ЕРАМІІ 17:6 - Біблія (пераклад А.Бокуна)

⁶ І ён будзе як хмызьняк у стэпе, і ня ўбачыць ён, калі прыходзіць добрае. Ён будзе жыць у месцы сухім у пустыні, на зямлі салёнай і бязьлюднай.

Біблія (пераклад В. Сёмухі)

⁶ Ён будзе - як верас у пустыні і ня ўбачыць, калі прыйдзе добрае, і паселіцца ў мясьцінах скварных у стэпе, на зямлі неўрадлівай, неабжытай.

Кнігі Святога Пісання - Біблія - Біблія — пераклад Чарняўскага (выданне 2017 года)

⁶ Ён будзе падобны да тамарыска на пустэчы, і не ўбачыць ён, калі прыходзіць дабро. Ён будзе жыць на сухім месцы ў пустыні, на зямлі салёнай і бязлюднай.

ЕРАМІІ 17:6 Крыжаваныя спасылкі

4 ЦАРСТВАЎ 7:2

І адказаў збраяносец, на руку якога абапіраўся валадар, і сказаў чалавеку Божаму: «Хоць бы [нават] ГОСПАД зрабіў вокны ў небе, ня можа стацца слова гэтае». І [Элісэй] сказаў: «Вось, ты ўбачыш вачыма сваімі, але есьці гэтага ня будзеш!»

ЁВА 20:17

Ня ўбачыць ён ручаёў алею, рэк, якія мёдам і малаком ацякаюць.

ЁВА 39:6

Я даў яму дом у пустыні, і на зямлі салёнай прызначыў жытло яму.

ПСАЛТЫР 1:4

Ня гэтак бязбожнікі, яны як мякіна, якую вецер разносіць.

ПСАЛТЫР 107:34

і ўрадлівую зямлю — у салёную, за ліхоту тых, што жывуць на ёй.

ПСАЛТЫР 92:7

Чалавек бязглузды ня будзе ведаць, і дурань не зразумее гэтага.

ІСАІ 1:30

Бо вы станецеся як той дуб, лісьце якога ссохла, і як сад, у якім няма вады.

ЕРАМІІ 29:32

за гэта, кажа ГОСПАД, Я наведаю Шэмаю з Нэхеламу і насеньне ягонае. Ня будзе ён мець чалавека, які будзе жыць сярод народу гэтага, і ня ўбачыць ён дабра, якое Я зраблю народу Майму, кажа ГОСПАД, бо ён прамаўляў бунтоўнае супраць ГОСПАДА"”».

ЕРАМІІ 48:6

“Уцякайце! Ратуйце душы вашыя і будзеце як той верас у пустыні”.

ЕЗЭКІІЛЯ 47:11

Але балоты ягоныя і затокі ягоныя ня будуць аздароўлены, бо яны дадзеныя для солі.

САФОНА 2:9

Дзеля гэтага, як жывы Я, кажа ГОСПАД Магуцьцяў, Бог Ізраіля, Мааў будзе як Садом і сыны Амона — як Гамора, месцам крапівы і капальняй солі, і пусткаю на вякі. Рэшта народу Майго абрабуе іх, і пазасталыя з народу Майго возьмуць у спадчыну іх».

ДРУГІ ЗАКОН 29:23

“Серка і соль, і пажарышча на ўсёй зямлі. Ня будзе яна больш засяваная і не зазелянее яна, і ня вырасьце на ёй аніякая трава, як пасьля загубы Садома і Гаморы, Адмы і Цэвоіма, якія ГОСПАД зьнішчыў у гневе Сваім і ў ярасьці Сваёй”.

СУДЗЬДЗЯЎ 9:45

І Абімэлех увесь той дзень аблягаў горад, і здабыў яго, і выбіў людзей ягоных, і пасьля зьнішчэньня яго пасыпаў яго сольлю.