КАЛАСЯНАЎ 4:6 - Біблія (пераклад А.Бокуна)

⁶ Слова вашае [няхай будзе] заўсёды ў ласцы [Божай], прыпраўленае сольлю, каб вы ведалі, як кожнаму адказаць.

Біблія (пераклад В. Сёмухі)

⁶ Слова ваша (хай будзе) заўсёды зь мілатою, прыпраўлена сольлю, каб вы ведалі, як адказваць кожнаму.

Кнігі Святога Пісання - Біблія - Біблія — пераклад Чарняўскага (выданне 2017 года)

⁶ Слова ваша хай будзе заўсёды ласкавае, прыпраўленае соллю, каб вы ведалі, як што каму належыць адказаць.

КАЛАСЯНАЎ 4:6 Крыжаваныя спасылкі

ЭФЭСЯНАЎ 4:29

Аніякае благое слова няхай не выходзіць з вуснаў вашых, а толькі добрае дзеля збудаваньня ў веры, каб ласку давала тым, што слухаюць.

1 ПЯТРА 3:15

Госпада Бога сьвяціце ў сэрцах вашых. Будзьце заўсёды гатовыя даць адказ кожнаму, хто просіць у вас слова адносна вашае надзеі, з ціхасьцю і са страхам,

ЭКЛЕЗІЯСТА 10:12

Словы вуснаў мудрага — прыемнасьць, але вусны дурня губяць яго самога.

МАРКА 9:50

Соль добрая, але калі соль станецца несалёнай, чым яе прыправіце? Мейце ў сабе соль і супакой мейце між сабою».

ВЫСЛОЎІ 15:4

Здаровы язык — дрэва жыцьця, а зласьлівы — заламаньне духа.

ВЫСЛОЎІ 15:7

Вусны мудрых сеюць веды, а сэрца бязглуздых не такое.

КАЛАСЯНАЎ 3:16

Слова Хрыстовае няхай жыве ў вас багата, у-ва ўсякай мудрасьці; навучайце і настаўляйце адзін аднаго псальмамі, і гімнамі, і сьпевамі духоўнымі, у ласцы сьпяваючы Госпаду ў сэрцах вашых.

МАЦЬВЕЯ 5:13

Вы — соль зямлі. Калі ж соль згубіць сілу, то чым зробіш яе салёнаю? Яна ўжо ні на што не надаецца, хіба толькі выкінуць яе вон на патаптаньне людзям.

ВЫСЛОЎІ 10:21

Вусны праведнага пасьвяць многіх, а бязглуздыя паміраюць ад нястачы розуму.

ПСАЛТЫР 119:46

І буду гаварыць пра сьведчаньні Твае перад валадарамі, і ня буду асаромлены.

ПСАЛТЫР 105:2

Сьпявайце Яму, выслаўляйце Яго! Размаўляйце пра ўсе цудоўныя дзеі Ягоныя!

ПСАЛТЫР 45:2

Сэрца маё пераліваецца словамі добрымі. Я расказваю твор мой пра Валадара. Язык мой — як пёрка спраўнага пісара.

ЛУКАША 4:22

І ўсе засьведчылі Яму гэта, і зьдзіўляліся словам ласкі, якія выходзілі з вуснаў Ягоных, і гаварылі: «Ці не Язэпаў гэта сын?»

ПСАЛТЫР 119:13

Вуснамі маімі абвяшчаю ўсе прысуды вуснаў Тваіх.

ПСАЛТЫР 66:16

Хадзеце, паслухайце, і я раскажу ўсім, хто Бога баіцца, што Ён учыніў для душы маёй.

1 ЛЕТАПІСАЎ 16:24

Абвяшчайце між народамі славу Ягоную, між усімі людзьмі — цуды Ягоныя.

ДРУГІ ЗАКОН 11:19

І навучыце ім сыноў вашых, прамаўляючы іх ім, калі ты сядзіш у доме тваім, калі ты ідзеш дарогаю, калі ты кладзешся і калі ўстаеш.

ЛЯВІТ 2:13

Кожную ахвяру, якую складаеш з ежы, пасалі сольлю. І не пакідай хлебнай ахвяры тваёй бяз солі запавету Бога твайго. Кожную ахвяру тваю пасалі сольлю.

ЕЗЭКІІЛЯ 43:24

І ахвяруеш іх перад абліччам ГОСПАДА, і сьвятары кінуць на іх соль, і ахвяруюць іх як цэласпаленьне для ГОСПАДА.