МАЦЬВЕЯ 23:9 - Біблія (пераклад А.Бокуна)

⁹ І айцом сабе не называйце [нікога] на зямлі, бо адзін у вас Айцец, Які ў небе.

Біблія (пераклад В. Сёмухі)

⁹ і айцом сабе не называйце нікога на зямлі, бо адзін у вас Айцец, Які на нябёсах;

Кнігі Святога Пісання - Біблія - Біблія — пераклад Чарняўскага (выданне 2017 года)

⁹ Ані айцом сабе не называйце нікога на зямлі, бо адзін Айцец ваш, Які ў небе.

МАЦЬВЕЯ 23:9 Крыжаваныя спасылкі

1 ЯНА 3:1

Глядзіце, якую любоў даў нам Айцец, каб нам называцца дзецьмі Божымі. Сьвет дзеля таго не пазнае вас, што не пазнаў Яго.

ГАБРЭЯЎ 12:9

Да таго, калі мы мелі бацькоў цела нашага, якія нас каралі, і саромеліся перад імі, ці ня шмат больш маем падпарадкоўвацца Айцу духаў і будзем жыць?

МАЛАХІІ 1:6

«Сын шануе бацьку, і слуга — гаспадара свайго. Дык калі Я — Айцец, дзе пашана Мне? І калі Я — Госпад, дзе страх перада Мною?» — кажа ГОСПАД Магуцьцяў вам, сьвятары, якія грэбуеце імем Маім, і кажаце: «Як мы грэбуем імем Тваім?»

МАЦЬВЕЯ 7:11

Дык калі вы, будучы злымі, умееце добрыя дары даваць дзецям вашым, тым больш Айцец ваш, Які ў небе, дасьць добрае тым, што просяць у Яго.

1 КАРЫНФЯНАЎ 4:15

Бо хаця вы маеце дзесяць тысячаў выхавацеляў у Хрысьце, але няшмат бацькоў, бо я нарадзіў вас у Хрысьце Ісусе праз Эвангельле.

2 КАРЫНФЯНАЎ 6:18

«І Я буду вам Айцом, і вы будзеце Мне сынамі і дочкамі, — кажа Госпад Усеўладны».

ДЗЕІ 22:1

«Мужы браты і бацькі! Паслухайце цяпер маю перад вамі абарону».

4 ЦАРСТВАЎ 2:12

А Элісэй глядзеў і крычаў: «Ойча мой! Ойча мой! Калясьніца Ізраіля і коньнікі ягоныя». І больш яго ўжо ня бачыў, і схапіў шаты свае, і разьдзёр іх на дзьве часткі.

МАЦЬВЕЯ 6:32

Бо ўсяго гэтага шукаюць пагане. Бо Айцец ваш Нябесны ведае, што вам усё гэтае патрэбна.

4 ЦАРСТВАЎ 13:14

А Элісэй захварэў немаччу, ад якой потым памёр. І прыйшоў да яго Егааш, валадар Ізраіля, і плакаў перад абліччам ягоным, і казаў: «Ойча мой, ойча мой! Калясьніца Ізраіля і коньнікі ягоныя!»

4 ЦАРСТВАЎ 6:21

І сказаў валадар Ізраіля Элісэю, калі ўбачыў іх: «Ці маю, забіваючы, забіць іх, бацька мой?»

МАЦЬВЕЯ 23:10

І не называйцеся настаўнікамі, бо адзін у вас Настаўнік — Хрыстос.