ДРУГІ ЗАКОН 15:11 - Біблія (пераклад А.Бокуна)

¹¹ Бо будуць убогія ў зямлі гэтай. Дзеля гэтага я загадваю табе, кажучы: “Адкрываючы, адкрывай руку тваю брату твайму, які ў патрэбе, і ўбогаму, які ў зямлі тваёй”.

Біблія (пераклад В. Сёмухі)

¹¹ бо ўбогія заўсёды будуць на зямлі; таму я і загадваю табе: растуляй руку тваю перад братам тваім, бедным тваім і жабраком тваім на зямлі тваёй.

Кнігі Святога Пісання - Біблія - Біблія — пераклад Чарняўскага (выданне 2017 года)

¹¹ Будуць убогія ў зямлі пражывання твайго, дзеля таго я загадваю табе, каб ты адкрываў руку дзеля брата твайго, няшчаснага і ўбогага, які жыве з табою на зямлі тваёй.

ДРУГІ ЗАКОН 15:11 Крыжаваныя спасылкі

ВЫХАД 23:11

а ў сёмы [год] запусьці яе і пакінь яе, і будуць жывіцца [з яе] бедныя народу твайго, а рэштаю пасьля іх будуць жывіцца зьвяры палявыя. Так зробіш з вінаграднікам тваім і з аліўнікам тваім.

ВЫСЛОЎІ 19:17

Хто літуецца над убогім, той пазычае ГОСПАДУ, за дабрадзейства Ён аднагародзіць яму.

ВЫСЛОЎІ 22:2

Багаты і бедны сустракаюцца, Творца іх усіх — ГОСПАД.

ВЫСЛОЎІ 31:20

Далоні свае адкрывае прыгнечанаму, і руку сваю працягвае беднаму.

ЕЗЭКІІЛЯ 18:7

ня крыўдзіць нікога, вяртае даўжніку заклад ягоны, рабункам не рабуе, дае хлеб галоднаму і голага апранае вопраткай,

МАЦЬВЕЯ 26:11

Бо ўбогіх заўсёды маеце з сабою, а Мяне не заўсёды маеце.

МАЦЬВЕЯ 5:42

Таму, хто просіць у цябе, дай, і ад таго, хто хоча ў цябе пазычыць, не адварочвайся.

МАРКА 14:7

Бо ўбогіх заўсёды маеце з сабою і можаце ім дабро рабіць, калі захочаце, а Мяне маеце не заўсёды.

ЛУКАША 12:33

Прадавайце маёмасьць вашую і давайце міласьціну; учыніце сабе кайстры, якія не старэюць, скарб у небе, які не зьнікае, куды злодзей не набліжаецца, і дзе моль ня нішчыць.

ЯНА 12:8

бо ўбогіх заўсёды маеце з сабою, а Мяне не заўсёды».

ДЗЕІ 2:45

І прадавалі маёмасьць і ўласнасьць, і дзялілі паміж усімі, хто якую меў патрэбу.

ДРУГІ ЗАКОН 15:7

Калі адзін з братоў тваіх, які ў адной з брамаў тваіх у зямлі тваёй, якую дае табе ГОСПАД, Бог твой, будзе ўбогім, не зацьвярдзі сэрца твайго і ня сьцісьні рукі тваёй перад убогім братам тваім,

ДРУГІ ЗАКОН 15:8

але, адкрываючы, адкрый яму руку тваю і шчодра дай яму пазыку паводле патрэбы ягонай, што будзе патрэбна яму.