ВЫСЛОЎІ 16:7 - Біблія (пераклад А.Бокуна)

⁷ Калі ГОСПАДУ даспадобы шляхі чалавека, Ён нават ворагаў ягоных пагодзіць з ім.

Біблія (пераклад В. Сёмухі)

⁷ Калі Госпаду падабаюцца шляхі чалавека, Ён і ворагаў яго прымірае зь ім.

Кнігі Святога Пісання - Біблія - Біблія — пераклад Чарняўскага (выданне 2017 года)

⁷ Калі дарогі чалавека падабаюцца Госпаду, таксама і непрыяцеляў яго навяртае Ён да згоды.

ВЫСЛОЎІ 16:7 Крыжаваныя спасылкі

РЫМЛЯНАЎ 8:31

Дык што скажам на гэта? Калі Бог за нас, хто супраць нас?

1 ЯНА 3:22

і чаго ні папросім, атрымаем ад Яго, бо захоўваем прыказаньні Ягоныя і тое, што падабаецца [Яму], робім перад Ім.

КАЛАСЯНАЎ 1:10

каб вы хадзілі дастойна Госпада, у-ва ўсім дагаджаючы [Яму], даючы плод у кожнай добрай справе і ўзрастаючы ў пазнаньні Бога,

2 ЛЕТАПІСАЎ 17:10

І быў страх ГОСПАДА на ўсіх валадарствах земляў, якія навокал Юды, і не ваявалі з Язафатам.

ГАБРЭЯЎ 13:21

няхай удасканаліць вас у-ва ўсякай справе добрай, дзеля выкананьня волі Ягонай, робячы ў вас тое, што даспадобы Яму, праз Ісуса Хрыста, Якому слава на вякі вякоў. Амэн.

ЕРАМІІ 15:11

Сказаў ГОСПАД: «Я, вызваляючы, вызвалю цябе для дабра [твайго]. Я буду заступацца за цябе ў час бяды і ў час уціску ад ворагаў.

БЫЦЦЁ 33:4

I пабег Эзаў яму насустрач, і абняў яго, і ўпаў на шыю яму, і цалаваў яго, і плакалі [разам].

БЫЦЦЁ 32:28

I сказаў: «Не Якуб будуць называць ужо імя тваё, але Ізраіль, бо ты змагаўся з Богам і з людзьмі, і перамог».

КАЛАСЯНАЎ 3:20

Дзеці, слухайцеся бацькоў у-ва ўсім, бо гэта падабаецца Госпаду.

ПІЛІПЯНАЎ 4:18

Я маю ўсё і маю дастатак; я напоўнены, атрымаўшы ад Эпафрадыта тое, што ад вас, водар салодкі, ахвяру прыемную, якая падабаецца Богу.

ПСАЛТЫР 69:31

Я буду хваліць імя Божае сьпевам і ўзьвялічваць Яго з падзякаю.

БЫЦЦЁ 27:41

I зьненавідзеў Эзаў Якуба дзеля дабраславеньня, якім дабраславіў яго бацька ягоны, і сказаў Эзаў у сэрцы сваім: «Набліжаюцца дні жалобы па бацьку маім, і я заб’ю Якуба, брата майго».

1 ПЯТРА 3:13

І хто зробіць вам зло, калі вы станецеся пераймальнікамі добрага?

ВЫХАД 3:21

I Я дам ласку народу гэтаму ў вачах Эгіпцянаў; і будзе, што калі вы пойдзеце, ня пойдзеце з пустымі рукамі.

ВЫСЛОЎІ 3:17

Шляхі яе — шляхі прыемныя, і ўсе сьцежкі ейныя — супакой.

ВЫСЛОЎІ 16:8

Лепш малое ў праведнасьці, чым багатыя прыбыткі ў беззаконьні.

ЕРАМІІ 39:12

«Вазьмі яго і зьвярні на яго вочы твае, і не рабі яму нічога благога, але паводле таго, што ён будзе гаварыць табе, так зрабі яму».

ЕРАМІІ 42:12

І Я дам вам літасьць, і ён зьлітуецца над вамі і верне вас у зямлю вашую.

ДАНІІЛА 1:9

І даў Бог Даніілу міласэрнасьць і спагаду перад абліччам начальніка эўнухаў.

2 ЛЕТАПІСАЎ 20:30

І было ў супакоі валадарства Язафата, і даў яму Бог ягоны супакой навакол.

ЭЗДРЫ 8:36

I яны аддалі загады валадара цівунам валадарскім і вая­водам Зарэчча, і яны дапамагалі народу і Дому Божаму.