ВЫСЛОЎІ 29:4 - Біблія (пераклад А.Бокуна)

⁴ Валадар правасудзьдзем умацоўвае зямлю, а чалавек, які [любіць] дары, руйнуе яе.

Біблія (пераклад В. Сёмухі)

⁴ Цар правасудзьдзем мацуе зямлю, а аматар хабару руйнуе яе.

Кнігі Святога Пісання - Біблія - Біблія — пераклад Чарняўскага (выданне 2017 года)

⁴ Цар у справядлівасці ўзвышае дзяржаву; чалавек, што прымае падарункі, разбурыць яе.

ВЫСЛОЎІ 29:4 Крыжаваныя спасылкі

ВЫСЛОЎІ 29:14

Валадар, які судзіць убогіх паводле праўды, умацуе пасад свой на вякі.

МІХЕЯ 7:3

Да зла [скіраваныя] абе­дзьвума рукамі, каб рабіць яго спраўна, князь вымагае [хабару], і судзьдзя [вымагае] платы, і вялікі выказвае згубнае [жаданьне] душы сваёй, і выкрыўляюць усё.

ДАНІІЛА 11:20

І паўстане на месца ягонае той, які пашле прыгнятальніка ў славе валадарства, але праз некалькі дзён будзе зломлены, і не ад гневу, і ня ў бітве.

ВЫСЛОЎІ 20:8

Валадар, які сядзіць на судовым пасадзе, раскідвае вачыма сваімі ўсякую ліхоту.

ІСАІ 49:8

Гэта кажа ГОСПАД: «У час ласкі Я адказаў Табе, і ў дзень збаўленьня Я дапамог Табе, і Я захаваю Цябе, і пастаўлю Цябе запаветам для народу, каб аднавіць зямлю, каб разьдзяліць спадчыну спустошаную,

ІСАІ 9:7

Вялікая будзе ўлада Ягоная, і супакою ня будзе канца на пасадзе Давіда і ў валадарстве Ягоным, якое Ён паставіць моцна і ўмацуе судом і праведнасьцю ад цяпер і на вякі. Рэўнасьць ГОСПАДА Магуцьцяў зробіць гэта.

ВЫСЛОЎІ 16:12

Агіда для валадара — учынкі бязбожныя, бо пасад умацоўваецца праведнасьцю.

ВЫСЛОЎІ 8:15

Дзякуючы мне валадары валадараць і князі дзейнічаюць праведна.

ПСАЛТЫР 99:4

І моц Валадара, Які любіць суд. Ты ўстанавіў справядлівасьць, Ты суд і праведнасьць учыніў у Якубе.

ПСАЛТЫР 89:14

Рамяно Тваё магутнае; рука Твая дужая, узьнятая правіца Твая.

2 ЛЕТАПІСАЎ 9:8

Няхай будзе дабраслаўлёны ГОСПАД, Бог твой, Які меў ласку для цябе, каб даць табе пасад Свой як валадару ў ГОС­ПАДА, Бога твайго, паводле любові Бога твайго да Ізраіля, каб умацаваць яго на вякі, і Ён паставіў цябе як валадара над ім, каб чыніць суд і праведнасьць».

3 ЦАРСТВАЎ 2:12

І сеў Салямон на пасадзе Давіда, бацькі свайго, і валадараньне ягонае вельмі ўмацавалася.

2 ЦАРСТВАЎ 8:15

І валадарыў Давід над усім Ізраілем, і чыніў Давід суд і праведнасьць усяму народу свайму.

1 ЦАРСТВАЎ 13:13

І сказаў Самуэль Саўлу: «Неразумна ты зрабіў. Ты не захаваў прыказаньне ГОСПАДА, Бога твайго, якое Ён загадаў. Бо цяпер замацаваў бы ГОСПАД валадараньне тваё над Ізраілем на вякі.

ЁВА 11:6

і адкрыў табе таямніцы мудрасьці, што вышэй за ўсякае разуменьне! І ты даведаешся, што Бог забыўся пра беззаконьні твае.

ВЫСЛОЎІ 14:34

Праведнасьць узвышае народ, а грэх — ганьба для народаў.

ВЫСЛОЎІ 16:10

Калі слова натхнёнае ў вуснах валадара, у судзе ня будзе падступным язык ягоны.