ВЫХАД 17:12 - Біблія (пераклад А.Бокуна)

¹² І рукі Майсея сталіся цяжкімі; і ўзялі камень, і падлажылі пад яго; і ён сеў на ім. І Аарон і Хур падпіралі рукі ягоныя, адзін з аднаго, а другі — з другога боку. I рукі ягоныя былі ўзьнятыя аж да заходу сонца.

Біблія (пераклад В. Сёмухі)

¹² але рукі Майсеевыя ацяжэлі, і тады ўзялі камень і падклалі пад яго, і ён сеў на ім, а Аарон і Ор падтрымлівалі рукі ягоныя, адзін з аднаго, а другі з другога боку. І былі рукі яго паднятыя аж да захаду сонца.

Кнігі Святога Пісання - Біблія - Біблія — пераклад Чарняўскага (выданне 2017 года)

¹² А рукі Майсея былі цяжкімі; таму ўзялі яны камень і паклалі пад яго, і ён сеў на яго; а Аарон і Гур падтрымлівалі рукі яго з абодвух бакоў. І здарылася так, што рукі яго не стамляліся да захаду сонца.

ВЫХАД 17:12 Крыжаваныя спасылкі

ІСАІ 35:3

Умацуйце рукі зьнясіленыя і калені самлелыя зрабіце моцнымі.

ПІЛІПЯНАЎ 1:19

Бо я ведаю, што гэта станецца мне на збаўленьне праз вашыя просьбы і дапамогу Духа Ісуса Хрыста,

ГАБРЭЯЎ 12:12

Дзеля гэтага выпрастуйце рукі, што апусьціліся, і калені, што самлелі,

1 ФЕСАЛОНІКІЙЦАЎ 5:25

Браты! Маліцеся за нас!

ЭФЭСЯНАЎ 6:18

Усякаю малітваю і просьбаю маліцеся ў-ва ўсякі час у Духу, і ў-ва ўсім гэтым чувайце з усёй настойлівасьцю і просьбамі за ўсіх сьвятых

2 КАРЫНФЯНАЎ 1:11

пры дапамозе і вашай малітвы за нас, каб за дараванае нам па просьбе многіх дзякавалі за нас многія.

ЯКАВА 1:6

Але няхай просіць з вераю, ані не сумняваючыся, бо той, хто сумняецца, падобны да хваляваньня марскога, якое вецер уздымае і ганяе.

ПСАЛТЫР 35:3

Схапі дзіду і загарадзі дарогу тым, якія перасьледуюць мяне. Скажы душы маёй: «Я — збаўленьне тваё».

КАЛАСЯНАЎ 4:2

Трывайце ў малітве, чуваючы ў ёй з падзякаю;

ВЫХАД 17:11

I было, што калі Майсей падымаў руку сваю, перамагаў Ізраіль; а калі апускаў руку сваю, перамагаў Амалек.

ВЫХАД 17:13

I перамог Егошуа Амалека і народ ягоны лязом мяча.

ВЫХАД 24:14

А старшыням сказаў: «Заставайцеся дзеля нас тут, пакуль мы вернемся да вас. І вось, Аарон і Хур з вамі. Калі хто будзе мець [якую] справу, няхай наблізіцца да іх».

ІСУСА 8:26

А Егошуа не апускаў рукі сваёй, якую выцягнуў уверх, трымаючы дзіду, пакуль не былі выбіты ўсе жыхары Гаю.