ПСАЛТЫР 112:1 - Біблія (пераклад А.Бокуна)

¹ Альлелюя! Шчасьлівы той чалавек, які баіцца ГОСПАДА і ў прыказаньнях Ягоных мае ўпадабаньне вялікае.

Біблія (пераклад В. Сёмухі)

¹ Алілуя. Хвалеце, рабы Гасподнія, хвалеце імя Гасподняе.

Кнігі Святога Пісання - Біблія - Біблія — пераклад Чарняўскага (выданне 2017 года)

¹ Алілуя. АЛЕФ. Шчасны чалавек, які шануе Госпада, БЭТ. які вельмі любіць прыказанні Яго.

ПСАЛТЫР 112:1 Крыжаваныя спасылкі

3 ЦАРСТВАЎ 18:3

І паклікаў Ахаў Абадыю, які [быў] над домам [ягоным], а Абадыя вельмі баяўся ГОСПАДА.

ПСАЛТЫР 111:1

Альлелюя! Буду славіць ГОСПАДА ўсім сэрцам на нарадзе правых і ў грамадзе.

ПСАЛТЫР 111:10

Страх перад ГОСПАДАМ — пачатак мудрасьці; добры розум [маюць] усе, што дзейнічаюць [у страху Божым]. Хвала Ягоная трывае вечна.

ПСАЛТЫР 119:14

На шляху сьведчаньняў Тваіх я радуюся больш, чым ад усялякіх каштоўнасьцяў.

ПСАЛТЫР 119:143

Прыгнёт і гора знайшлі мяне; прыказаньні Твае — пацеха мая.

ПСАЛТЫР 119:16

У пастановах Тваіх будзе пацяшэньне маё, не забудуся слова Твайго.

ПСАЛТЫР 119:35

Вядзі мяне па сьцежцы прыказаньняў Тваіх, бо ў гэтым упадабаньне маё.

ПСАЛТЫР 119:97

Як я люблю Закон Твой! Увесь дзень ён у думках маіх!

ПСАЛТЫР 128:1

Сьпеў узыходжаньня. Шчасьлівы кожны, хто баіцца ГОС­ПАДА, хто ходзіць шляхамі Ягонымі.

ПСАЛТЫР 145:19

Ён робіць паводле жаданьня тых, што баяцца Яго, і чуе лямант іхні і выбаўляе іх.

ПСАЛТЫР 147:1

Хвалеце ГОСПАДА, бо Ён добры; выслаўляйце Бога нашага, бо прыемна гэта. Хвала належыць Яму!

ПСАЛТЫР 150:1

Альлелюя! Хвалеце Бога ў сьвятыні Ягонай, хвалеце Яго ў прасьцягу моцы Ягонай!

ПСАЛТЫР 40:8

Тады я сказаў: «Вось, я іду! У скрутку кнігі напісана пра мяне».

ВЫХАД 1:21

I сталася, [за тое], што павітухі баяліся Бога, Ён збудаваў ім дамы.

ЭКЛЕЗІЯСТА 8:12

Хоць грэшнік сто разоў чыніць зло, але доўга жыве. Але я ведаю таксама, што будзе добра тым, якія баяцца Бога, якія баяцца аблічча Ягонага.

ІСАІ 50:10

Хто з вас баіцца ГОСПАДА, няхай слухае голас Слугі Ягонага! Хто ходзіць у цемры і няма яму сьвятла, няхай спадзяецца на імя ГОСПАДА і няхай абапіраецца на Бога свайго.

ЛУКАША 1:50

і міласэрнасьць Ягоная з пакаленьня ў пакаленьне для тых, якія баяцца Яго.

РЫМЛЯНАЎ 7:22

Бо паводле ўнутранага чалавека я захапляюся Законам Божым,

РЫМЛЯНАЎ 8:6

Бо думкі цялесныя — сьмерць, а думкі духоўныя — жыцьцё і супакой.

ДРУГІ ЗАКОН 28:3

Дабраслаўлёны ты ў горадзе і дабраслаўлёны ў полі.