ВЫСЛОЎІ 11:5 - Біблія (пераклад А.Бокуна)

⁵ Праведнасьць беззаганнага раўняе шлях ягоны, а бязбожнік падае праз бязбожнасьць сваю.

Біблія (пераклад В. Сёмухі)

⁵ Праўда беззаганнага прастуе дарогу яму, а бязбожны ўпадзе ад бязбожнасьці сваёй.

Кнігі Святога Пісання - Біблія - Біблія — пераклад Чарняўскага (выданне 2017 года)

⁵ Справядлівасць чыстасардэчнага будзе кіраваць яго дарогай, а бязбожнік загіне ў сваёй бязбожнасці.

ВЫСЛОЎІ 11:5 Крыжаваныя спасылкі

2 ЦАРСТВАЎ 17:23

А Ахітафэль убачыў, што не была выканана парада ягоная, і ён асядлаў асла, і ўстаў, і вярнуўся ў дом свой у горад свой, і даў загад адносна дому свайго, і павесіўся, і памёр, і быў пахаваны ў магіле бацькі свайго.

ЁВА 18:7

Звузяцца крокі моцы ягонай, намер ягоны здрадзіць яго.

ВЫСЛОЎІ 1:18

А яны цікуюць на ўласную кроў, робяць засаду супраць душы сваёй.

ВЫСЛОЎІ 11:3

Беззаганнасьць правых вядзе іх, а крывадушнасьць здрадлівых загубіць іх.

ВЫСЛОЎІ 12:3

Ня будзе стаяць чалавек бязбожнасьцю, а корань праведных не захістаецца.

ВЫСЛОЎІ 13:6

Праведнасьць захоўвае таго, хто беззаганны ў шляху [сваім], а бязбожнасьць губіць грэшніка.

ВЫСЛОЎІ 14:32

Бязбожнік будзе адкінуты за ліхоцьце сваё, а праведнік і пры сьмерці сваёй мае надзею.

ВЫСЛОЎІ 15:19

Шлях гультая як жываплот з церня, а сьцежка правых — гладкая.

ВЫСЛОЎІ 21:29

Чалавек бязбожны ўпарты абліччам сваім, а правы разумее шлях свой.

ВЫСЛОЎІ 28:18

Хто ходзіць беззаганна, будзе ўратаваны, а крывадушны на шляхах [сваіх] упадзе на адным [з іх].

ВЫСЛОЎІ 3:6

Думай пра Яго на ўсіх шляхах тваіх, і Ён выпрастуе сьцежкі твае.

ВЫСЛОЎІ 5:22

Бязбожніка схопяць ягоныя ўласныя правіны, і ён зьвязаны путамі грахоў сваіх.

ІСАІ 26:7

Сьцежка для праведніка простая, простыя крокі праведніка Ты робіш роўнымі.

АСІІ 5:5

І пыха Ізраіля сьведчыць перад абліччам ягоным, і Ізраіль, і Эфраім спатыкнуцца ў грахах сваіх, таксама Юда спатыкнецца з імі.

СУДЗЬДЗЯЎ 20:41

І сыны Ізраіля павярнуліся, а ваяры Бэн’яміна стрывожыліся, бо бачылі, што прыйшла да іх бяда.