ЕЗЭКІІЛЯ 1:27 - Біблія (пераклад А.Бокуна)

²⁷ І ўбачыў я нібыта бляск бурштыну і нібыта выгляд агню ўнутры яго наўкола, [пачынаючы] ад таго, што выглядала як сьцёгны, і вышэй. А ўніз ад таго, што выглядала як сьцёг­ны, бачыў я штосьці, як агонь, і бляск вакол яго.

Біблія (пераклад В. Сёмухі)

²⁷ І бачыў я як бы палаючы метал, як бы выгляд агню ўсярэдзіне яго вакол; ад выгляду сьцёгнаў яго і вышэй і ад выгляду сьцёгнаў яго і ніжэй я бачыў як бы нейкі агонь, і зьзяньне было вакол яго.

Кнігі Святога Пісання - Біблія - Біблія — пераклад Чарняўскага (выданне 2017 года)

²⁷ І ўбачыў я штосьці накшталт злітка золата са срэбрам, які выглядаў, як агонь кругом яго, пачынаючы ад таго, што выглядала, як сцёгны, і вышэй; і ўніз ад таго, што выглядала, як сцёгны, убачыў я штосьці, як агонь, які ззяе вакол яго.

ЕЗЭКІІЛЯ 1:27 Крыжаваныя спасылкі

1 ЛЕТАПІСАЎ 16:27

Слава і велічнасьць перад абліччам Ягоным, моц і краса — на месцы Ягоным.

ПСАЛТЫР 50:3

Прыйдзе Бог наш і ня будзе маўчаць, перад абліччам Ягоным агонь палючы, навакол Яго — бура вялізарная.

ПСАЛТЫР 97:2

Хмары і імгла навакол Яго; праведнасьць і суд — падставы пасаду Ягонага.

ВЫХАД 24:17

А выгляд славы ГОСПАДА быў як агонь палючы на вяршыні гары перад вачыма сыноў Ізраіля.

ЕЗЭКІІЛЯ 1:4

І я ўбачыў, і вось, вецер гвалтоўны прыйшоў з поўначы, і хмара вялікая, і агонь палючы, і зьзяньне кругом, а ў сярэдзіне ягонай — нібыта бурштын, [які зьзяе] ў сярэдзіне агню.

ЕЗЭКІІЛЯ 8:2

І я паглядзеў, і вось, быў там [Нехта], падобны да выгляду [чалавека] вогненнага; і ўніз ад выгляду сьцёгнаў ягоных — агонь, а ўгару ад выгляду сьцёгнаў ягоных — выгляд зьзяньня як выгляд бурштыну.

АБАКУМА 3:4

І бляск [Ягоны] — як сьвятло; промні з рук Ягоных [выходзяць], там схаваная моц Ягоная.

ДРУГІ ЗАКОН 4:24

бо ГОСПАД, Бог твой, ёсьць агонь зьнішчальны, Бог зайздросны.

2 ФЕСАЛОНІКІЙЦАЎ 1:8

Які ў полымі агню зьдзяйсьняе помсту над тымі, што ня ведаюць Бога і не паслухмяныя Эвангельлю Госпада нашага Ісуса Хрыста.

ГАБРЭЯЎ 12:29

бо Бог наш — агонь, які паглынае.