ПІЛІПЯНАЎ 1:8 - Біблія (пераклад А.Бокуна)

⁸ Бо Бог мне сьведка, як я прагну [агарнуць] усіх вас сэрцам Ісуса Хрыста;

Біблія (пераклад В. Сёмухі)

⁸ Бог - сьведка, што я люблю ўсіх вас любоўю Ісуса Хрыста;

Кнігі Святога Пісання - Біблія - Біблія — пераклад Чарняўскага (выданне 2017 года)

⁸ Сведка мне Бог, як сардэчна імкнуся да ўсіх вас у Ісусе Хрысце.

ПІЛІПЯНАЎ 1:8 Крыжаваныя спасылкі

ЁВА 16:19

Бо вось, цяпер у небе Сьведка мой, і Заступнік мой — на вышынях.

ІСАІ 16:11

Дзеля таго ўнутранасьці мае стогнуць, як гусьлі, дзеля Маава, і нутро маё — дзеля Кір-Харэсу.

ІСАІ 63:15

Глянь з неба і пабач з Сялібы сьвятасьці Тваёй і велічы Тваёй! Дзе рэўнасьць Твая і магутнасьць Твая? Узрушанасьці нутра Твайго і ласкавасьці Тваёй да мяне ня стрымлівай.

ЕРАМІІ 31:20

Ці ты, Эфраім, не дарагі сын для Мяне і ці не дзіцё любае? Бо колькі разоў прамаўляю супраць яго, заўжды, памятаючы, памятаю яго. Таму хвалюецца ўнутранасьць Мая дзеля яго, і, літуючыся, зьлітуюся над ім, кажа ГОСПАД.

ЛУКАША 1:78

праз унутраную міласэрнасьць Бога нашага, у якой адведаў нас Усход з вышыні,

РЫМЛЯНАЎ 1:9

Бо сьведка мне Бог, Якому служу духам маім у Эвангельлі Сына Яго, што несупынна ўзгадваю вас,

РЫМЛЯНАЎ 9:1

Праўду кажу ў Хрысьце, не хлушу, сьведчыць мне сумленьне маё ў Духу Сьвятым,

2 КАРЫНФЯНАЎ 13:9

Бо мы радуемся, калі мы слабыя, а вы моцныя; і пра гэта і молімся, пра вашую дасканаласьць.

2 КАРЫНФЯНАЎ 6:12

Вам ня цесна ў нас, але ў сэрцах вашых цесна.

2 КАРЫНФЯНАЎ 7:15

І сэрца ягонае яшчэ больш [зьвернута] да вас, калі ён узгадвае паслухмянасьць усіх вас, як вы прынялі яго са страхам і дрыжаньнем.

ГАЛЯТАЎ 1:20

А што пішу вам, вось, перад Богам [сьведчу], што не хлушу.

ГАЛЯТАЎ 3:26

бо ўсе вы — сыны Божыя праз веру ў Хрыста Ісуса.

ГАЛЯТАЎ 4:19

дзеткі мае, якімі ізноў мучуся ў радзінах, пакуль не ўкштал­туецца ў вас Хрыстос.

ПІЛІПЯНАЎ 2:1

Дык калі ёсьць якое пацяшэньне ў Хрысьце, калі ёсьць якая патоля любові, калі ёсьць якая супольнасьць Духа, калі ёсьць якая сардэчнасьць і міласэрнасьць,

ПІЛІПЯНАЎ 2:26

бо ён жадаў [бачыць] усіх вас і тужыў, што вы пачулі пра нядужасьць ягоную.

ПІЛІПЯНАЎ 4:1

Так што, браты мае ўлюбёныя і пажаданыя, радасьць і вянок мой, стойце так у Госпадзе, улюбёныя.

КАЛАСЯНАЎ 2:1

Бо хачу, каб вы ведалі, якую вялікую барацьбу я маю дзеля вас і дзеля тых, што ў Ляадыкеі, і дзеля ўсіх, якія ня бачылі аблічча майго ў целе,

КАЛАСЯНАЎ 3:12

Дык апраніцеся, як выбраныя Божыя, сьвятыя і ўлюбёныя, у міласэрнасьць, ласкавасьць, пакору, ціхасьць, доўгацярплівасьць,

1 ФЕСАЛОНІКІЙЦАЎ 2:5

Бо ніколі не было ў нас словаў лісьлівых, як ведаеце, ані думак хцівых, Бог — сьведка!

1 ФЕСАЛОНІКІЙЦАЎ 2:8

Гэтак мы, рупячыся пра вас, пажадалі перадаць вам ня толькі Эвангельле Божае, але і душы нашыя, бо вы сталіся нам любымі.

2 ЦІМАФЕЯ 1:4

жадаючы бачыць цябе, памятаючы пра сьлёзы твае, каб мне напоўніцца радасьцю,

ФІЛІМОНА 1:12

Яго я паслаў, а ты яго, як мае ўнутранасьці, прыймі.

ФІЛІМОНА 1:20

Гэтак, браце, дай мне скарыстацца ад цябе ў Госпадзе; супакой унутранасьці мае ў Госпадзе.

1 ЯНА 3:17

А хто мае маёмасьць у сьвеце, і бачыць брата свайго ў патрэбе, і зачыняе ад яго нутро сваё, дык як любоў Божая застаецца ў ім?