ЛІКІ 35:30 - Біблія (пераклад А.Бокуна)

³⁰ Кожны, хто забіў душу, на падставе [словаў] з вуснаў сьведкаў будзе забіты як забойца. Але адзін сьведка ня будзе асуджаць душу на сьмерць.

Біблія (пераклад В. Сёмухі)

³⁰ Калі хто забэе чалавека, дык забойцу трэба забіць па словах сьведак; але аднаго сьведкі недастаткова, каб засудзіць на сьмерць.

Кнігі Святога Пісання - Біблія - Біблія — пераклад Чарняўскага (выданне 2017 года)

³⁰ Забойцу на падставе слоў сведкаў караюць смерцю; на падставе сведчання аднаго чалавека ніхто на смерць не можа быць асуджаны.

ЛІКІ 35:30 Крыжаваныя спасылкі

ГАБРЭЯЎ 10:28

Хто адкінуў Закон Майсея пры двух ці трох сьведках, бяз літасьці памірае.

МАЦЬВЕЯ 18:16

Калі ж не паслухаецца, вазьмі з сабою яшчэ аднаго ці двух, каб вуснамі двух або трох сьведак змацавалася ўсякае слова.

ДРУГІ ЗАКОН 19:15

Не паўстане адзін сьведка супраць чалавека, [абвінавачваючы] ў нейкім беззаконьні ці ў некім грэху. У кожным граху, якім саграшыў чалавек, паводле [словаў] з вуснаў двух або трох сьведкаў выносіцца рашэньне.

2 КАРЫНФЯНАЎ 13:1

Ужо ў трэці раз я іду да вас. Пры вуснах двух сьведкаў або трох будзе стаяць кожнае слова.

1 ЦІМАФЕЯ 5:19

Абвінавачваньне на старосту не прыймай, хіба што пры двух ці трох сьведках.

АДКРЫЦЦЁ 11:3

І Я дам двум сьведкам Маім, і яны будуць прарочыць тысячу дзьвесьце шэсьцьдзясят дзён, апранутыя ў зрэбніцу».

ЯНА 7:51

«Няўжо судзіць наш Закон чалавека, ня выслухаўшы яго спачатку і не даведаўшыся, што ён робіць?»

ЛІКІ 35:16

Калі чалавек ударыць іншага жалезам, і той памрэ, той, [хто ўдарыў], — забойца; забойца сьмерцю памрэ.

ВЫХАД 21:12

Той, хто ўдарыў чалавека, і [той] памёр, няхай сьмерцю памрэ.

ЛЯВІТ 24:17

Хто ўдарыць і заб’е душу чалавечую, сьмерцю памрэ.

ЛІКІ 35:31

Не бярыце выкупу за душу забойцы, які варты сьмерці; ён сьмерцю памрэ.

ДРУГІ ЗАКОН 27:24

“Пракляты той, хто таемна забівае бліжняга свайго”. І ўвесь народ скажа: “Амэн”.