ВЫСЛОЎІ 15:5 - Біблія (пераклад А.Бокуна)

⁵ Неразумны грэбуе настаўленьнем бацькі, а хто зважае на дакараньні — разумнее.

Біблія (пераклад В. Сёмухі)

⁵ Неразумны пагарджае настаўленьнем бацькі свайго; а хто слухае засьцярогу, той у добрым розуме.

Кнігі Святога Пісання - Біблія - Біблія — пераклад Чарняўскага (выданне 2017 года)

⁵ Бязглузды кпіць з настаўлення бацькі свайго, а хто беражэ папрокі — будзе разумнейшы.

ВЫСЛОЎІ 15:5 Крыжаваныя спасылкі

1 ЛЕТАПІСАЎ 28:20

І сказаў Давід Салямону, сыну свайму: «Будзь цьвёрды і мужны, і рабі. Ня бойся і не палохайся, бо ГОСПАД Бог, Бог мой, з табою. Ён не адый­дзе ад цябе і не пакіне цябе, пакуль ня скончыцца ўся праца для служэньня ў Доме ГОСПАДА.

1 ЛЕТАПІСАЎ 28:9

І ты, Салямоне, сыне мой, ведай Бога, Айца твайго, і служы Яму з сэрцам шчырым і душою ахвотнаю, бо ГОСПАД дасьледуе ўсе сэрцы і разумее ўсе намеры думак. Калі будзеш шукаць Яго, ты знойдзеш Яго; а калі пакінеш Яго, Ён пакіне цябе назаўжды.

ПСАЛТЫР 141:5

Няхай б’е мяне праведнік, [бо гэта] міласэрнасьць; няхай карае мяне, [бо гэта] алей для галавы, які не пашкодзіць галаве маёй; бо малітва мая — супраць ліхоты іхняй.

ВЫСЛОЎІ 1:23

Зьвярніцеся да настаўленьня майго, і я выльлю на вас духа майго, і абвяшчу вам словы мае.

ВЫСЛОЎІ 1:7

Страх перад ГОСПАДАМ — пачатак веданьня. Неразумныя пагарджаюць мудрасьцю і настаўленьнем.

ВЫСЛОЎІ 10:1

Прыповесьці Салямона. Мудры сын — радасьць для бацькі, а дурны сын — смутак для маці.

ВЫСЛОЎІ 13:1

Мудры сын [слухае] настаўленьне бацькі, а насьмешнік ня слухае дакараньня.

ВЫСЛОЎІ 13:18

Галеча і ганьба таму, хто адкідае настаўленьне, а той, хто прыймае дакараньні, будзе ў пашане.

ВЫСЛОЎІ 15:4

Здаровы язык — дрэва жыцьця, а зласьлівы — заламаньне духа.

ВЫСЛОЎІ 15:6

У доме праведніка шмат багацьця, а ў набытках бязбожніка — замяшаньне.

ВЫСЛОЎІ 19:20

Слухай парады і прыймай настаўленьне, каб стаўся ты мудрым пры канцы [дзён].

ВЫСЛОЎІ 25:12

Як залатыя завушніцы і аздоба са шчырага золата, так мудрае дакараньне для ўважлівага вуха.

ВЫСЛОЎІ 6:23

Бо прыказаньне — сьветач, і закон — сьвятло, а настаўленьне і дакараньне — шлях жыцьця,

ЦІТА 1:13

Сьведчаньне гэтае праўдзівае. Дзеля гэтае прычыны дакарай іх сувора, каб былі здаровыя ў веры,

ЦІТА 2:15

Гэтае кажы, упрошвай і дакарай з усякім загадам; няхай ніхто табою не пагарджае.