ПСАЛТЫР 135:7 - Біблія (пераклад А.Бокуна)

⁷ Ён уздымае хмары ад краю зямлі, робіць маланкі і дождж, выводзіць вецер са скарбніцы Сваёй.

Біблія (пераклад В. Сёмухі)

⁷ стварыў сьвяцілы вялікія, бо вечная ласка Яго;

Кнігі Святога Пісання - Біблія - Біблія — пераклад Чарняўскага (выданне 2017 года)

⁷ Прыганяе хмары з канца зямлі, выклікае дождж маланкамі; выводзіць Ён вятры з клецяў Сваіх.

ПСАЛТЫР 135:7 Крыжаваныя спасылкі

ЕРАМІІ 10:13

Калі голас Ягоны загучыць, шумяць воды ў небе. Ён узьнімае хмары ад краёў зямлі, Ён выклікае маланкі і дождж і выводзіць вецер з камораў Сваіх.

ЗАХАРЫІ 10:1

Прасіце ў ГОСПАДА дождж у час позьняга дажджу. ГОСПАД блісьне маланкаю і дасьць залеву даж­джу, [дасьць] кожнаму траву ў полі.

ЕРАМІІ 51:16

Калі гучыць голас Ягоны, шумяць воды ў небе, Ён прыносіць хмары з канца зямлі, маланкамі суправаджае дождж і выклікае вецер са сховішчаў Сваіх.

ЯНА 3:8

Дух дыхае, дзе хоча, і голас Яго чуеш, але ня ведаеш, адкуль прыходзіць і куды адыходзіць; гэтак і ўсякі, народжаны з Духа».

ПСАЛТЫР 148:8

агонь і град, сьнег і туман, вецер бурны, які дзее паводле слова Ягонага,

ЁНЫ 1:4

Але ГОСПАД пусьціў вялікі вецер на мора, і ўзьнялася вялікая бура на моры, і думалі, што карабель разаб’ецца.

ЕРАМІІ 14:22

Ці ёсьць сярод марных [багоў] паганскіх такія, што маглі спасылаць дождж? Ці неба [само] дае залевы? Ці ж ня Ты, ГОСПАДЗЕ, Божа наш? У Табе мы маем надзею, бо Ты ўчыніў усё гэта.

ПСАЛТЫР 107:25

Ён сказаў, і стаўся вецер бурны, і ўзьняліся хвалі,

ЁВА 5:10

Ён дае дождж на аблічча зямлі і поіць палеткі вадою.

3 ЦАРСТВАЎ 18:1

І сталася праз шмат дзён, у трэці год, было слова ГОСПАДА да Ільлі, кажучы: «Ідзі і зьявіся Ахаву, і Я дам дождж на аблічча зямлі».

ПСАЛТЫР 78:26

Ён рушыў вецер усходні ў небе і сілай Сваёю навёў вецер паўднёвы;