ВЫСЛОЎІ 25:2 - Біблія (пераклад А.Бокуна)

² Слава Божая — утоіць справу, а слава валадароў — дасьледаваць справу.

Біблія (пераклад В. Сёмухі)

² Слава Божая - пакрываць таямніцаю справу, а славай цароў - дасьледаваць справу.

Кнігі Святога Пісання - Біблія - Біблія — пераклад Чарняўскага (выданне 2017 года)

² Слава Божая — таіць слова, а слава цароў — даследаваць размову.

ВЫСЛОЎІ 25:2 Крыжаваныя спасылкі

2 ЦАРСТВАЎ 1:5

І сказаў Давід юнаку, які яму расказваў [вестку]: «Адкуль ты ведаеш, што загінуў Саўл і Ёнатан, сын ягоны?»

2 ЦАРСТВАЎ 14:19

І сказаў валадар: «Ці не рука Ёава з табой у-ва ўсіх гэтых [словах]?» І адказала жанчына, і сказала: «Як жывая душа твая, гаспадару мой, валадар! Нельга [ўхіліцца] ані ўправа, ані ўлева ад усяго, пра што кажа гаспадар мой, валадар. Бо слуга твой Ёаў загадаў мне, і ён улажыў у вусны служкі тваёй усе словы гэтыя.

ЭЗДРЫ 4:15

Няхай пашукаюць у кнізе запісаў бацькоў тваіх, і знойдзеш у кнізе запісаў, і даведаешся, што горад гэты — горад бунтаўнічы і шкодзіць валадарам і краям, і бунты паднімаюць у ім з дзён старадаўніх. За гэта горад гэты быў зруйнаваны.

ЭЗДРЫ 4:19

І ад мяне выйшаў загад, і шукалі, і знайшлі, што горад гэты з дзён старадаўніх паўставаў супраць валадароў, і былі ў ім бунты і паўстаньні,

ЭЗДРЫ 5:17

І цяпер, калі валадару гэта [падаецца] добрым, няхай пашукаюць у доме скарбаў валадара, там, у Бабілоне, ці сапраўды валадар Кір даў загад будаваць гэты Дом Божы ў Ерусаліме; і волю валадара пра гэта няхай прышлюць нам».

ЭЗДРЫ 6:1

Тады валадар Дарый даў загад, і шукалі ў Бабілоне, у доме кнігаў, дзе складаюць скарбы.

ЁВА 29:16

Бацькам быў для ўбогіх, і ў справе, якой ня ведаў, пільна разьбіраўся.

ЁВА 38:4

Дзе ты быў, калі Я закладваў падваліны зямлі? Адкажы Мне, калі маеш веды?

ЁВА 40:2

«Падперажы, як мужчына, сьцёгны твае. Я буду пытацца ў цябе, а ты тлумач Мне.

ЁВА 42:3

Хто той, які хавае параду бяз веданьня? Сапраўды, я гаварыў, і не разумеў. Гэта рэчы, цудоўнейшыя за мяне, і я ня ведаю іх.

ВЫСЛОЎІ 25:27

Як нядобра есьці шмат мёду, так дамагацца сваёй славы ня ёсьць слава.

ВЫСЛОЎІ 25:3

Высокасьць неба, глыбокасьць зямлі і сэрца валадароў недасьледныя.

ЭКЛЕЗІЯСТА 1:13

І аддаў я сэрца маё, каб шукаць і дасьледаваць з мудрасьцю ўсё, што дзеецца пад небам. Гэты кепскі занятак даў Бог сынам чалавечым, каб былі занятыя ім.

ДРУГІ ЗАКОН 29:28

І выгнаў ГОСПАД іх з зямлі іхняй у гневе, ярасьці і абурэньні вялікім, і выгнаў іх у зямлю чужую, як гэта ёсьць сёньня”.

ДРУГІ ЗАКОН 29:29

Схаванае [належыць] ГОСПАДУ, Богу нашаму, а адкрытае — нам і сынам нашым аж на вякі, каб мы выконвалі ўсе словы Закону гэтага.