухі)

¹⁸ Бо ведаю, што ня жыве ўва мне, гэта значыцца, у плоці маёй, добрае; бо жадаць дабра я магу, а рабіць яго - не.

Кнігі Святога Пісання - Біблія - Біблія — пераклад Чарняўскага (выданне 2017 года)

¹⁸ Я бо ведаю, што ўва мне, значыць у целе маім, не жыве добрае: бо жаданне дабра побач са мною, але, каб зрабіць дабро, – не знаходжу.

РЫМЛЯНАЎ 7:18 Крыжаваныя спасылкі

БЫЦЦЁ 6:5

І бачыў ГОСПАД, што вялікае зло [сярод] людзей на зямлі, і што ўсе намеры думак сэрца іхняга — толькі на зло ўсякі дзень.

БЫЦЦЁ 8:21

І адчуў ГОСПАД пах прыемны, і сказаў ГОСПАД у сэрцы Сваім: «Ня буду больш праклінаць зямлю з-за чалавека, бо настаўленьне сэрца чалавечага злое ад маладосьці яго. І больш ня буду забіваць усяго жывога, як гэта зрабіў.

ЁВА 14:4

Хто ж можа нячыстага зрабіць чыстым? Хіба ніхто!

ЁВА 25:4

Ці можа чалавек быць праведным перад Богам, і як можа быць чыстым народжаны ад жанчыны?

ПСАЛТЫР 119:173

Няхай станецца рука Твая дапамогай маёй, бо я выбраў загады Твае.

ПСАЛТЫР 119:176

Я заблукаў як авечка, што згубілася, адшукай Ты слугу Твайго, бо прыказаньняў Тваіх я не забываўся.

ПСАЛТЫР 119:32

Шляхам прыказаньняў Тваіх я пабягу, бо Ты пашыраеш сэрца маё.

ПСАЛТЫР 119:40

Вось, я прагну загадаў Тваіх; ажыві мяне праведнасьцю Тваёй.

ПСАЛТЫР 119:5

О, каб жа я ўмацаваў шлях мой, каб захоўваць пастановы Твае!

ПСАЛТЫР 51:5

Бо я ведаю правіну маю, і грэх мой перада мною заўсёды.

ІСАІ 64:6

І ўсе мы сталіся як нячысты, і ўся праведнасьць наша як заплямленая [месячнымі] адзежа, і мы ўсе вянем, як лісьце, і беззаконьні нашыя панесьлі нас як вецер.

МАЦЬВЕЯ 15:19

Бо з сэрца выходзяць злыя думкі, забойствы, распуснасьць, чужалоства, крадзяжы, фальшывыя сьведчаньні, блюзьнерствы.

ЛУКАША 11:13

Дык вось, калі вы, будучы злымі, умееце добрыя дары даваць дзецям вашым, тым больш Айцец Нябесны дасьць Духа Сьвятога тым, што просяць у Яго».

ЯНА 3:6

Народжанае з цела ёсьць цела, а народжанае з Духа ёсьць дух.

РЫМЛЯНАЎ 13:14

але апраніцеся ў Госпада Ісуса Хрыста і не дагаджайце целу ў пажаданьнях.

РЫМЛЯНАЎ 7:15

Бо я не разумею, што раблю, бо не раблю тое, што хачу, але, што ненавіджу, тое раблю.

РЫМЛЯНАЎ 7:19

Бо добрае, якое хачу, не раблю, а благое, якога не хачу, раблю.

РЫМЛЯНАЎ 7:25

Дзякую Богу праз Ісуса Хрыста, Госпада нашага. Дык таму я сам розумам служу Закону Божаму, а целам — закону грэху.

РЫМЛЯНАЎ 7:5

Бо калі мы былі ў целе, пакуты грахоў, якія [паўставалі] праз Закон, дзеялі ў членах вашых, каб даваць плод сьмерці.

ГАЛЯТАЎ 5:17

Бо цела жадае насупраць духу, а дух — насупраць целу: яны адзін аднаму працівяцца, каб вы рабілі ня тое, што б хацелі.

ГАЛЯТАЎ 5:24

А тыя, якія Хрыстовыя, укрыжавалі цела з пакутамі і пажаданьнямі.

ПІЛІПЯНАЎ 2:13

бо Бог ёсьць Той, Які дзейнічае ў вас паводле ўпадабаньня [Свайго], каб вы і хацелі, і дзейнічалі.

ПІЛІПЯНАЎ 3:12

Не таму, што я ўжо атрымаў ці ўжо споўніў [усё], але імкнуся, ці не дасягну і я таго, як мяне дасягнуў Хрыстос Ісус.

ЦІТА 3:3

Бо і мы былі некалі бяздумнымі, непакорнымі, падманутымі, служачы пажаданьням і розным асалодам, жывучы ў ліхоце і зайздрасьці, былі паскуднымі, ненавідзячы адзін аднаго.

1 ПЯТРА 4:2

каб рэшту часу ў целе жыць не паводле чалавечых пажаданьняў, але паводле волі Божае.