ПЕСЬНЯ 2:9 - Біблія (пераклад А.Бокуна)

⁹ Любы мой падобны да сарны, да маладога аленя. Вось, ён стаіць за сьцяною нашаю, заглядае праз вакно, зазірае праз краты.

Біблія (пераклад В. Сёмухі)

⁹ мілы падобны да сарны, да маладога аленя. Вось, ён стаіць у нас за сьцяною, заглядваючы ў акно, мільгаціць за рашоткай.

Кнігі Святога Пісання - Біблія - Біблія — пераклад Чарняўскага (выданне 2017 года)

⁹ Улюбёны мой падобны да сарны, да маладога аленя. Вось, стаіць ён за нашаю сцяною, глядзіць праз акно, зазірае праз краты.

ПЕСЬНЯ 2:9 Крыжаваныя спасылкі

2 ЦАРСТВАЎ 2:18

І былі там тры сыны Цэруі: Ёаў, Абішай і Асаэль. І Асаэль быў вельмі хуткім у нагах, як сарна ў полі.

ВЫСЛОЎІ 5:19

Яна — ланя ласкавая і сарна прыгожая, грудзі ейныя няхай напойваюць цябе ў-ва ўсякую часіну, у каханьні яе мей асалоду заўсёды.

ВЫСЛОЎІ 6:5

вырывайся, як сарна з рукі і як птушка з рукі птушкалова.

ВЫСЛОЎІ 7:6

Вось, глядзеў я праз вакно дому свайго, праз краты свае,

ПЕСЬНЯ 1:16

«Які прыгожы ты, любы мой, які цудоўны! Ложак наш — зеляніна,

ПЕСЬНЯ 2:17

Пакуль дзень дыхае [ветрам] і зьнікаюць цені, вярніся! Будзь падобны, любы мой, да сарны, да маладога аленя на гарах Бэтэр».

ПЕСЬНЯ 2:7

«Заклінаю вас, дочкі Ерусалімскія, сарнамі і ланямі палявымі, не будзіце і не падымайце каханую, аж пакуль сама не захоча».

ПЕСЬНЯ 3:5

«Заклінаю вас, дочкі Ерусалімскія, сарнамі і ланямі палявымі, не будзіце, не падымайце каханую, пакуль сама не захоча».

ПЕСЬНЯ 8:14

«Уцякай, любы мой, будзь падобны да сарны, да маладога аленя на гарах пахкіх дрэваў!»

ЛУКАША 24:35

І яны распавялі, што здарылася ў дарозе, і як пазналі Яго ў ламаньні хлеба.

ЯНА 12:41

Гэта сказаў Ісая, калі бачыў славу Ягоную і гаварыў пра Яго.

ЯНА 5:39

Дасьледуйце Пісаньні, бо вы думаеце праз іх мець жыцьцё вечнае, і яны сьведчаць пра Мяне.

ЯНА 5:46

Бо, калі б вы верылі Майсею, то верылі б і Мне, бо ён пісаў пра Мяне.

1 КАРЫНФЯНАЎ 13:12

Бо цяпер мы бачым праз [мутнае] шкло, невыразна; а тады — абліччам да аблічча; цяпер я разумею часткова, а тады пазнаю [гэтаксама], як я сам пазнаны.

КАЛАСЯНАЎ 2:17

Гэта ёсьць цень таго, што мае быць, а цела — Хрыстовае.

ГАБРЭЯЎ 10:1

Бо Закон, які мае цень будучага дабра, а ня сам вобраз рэчаў, тымі ахвярамі, якія нязьменна прыносяцца штогод, ніколі ня можа зрабіць дасканалымі тых, што прыходзяць [з імі].

АДКРЫЦЦЁ 19:10

І я ўпаў да ног ягоных, каб пакланіцца яму, і ён кажа мне: «Глядзі, не [рабі гэтага]! Я — таварыш твой і братоў тваіх, якія маюць сьведчаньне Ісуса. Богу пакланіся, бо сьведчаньне Ісуса ёсьць дух прароцтва».

СУДЗЬДЗЯЎ 5:28

Праз акно глядзіць маці Сісэры і галосіць праз ваконныя краты: “Чаму марудзіць калясьніца ягоная вярнуцца? Чаму не сьпяшаецца грукат калясьніцаў ягоных?”