АДКРЫЦЦЁ 22:16 - Біблія (пераклад А.Бокуна)

¹⁶ Я, Ісус, паслаў анёла Майго засьведчыць вам гэта ў цэрквах. Я — корань і род Давіда, зорка сьветлая і ранішняя».

Біблія (пераклад В. Сёмухі)

¹⁶ Я, Ісус, паслаў анёла Майго засьведчыць вам гэта ў цэрквах. Я ёсьць корань і нашчадак Давідаў, зорка сьветлая і золкавая.

Кнігі Святога Пісання - Біблія - Біблія — пераклад Чарняўскага (выданне 2017 года)

¹⁶ Я, Ісус, паслаў Майго анёла, каб даў вам гэтае сведчанне ў цэрквах. Я – Корань і Род Давідаў, Зорка светлая і ранішняя».

АДКРЫЦЦЁ 22:16 Крыжаваныя спасылкі

АДКРЫЦЦЁ 5:5

І адзін са старостаў кажа мне: «Ня плач! Вось, Леў, Які з калена Юды, корань Давіда, перамог, каб разгарнуць кнігу і зьняць сем пячатак яе».

2 ПЯТРА 1:19

І мы маем цьвёрдае прарочае слова, і вы добра робіце, што зважаеце на яго, як на сьветач, што сьвеціць у цёмным месцы, пакуль не пачне днець і ня ўзыйдзе зараніца ў сэрцах вашых,

ІСАІ 11:1

І выйдзе Парасьць з пня Есэя, і Парастак вырасьце з кораня ягонага,

АДКРЫЦЦЁ 1:4

Ян — да сямі цэркваў, што ў Азіі: ласка вам і супакой ад Таго, Які ёсьць, і Які быў, і Які прыходзіць, і ад сямі духаў, якія перад пасадам Ягоным,

АДКРЫЦЦЁ 22:20

Той, Які засьведчыў гэта, кажа: «Так, прыходжу хутка!» Амэн. Так, прыйдзі, Госпадзе Ісусе!

МАЦЬВЕЯ 22:42

кажучы: «Што вы думаеце пра Хрыста? Чый Ён Сын?» Кажуць Яму: «Давіда».

АДКРЫЦЦЁ 22:6

І сказаў мне: «Словы гэтыя верныя і праўдзівыя. І Госпад, Бог сьвятых прарокаў, паслаў анёла Свайго паказаць слугам Сваім, што мусіць стацца неўзабаве.

АДКРЫЦЦЁ 1:1

Адкрыцьцё Ісуса Хрыста, якое даў Яму Бог, каб паказаў слугам Сваім, што мусіць стацца неўзабаве. І Ён даў знак, паслаўшы [яго] праз анёла Свайго слузе Свайму Яну,

МАЦЬВЕЯ 2:2

«Дзе народжаны Валадар Юдэйскі? Бо мы бачылі зорку Ягоную на ўсходзе і прыйшлі пакланіцца Яму».

ЗАХАРЫІ 6:12

і скажаш яму, кажучы: “Гэта кажа ГОСПАД Магуцьцяў, кажучы: ‘Вось Муж, Парастак імя Ягонае, і Ён вырасьце з месца Свайго, і пабудуе сьвятыню ГОСПАДА.

ЛІКІ 24:17

Бачу яго, але [яшчэ] не цяпер, аглядаю яго, але ня зблізка. Узыходзіць зорка з Якуба, і паўстае скіпетр з Ізраіля; і ён струшчыць скроні Мааву і зьні­шчыць усіх сыноў Сэта.

АДКРЫЦЦЁ 3:22

Хто мае вуха, няхай слухае, што Дух кажа цэрквам”».

АДКРЫЦЦЁ 3:13

Хто мае вуха, няхай слухае, што Дух кажа цэрквам”.

АДКРЫЦЦЁ 3:6

Хто мае вуха, няхай слухае, што Дух кажа цэрквам”.

РЫМЛЯНАЎ 9:5

якіх і бацькі, і з якіх Хрыстос паводле цела, Які ёсьць над усімі Бог, Які дабраслаўлёны на вякі. Амэн.

АДКРЫЦЦЁ 22:11

Крыўдзіцель няхай яшчэ робіць крыўду, і брудны няхай яшчэ брудзіцца, і праведны няхай яшчэ чыніць праведнасьць, і сьвяты няхай яшчэ асьвячаецца.

АДКРЫЦЦЁ 22:1

І паказаў ён мне чыстую раку вады жыцьця, сьветлую, як крышталь, якая выходзіла з пасаду Бога і Ягняці.

АДКРЫЦЦЁ 2:17

Хто мае вуха, няхай слухае, што Дух кажа цэрквам. Таму, хто пераможа, Я дам есьці ад манны схаванае і дам яму каменьчык белы, і на каменьчыку імя новае напісанае, якога ніхто ня ведае, толькі той, хто атрымаў”.

ЛУКАША 1:78

праз унутраную міласэрнасьць Бога нашага, у якой адведаў нас Усход з вышыні,

АДКРЫЦЦЁ 2:7

Хто мае вуха, няхай слухае, што Дух кажа цэрквам. Таму, хто пераможа, Я дам есьці ад дрэва жыцьця, што пасярод раю Божага”.

МАЦЬВЕЯ 22:45

Дык калі Давід называе Яго Госпадам, як жа Ён — сын ягоны?»

МАЦЬВЕЯ 1:1

Кніга радаводу Ісуса Хрыста, Сына Давіда, Сына Абрагама:

АДКРЫЦЦЁ 2:11

Хто мае вуха, няхай слухае, што Дух кажа цэрквам. Той, хто пераможа, не дазнае крыўды ад сьмерці другое”.

ІСАІ 14:12

Як ты зваліўся з неба, дзяньніца, сын зараніцы? Разьбіўся аб зямлю той, які перамагаў народы.

РЫМЛЯНАЎ 15:12

І яшчэ Ісая кажа: «Будзе корань Есэя, Той, Які паўстане, панаваць над народамі; на Яго народы спадзявацца будуць».

АДКРЫЦЦЁ 1:11

які казаў: «Я ёсьць Альфа і Амэга, Першы і Апошні; і што бачыш, напішы ў кнігу і пашлі цэрквам, што ў Азіі: у Эфэс, і ў Сьмірну, і ў Пэргам, і ў Тыятыру, і ў Сарды, і ў Філядэльфію, і ў Ляадыкею».

ЛУКАША 20:44

Дык Давід называе Яго Госпадам, і як жа Ён — сын ягоны?»