ЕРАМІІ 31:36 - Біблія (пераклад А.Бокуна)

³⁶ Калі адыйдзе парадак гэты ад аблічча Майго, кажа ГОСПАД, тады насеньне Ізраіля перастане быць народам перад абліччам Маім на ўсе дні.

Біблія (пераклад В. Сёмухі)

³⁶ Калі гэтыя пастановы перастануць дзейнічаць перад Мною, кажа Гасподзь, дык і племя Ізраілевае перастане быць народам перад Мною назаўсёды.

Кнігі Святога Пісання - Біблія - Біблія — пераклад Чарняўскага (выданне 2017 года)

³⁶ «Калі б зніклі гэтыя законы перад абліччам Маім, — кажа Госпад, — тады б знікла і насенне Ізраэля і не было б перада Мною народам на ўсе дні.

ЕРАМІІ 31:36 Крыжаваныя спасылкі

ПСАЛТЫР 148:6

і паставіў іх на вякі вечныя; даў ім пастанову, і не пераступяць яе.

ЕРАМІІ 46:28

Ты ня бойся, слуга Мой, Якуб, кажа ГОСПАД, бо Я з табою, бо Я зраблю канец усім народам, у якіх Я расьцярушыў цябе, а табе не зраблю канец, але пакараю цябе паводле правасудзьдзя, і непакараным не пакіну цябе”».

ПСАЛТЫР 119:89

На вякі, ГОСПАДЗЕ, слова Тваё сьцьверджана на небе!

ПСАЛТЫР 102:28

а Ты — Той самы, і гады Твае ня маюць канца!

ПСАЛТЫР 72:17

І будзе імя ягонае на вякі, перад абліччам сонца будзе трываць імя ягонае, і будуць дабраслаўлёныя ў ім усе народы, і будуць шчасьлівыя ў ім.

ПСАЛТЫР 72:5

Няхай баяцца Цябе пакуль будзе сонца і перад абліччам месяца з пакаленьня ў пакаленьне.

ДРУГІ ЗАКОН 32:26

Я сказаў: "Вынішчу іх і спыню ў людзей памяць пра іх".

ЁВА 38:33

Ці ты ведаеш законы неба, і ці можаш напісаць іх на зямлі?

ІСАІ 65:9

І Я выведу з Якуба насеньне, а з Юды — спадкаемца гор Маіх, і выбранцы Мае ўспадкаемяць [зямлю], і слугі Мае будуць жыць там.