ГАБРЭЯЎ 13:2 - Біблія (пераклад А.Бокуна)

² Пра гасьціннасьць не забывайцеся, бо праз яе некаторыя, ня ведаючы, гасьцявалі анёлаў.

Біблія (пераклад В. Сёмухі)

² Гасьціннасьці да вандроўнікаў не забывайце; бо празь яе некаторыя, ня ведаючы, гасьцінна прынялі анёлаў.

Кнігі Святога Пісання - Біблія - Біблія — пераклад Чарняўскага (выданне 2017 года)

² Не забывайцеся пра гасціннасць, бо дзякуючы ёй некаторыя, не ведаючы, анёлам аказалі гасціннасць.

ГАБРЭЯЎ 13:2 Крыжаваныя спасылкі

МАЦЬВЕЯ 25:35

Бо Я быў галодны, і вы далі Мне есьці; Я смагнуў, і вы напаілі Мяне; быў чужынцам, і вы прынялі Мяне,

БЫЦЦЁ 18:1

І зьявіўся яму ГОСПАД каля дубровы Мамрэ, калі ён сядзеў каля ўваходу ў намёт у сьпякоту дня.

РЫМЛЯНАЎ 12:13

у патрэбах сьвятых бярыце ўдзел; імкніцеся да гасьціннасьці.

1 ПЯТРА 4:9

Будзьце гасьцінныя адны да адных без нараканьняў.

МАЦЬВЕЯ 25:43

быў чужынцам, і вы не прынялі Мяне; быў голы, і вы не апранулі Мяне; быў хворы і ў вязьніцы, і вы не адведалі Мяне”.

ЦІТА 1:8

але гасьцінны, дабралюбны, цьвярозы, праведны, багабойны, паўстрымлівы,

ЁВА 31:32

На двары не заставаўся прыхадзень, брама мая была адкрытая для падарожнікаў.

ЛЯВІТ 19:34

але няхай будзе ён пасярод вас як тутэйшы, і любі яго як самога сябе, бо і вы былі прыхаднямі ў зямлі Эгіпецкай. Я — ГОСПАД, Бог ваш!

МАЦЬВЕЯ 25:40

І, адказваючы, Валадар скажа ім: “Сапраўды кажу вам: тое, што вы зрабілі аднаму з гэтых братоў Маіх меншых, вы Мне зрабілі”.

1 ЦІМАФЕЯ 5:10

засьведчаная ў добрых учынках, калі дзяцей выгадавала, калі прыймала падарожных, калі абмывала ногі сьвятым, калі падтрымлівала прыгнечаных, калі ішла сьледам за ўсякай добрай справай.

1 ЦІМАФЕЯ 3:2

Дык епіскап мусіць быць бездакорны, аднае жонкі муж, пільны, цьвярозы, сьціплы, гасьцінны, здольны навучаць,

РЫМЛЯНАЎ 16:23

Вітае вас Гай, гасьцінны для мяне і для ўсяе царквы. Вітае вас Эраст, скарбнік гораду, і брат Кварт.

ІСАІ 58:7

Ці ж ня ў тым [пост], каб падзяліцца хлебам сваім з галодным, убогіх і бяздомных увесьці ў дом? Калі ўбачыш голага, апрані яго, і перад крэўным сваім не хавайся.

ДЗЕІ 16:15

А калі ахрысьцілася яна і дом ейны, яна прасіла, кажучы: «Калі вы лічыце мяне вернай Госпаду, увайшоўшы ў дом мой, жывіце». І затрымала нас.

ЁВА 31:19

Калі я бачыў таго, што гіне без адзеньня, або бедака, што ня меў чым накрыцца,

4 ЦАРСТВАЎ 4:8

І сталася, што аднаго дня Элісэй праходзіў праз Шунэм. І там багатая жанчына затрымала яго, каб паеў хлеба. І колькі разоў ён там праходзіў, заходзіў туды падсілкавацца хлебам.

БЫЦЦЁ 19:1

І прыйшлі два анёлы ў Садом увечары, а Лот сядзеў у браме Садома. І ён убачыў, і пайшоў насустрач ім, і пакланіўся абліччам да зямлі,

3 ЯНА 1:5

Улюбёны! Ты робіш вернае ў тым, што робіш для братоў і для чужынцаў,