ВЫСЛОЎІ 16:18 - Біблія (пераклад А.Бокуна)

¹⁸ Перад загубай ідзе пыхлівасьць, і перад падзеньнем — дух ганарысты.

Біблія (пераклад В. Сёмухі)

¹⁸ Пагібелі папярэднічае гонар, і падзеньню - пыха.

Кнігі Святога Пісання - Біблія - Біблія — пераклад Чарняўскага (выданне 2017 года)

¹⁸ Знішчэнню папярэднічае фанабэрыстасць, а перад пагібеллю — пыхлівасць духа.

ВЫСЛОЎІ 16:18 Крыжаваныя спасылкі

ЭСТЭР 3:5

І ўбачыў Аман, што Мардэхай ня кленчыць і не пакланяецца яму, і напоўніўся Аман гневам.

ЭСТЭР 6:6

І ўвайшоў Аман. І сказаў яму валадар: «Што зрабіць таму чалавеку, якога валадар хоча ўшанаваць?» І сказаў Аман у сэрцы сваім: «Каму жадае валадар зрабіць ушанаваньне больш, чым мне?»

ЭСТЭР 7:10

І павесілі Амана на дрэве, якое ён падрыхтаваў для Мардэхая. І гнеў валадара суцішыўся.

ВЫСЛОЎІ 11:2

Прыходзіць пыхлівасьць, прыходзіць і ганьба, а ў пакорлівых — мудрасьць.

ВЫСЛОЎІ 17:19

Хто любіць сваркі, любіць грэх, і хто падымае высока вароты свае, шукае загубы.

ВЫСЛОЎІ 18:12

Перад загубай вывышаецца сэрца чалавека, а ўпакораньне папераджае славу.

ВЫСЛОЎІ 29:23

Пыха чалавека прыніжае яго, а пакорлівы духам здабудзе славу.

ВЫСЛОЎІ 8:13

Страх перад ГОСПАДАМ — ненавідзець ліхоту, пыху і фанабэрыстасьць; шляхі ліхія і вусны крывадушныя я ненавіджу.

ІСАІ 37:38

І сталася, калі ён пакланяўся ў доме Нісроха, бога свайго, Адрамэлех і Шарэцэр, сыны ягоныя, забілі яго мячом і ўцяклі ў зямлю Арарат. І сын ягоны Эсар-Хадон заваладарыў пасьля яго.

ЕРАМІІ 49:16

Падманула цябе фанабэрыя твая і пыхлівасьць сэрца твайго, цябе, які жывеш у пячорах скальных і трымаешся ўзгоркаў высокіх. Бо хоць ты высока зьвіў гняздо сабе, як арол, Я і адтуль скіну цябе, кажа ГОСПАД.

ЕРАМІІ 50:32

І спатыкнецца пыхлівец, і ўпадзе, і ня будзе каму яго падняць, і Я запалю агонь у-ва ўсіх гарадах ягоных, і ён спаліць усё навокал.

ЕЗЭКІІЛЯ 28:17

Узьвялічылася сэрца тваё дзеля прыгажосьці тваёй; і ты згубіў мудрасьць тваю дзеля красы тваёй. І Я кінуў цябе на зямлю, перад абліччам валадароў паставіў цябе, каб бачылі цябе.

ЕЗЭКІІЛЯ 29:9

І станецца зямля Эгіпецкая пусткай і руінаю, і даведаюцца яны, што Я — ГОСПАД, за тое, што ты сказаў: ”Мая рака, я яе зрабіў”.

ДАНІІЛА 11:12

І будзе зьнішчана гэтае мноства, і ўзьнімецца сэрца ягонае, і хоць ён кіне [на зямлю] дзясяткі тысячаў, ён не ўмацуецца.

ДАНІІЛА 5:22

А ты, сын ягоны, Бэльшацар, не скарыў сэрца твайго, хоць ты ведаў усё гэта.

ДАНІІЛА 5:24

Дзеля гэтага была пасланая ад Яго пясьць рукі, і гэты надпіс быў напісаны.

МАЦЬВЕЯ 26:74

Тады ён пачаў бажыцца і прысягаць, што ня ведае Чалавека Гэтага. І адразу запяяў певень.

ЛУКАША 14:9

І той, які запрасіў цябе і яго, падыйшоўшы, скажа табе: “Дай яму месца”, і тады ты з сорамам павінен будзеш сесьці на апошняе месца.

РЫМЛЯНАЎ 11:20

Добра. Яны адламаныя праз недаверства, а ты трымаешся праз веру; дык не ўзьвялічвайся, але бойся.

1 ЦІМАФЕЯ 3:6

[Мусіць быць] не з нованаверненых, каб, узьбіўшыся ў пыху, ня трапіў пад прысуд з д’яблам.

СУДЗЬДЗЯЎ 11:28

Але валадар сыноў Амона не захацеў прыняць слова Ефтаха, якія ён пераказаў праз пасланцоў.

1 ЦАРСТВАЎ 17:42

І глянуў Філістынец, і ўбачыў Давіда, і пагардзіў ім, бо быў ён яшчэ хлопец, руды і прыгожы тварам.