РЫМЛЯНАЎ 6:12 - Біблія (пераклад А.Бокуна)

¹² Дык няхай не валадарыць грэх у сьмяротным целе вашым, каб вам слухацца яго ў пажаданьнях ягоных.

Біблія (пераклад В. Сёмухі)

¹² Дык вось, хай не пануе грэх у сьмяротным вашым целе, каб вам слухацца яго ў пажадах ягоных;

Кнігі Святога Пісання - Біблія - Біблія — пераклад Чарняўскага (выданне 2017 года)

¹² Дык хай жа грэх не валадарыць у вашым смяротным целе, каб вам слухацца яго ў пажадлівасцях.

РЫМЛЯНАЎ 6:12 Крыжаваныя спасылкі

ГАЛЯТАЎ 5:16

А я кажу: хадзіце [паводле] духа і пажаданьняў цела ня будзеце спаўняць.

РЫМЛЯНАЎ 6:16

Ці вы ня ведаеце, што, каму вы аддаяцё сябе на службу, каб [быць яму] паслухмянымі, таго вы і слугі, каго слухаецеся: ці грэху — на сьмерць, ці паслухмянасьці — на праведнасьць.

РЫМЛЯНАЎ 8:13

бо калі вы жывяцё паводле цела, памрацё, а калі духам цялесныя ўчынкі забіваеце, жыць будзеце.

ГАЛЯТАЎ 5:24

А тыя, якія Хрыстовыя, укрыжавалі цела з пакутамі і пажаданьнямі.

ПСАЛТЫР 19:13

Хто зразумее памылкі свае? Ад схаваных [грахоў] вызвалі мяне!

2 КАРЫНФЯНАЎ 4:11

Бо мы, жывыя, заўсёды выдаваныя на сьмерць дзеля Ісуса, каб і жыцьцё Ісуса выявілася ў сьмяротным целе нашым.

2 ЦІМАФЕЯ 2:22

Ад юнацкіх пажаданьняў уцякай, а імкніся да праведнасьці, веры, любові, супакою з тымі, хто прызывае Госпада ад чыстага сэрца.

ЭФЭСЯНАЎ 4:22

каб адкінуць вам ранейшы лад жыцьця старога чалавека, які зьнішчаецца ў манлівых пажаданьнях,

РЫМЛЯНАЎ 2:8

а тым, што спрачаюцца і не скараюцца праўдзе, але скараюцца няправеднасьці, — ярасьць і гнеў.

1 ПЯТРА 2:11

Улюбёныя, прашу вас, як прыхадняў і вандроўнікаў, высьцерагайцеся цялесных пажаданьняў, якія змагаюцца супраць душы,

ЦІТА 2:12

якая навучае нас, каб, адрокшыся ад бязбожнасьці і пажадлівасьцяў сьвету, цьвяроза, праведна і пабожна жылі мы ў цяперашнім веку,

ЭФЭСЯНАЎ 2:3

між якімі і мы ўсе жылі некалі ў пажаданьнях цела нашага, выконваючы волю цела і думак, і былі па прыродзе дзецьмі гневу, як і іншыя, —

ПСАЛТЫР 119:133

Стопы мае ўмацуй Ты ў слове Тваім і ня дай беззаконьню авалодаць мною.

ЛІКІ 33:55

А калі ня выганіце перад сабою жыхароў зямлі гэтай, будуць тыя, якія з іх застануцца, цернямі ў вачах вашых і калючкамі ў баках вашых, і будуць яны ўціскаць вас у зямлі, у якой вы будзеце жыць.

ЮДЫ 1:18

яны казалі вам, што ў апошні час зьявяцца лаяльнікі, якія ходзяць паводле сваіх бязбожных пажаданьняў.

1 ПЯТРА 1:14

Як паслухмяныя дзеці, не прыпадабняйцеся ранейшым пажаданьням у няведаньні вашым,

ЦІТА 3:3

Бо і мы былі некалі бяздумнымі, непакорнымі, падманутымі, служачы пажаданьням і розным асалодам, жывучы ў ліхоце і зайздрасьці, былі паскуднымі, ненавідзячы адзін аднаго.

1 ФЕСАЛОНІКІЙЦАЎ 4:5

а ня ў жарсьцях пажадлівасьці, як пагане, што ня ведаюць Бога;

РЫМЛЯНАЎ 13:14

але апраніцеся ў Госпада Ісуса Хрыста і не дагаджайце целу ў пажаданьнях.

РЫМЛЯНАЎ 8:11

А калі Дух Таго, Які ўваскрасіў Ісуса з мёртвых, жыве ў вас, Той, Які ўваскрасіў Хрыста з мёртвых, ажывіць і вашыя сьмяротныя целы Духам Сваім, Які жыве ў вас.

РЫМЛЯНАЎ 6:14

Бо грэх ня будзе панаваць над вамі, бо вы не пад законам, але пад ласкаю.

РЫМЛЯНАЎ 5:21

каб, як грэх валадарыў у сьмерці, гэтак і ласка валадарыла праз праведнасьць на жыцьцё вечнае праз Ісуса Хрыста, Госпада нашага.

СУДЗЬДЗЯЎ 2:3

І Я сказаў: “Ня буду выганяць іх перад абліччам вашым, каб былі яны вам цернем, а богі іхнія будуць для вас пасткаю”».

ДРУГІ ЗАКОН 7:2

ГОСПАД, Бог твой, аддасьць іх табе, і ты выгубіш іх, і пакладзеш на іх закляцьце, і не заключыш з імі запавет, і ня зьлітуешся над імі.

ЮДЫ 1:16

Гэта наракальнікі, якія нічым не задавальняюцца, якія ходзяць паводле пажаданьняў сваіх; і вусны іхнія гавораць пыхліва, і яны зважаюць на аблічча дзеля карысьці.

2 КАРЫНФЯНАЎ 5:4

Бо мы, знаходзячыся ў хаціне, уздыхаем пад цяжарам, бо ня хочам пазбыцца [яе], але апрануцца, каб сьмяротнае ахоплена было жыцьцём.

БЫЦЦЁ 4:7

Ці ж ты не ўзьнімаеш [аблічча], калі робіш добра, а калі ня робіш добра, грэх ляжыць пры дзьвярах, да цябе памкненьне ягонае, але ты павінен панаваць над ім».

ЛЯВІТ 13:40

Калі з чыёй галавы выпадуць валасы, ён лысы, і ён чысты.