ЕЗЭКІІЛЯ 20:46 - Біблія (пераклад А.Бокуна)

⁴⁶ «Сыне чалавечы, зьвярні аблічча тваё на шлях на поўдзень і скіруй [слова] на поўдзень, і прароч супраць лесу поля паўднёвага.

Біблія (пераклад В. Сёмухі)

⁴⁶ сыне чалавечы! зьвярні аблічча тваё на дарогі на поўдзень, і вымаві слова на поўдзень і мові прароцтва на лес паўднёвага поля.

Кнігі Святога Пісання - Біблія - Біблія — пераклад Чарняўскага (выданне 2017 года)

⁴⁶ «Сын чалавечы, звярні аблічча сваё на поўдзень і яшчэ крыху больш на поўдзень, і праракуй супраць лесу зямлі Нагэб.

ЕЗЭКІІЛЯ 20:46 Крыжаваныя спасылкі

АМОСА 7:16

І цяпер слухай слова ГОСПАДА. Ты кажаш: “Не прароч на Ізраіля і не прапаведуй на дом Ісаака”.

ЕЗЭКІІЛЯ 21:2

«Сыне чалавечы, зьвярні аблічча тваё на Ерусалім і скіруй [слова] супраць сьвятых месцаў, і прароч супраць зямлі Ізраіля.

ЕРАМІІ 13:19

Гарады Нэгеву замкнутыя, і няма таго, хто адчыніць іх. Увесь Юда пайшоў у няволю, у няволю пайшоў цалкам.

МІХЕЯ 2:6

«Не прапаведуйце», а яны прапаведуюць: «Не прапаведуйце нам, і аддаліцца ганьба».

ЕЗЭКІІЛЯ 6:2

«Сыне чалавечы, зьвярні аблічча тваё на горы Ізраіля і прароч супраць іх,

ЕЗЭКІІЛЯ 4:7

І на абложаны Ерусалім звернеш аблічча тваё і аголенае рамяно тваё, і будзеш прарочыць супраць яго.

ЕРАМІІ 22:7

Я падрыхтую супраць цябе нішчыцеляў, кожнага са зброяй ягонай, і яны зрэжуць найлепшыя кедры твае і кінуць у агонь".

ІСАІ 30:6

Цяжар адносна бегемоту паўднёвага. Праз зямлю гора і прыгнёту, адкуль ільвіца і леў, гадзюка і крылатая гадзіна, нясуць на сьпінах аслоў багацьці свае і на гарбах вярблюдаў — скарбы свае да народу, які ім ня будзе карысным.

ЁВА 29:22

Да словаў маіх ня мелі нічога дадаць, і мова мая на іх сплывала.

ДРУГІ ЗАКОН 32:2

Няхай кроплямі падае, як дождж, вучэньне маё, няхай сьцякае, як раса, мова мая, як імжа на зеляніну, як залева на траву.

ЕЗЭКІІЛЯ 20:45

І было слова ГОСПАДА да мяне, кажучы:

ЕЗЭКІІЛЯ 21:4

Дзеля таго, што Я ўдару пасярод цябе праведніка і бязбожніка, выйдзе меч Мой з похваў ягоных на ўсякае цела ад поўдня да поўначы.

ЕЗЭКІІЛЯ 11:4

Дзеля гэтага прароч супраць іх, прароч, сын чалавечы!»