ВЫСЛОЎІ 22:18 - Біблія (пераклад А.Бокуна)

¹⁸ бо цудоўна будзе, калі захаваеш іх у нутры тваім, і будуць яны таксама на вуснах тваіх,

Біблія (пераклад В. Сёмухі)

¹⁸ бо добра будзе, калі ты будзеш хаваць іх у сэрцы тваім, і яны будуць таксама на вуснах тваіх.

Кнігі Святога Пісання - Біблія - Біблія — пераклад Чарняўскага (выданне 2017 года)

¹⁸ бо будуць яны вельмі прыгожыя, калі зберажэш іх у чэраве тваім, і разальюцца яны на вуснах тваіх.

ВЫСЛОЎІ 22:18 Крыжаваныя спасылкі

ЕРАМІІ 15:16

Я знайшоў слова Тваё і праглынуў яго, і сталася слова Тваё для мяне пацяшэньнем і радасьцю сэрца майго, бо заклікалася імя Тваё нада мною, ГОСПАДЗЕ, Божа Магуцьцяў.

ВЫСЛОЎІ 2:10

калі ўвойдзе мудрасьць у сэрца тваё, і веданьне ўсьцешыць душу тваю.

ВЫСЛОЎІ 15:7

Вусны мудрых сеюць веды, а сэрца бязглуздых не такое.

ВЫСЛОЎІ 10:21

Вусны праведнага пасьвяць многіх, а бязглуздыя паміраюць ад нястачы розуму.

ВЫСЛОЎІ 8:6

Слухайце, бо буду гаварыць пра рэчы важныя, і расчыняцца вусны мае, каб сказаць рэчы справядлівыя.

ПСАЛТЫР 119:103

Як салодкія словы Твае паднябеньню майму, саладзей за мёд вуснам маім!

ГАБРЭЯЎ 13:15

Дык будзем праз Яго прыносіць Богу няспынна ахвяры хвалы, гэта ёсьць плод вуснаў, якія вызнаюць імя Ягонае.

ЯНА 7:38

Хто верыць у Мяне, як сказана ў Пісаньні, у таго з жывата пацякуць рэкі вады жывое».

ВЫСЛОЎІ 25:11

Як залатыя яблыкі са срэбнымі ўпрыгожваньнямі, так слова, сказанае дарэчы.

ВЫСЛОЎІ 16:21

Мудрага сэрцам называюць разумным, і слодыч вуснаў павялічвае веды.

ВЫСЛОЎІ 10:13

У вуснах разумнага знаходзіцца мудрасьць, а кій — на сьпіне бязглуздага.

ВЫСЛОЎІ 3:17

Шляхі яе — шляхі прыемныя, і ўсе сьцежкі ейныя — супакой.

ПСАЛТЫР 119:171

Вусны мае будуць апавядаць хвалу, бо Ты вучыш мяне пастановам Тваім.

ПСАЛТЫР 119:162

Я радуюся са слова Твайго як той, хто знайшоў вялікі прыбытак.

ПСАЛТЫР 119:111

Я ўспадкаеміў сьведчаньні Твае на вякі, бо яны — радасьць сэрца майго.

ПСАЛТЫР 119:13

Вуснамі маімі абвяшчаю ўсе прысуды вуснаў Тваіх.

ПСАЛТЫР 19:10

Страх перад ГОСПАДАМ чысты, ён будзе трываць вечна. Суды ГОСПАДА праўдзівыя, а таксама справядлівыя.

МАЛАХІІ 2:7

Бо вусны сьвятара павінны захоўваць веданьне, і закону шукаюць з вуснаў ягоных, бо ён — пасланец ГОСПАДА Магуцьцяў.

ВЫСЛОЎІ 22:19

каб пэўнасьць твая была ў ГОСПАДЗЕ, я вучу цябе сёньня.

ВЫСЛОЎІ 4:20

Сыне мой, зважай на словы мае, прыхілі вуха тваё да прамоваў маіх.

ВЫСЛОЎІ 4:21

Няхай не зыходзяць яны з вачэй тваіх, захоўвай іх у глыбіні сэрца твайго,