ЛЯВІТ 19:11 - Біблія (пераклад А.Бокуна)

¹¹ Не крадзіце, і не хлусіце, і не ашуквайце адзін аднаго.

Біблія (пераклад В. Сёмухі)

¹¹ Ня крадзьце, не манеце і не ашуквайце адзін аднаго.

Кнігі Святога Пісання - Біблія - Біблія — пераклад Чарняўскага (выданне 2017 года)

¹¹ Не крадзіце і не хлусіце. Хай ніводны з вас не ашуквае блізкага свайго.

ЛЯВІТ 19:11 Крыжаваныя спасылкі

ВЫХАД 20:15

Ня будзеш красьці.

КАЛАСЯНАЎ 3:9

не хлусіце адзін аднаму, распрануўшыся са старога чалавека з учынкамі ягонымі

ЭФЭСЯНАЎ 4:25

Дзеля гэтага, адкінуўшы хлусьню, гаварыце кожны праўду бліжняму свайму, бо мы члены адзін аднаму.

ПСАЛТЫР 101:7

Ня будзе ў доме маім жыць той, хто здраду кнуе; той, хто гаворыць хлусьліва, ня будзе стаяць перад вачыма маімі.

РЫМЛЯНАЎ 3:4

Няхай ня станецца! Бог ёсьць праўдзівы, а ўсякі чалавек хлусьлівы, як напісана: «Каб Ты быў праведны ў словах Тваіх і перамог у судзе Тваім».

ДРУГІ ЗАКОН 5:19

Не крадзі.

АДКРЫЦЦЁ 21:8

А для палахлівых і бязьверных, і брыдотных, і забойцаў, і распусьнікаў, і чараўнікоў, і ідалапаклоньнікаў, і ўсіх хлусьлівых частка іхняя — у возеры, якое палае агнём і серкаю. Гэта — другая сьмерць».

1 ЦІМАФЕЯ 1:10

распусьнікаў, мужаложнікаў, людакрадаў, хлусьлівых, крывапрысяжнікаў і для іншых, што супрацівяцца здароваму вучэньню,

ЭФЭСЯНАЎ 4:28

Хто краў, няхай больш не крадзе, а лепш працуе, робячы добрае рукамі сваімі, каб меў што даць таму, хто мае патрэбу.

ЕРАМІІ 6:13

Бо ад найменшага аж да найбольшага ахапіла ўсіх прагнасьць зыску, ад прарока аж да сьвятара, усе робяць падман.

ПСАЛТЫР 116:11

Я сказаў у зьбянтэжанасьці маёй: «Усе людзі хлусяць!»

ВЫХАД 22:7

Калі хто дасьць бліжняму свайму срэбра альбо рэчы на захаваньне, і яны будуць украдзеныя з дому таго чалавека, калі будзе знойдзены злодзей, няхай заплаціць падвойна.

ВЫХАД 22:1

Калі хто ўкрадзе вала або ягня, і зарэжа яго або прадасьць яго, тады пяць валоў заплаціць за вала і чатыры авечкі — за ягня.

ВЫХАД 20:17

Ня будзеш жадаць дому бліжняга твайго; ня будзеш жадаць жонкі бліжняга твайго, ані слугі ягонага, ані служкі ягонай, ані вала ягонага, ані асла ягонага, ані нічога, што ў бліжняга твайго!»

3 ЦАРСТВАЎ 13:18

І сказаў ён яму: «І я прарок, падобны табе. І анёл прамовіў да мяне слова ГОСПАДА, кажучы: “Вярні яго ў дом твой, і няхай ён есьць хлеб і п’е ваду”». І падмануў яго.

ВЫХАД 20:16

Ня будзеш сьведчыць супраць бліжняга твайго сьведчаньнем фальшывым.

ВЫХАД 23:1

Ня будзеш разносіць весткі марнай, і не давай рукі тваёй бязбожніку, каб быць сьведкам няправасьці.

ЛЯВІТ 19:10

Не абірай вінаградніка твайго да рэшты і ягадаў, што пападалі ў вінаградніку, не падбірай; пакінь гэта бедным і прыхадням. Я — ГОСПАД, Бог ваш!

2 ЦАРСТВАЎ 17:20

І прыйшлі слугі Абсалома ў дом жанчыны, і сказалі: «Дзе Ахімаац і Ёнатан?» І сказала ім жанчына: «Пайшлі адсюль праз [струмень]». І тыя шукалі іх, і не знайшлі, і вярнуліся ў Ерусалім.

ВЫСЛОЎІ 24:28

Ня сьведчы без прычыны супраць бліжняга твайго, і не падманвай вуснамі тваімі.