АДКРЫЦЦЁ 2:3 - Біблія (пераклад А.Бокуна)

³ і ты перанёс, і маеш цярплівасьць, і дзеля імя Майго працаваў і не зьнямогся.

Біблія (пераклад В. Сёмухі)

³ ты шмат перажываў і маеш цярплівасьць, і на імя Маё працаваў і не зьнемагаў.

Кнігі Святога Пісання - Біблія - Біблія — пераклад Чарняўскага (выданне 2017 года)

³ І маеш ты цярплівасць, і перанёс шмат ты дзеля імя Майго, і не знямогся.

АДКРЫЦЦЁ 2:3 Крыжаваныя спасылкі

ПСАЛТЫР 37:7

Ціхі будзь перад ГОСПАДАМ і чакай на Яго, ня гневайся на таго, хто мае посьпех на шляху сваім, на чалавека, які робіць зламыснае.

ПСАЛТЫР 69:7

Ня дай праз мяне асароміцца тым, што на Цябе спадзяюцца, Госпадзе, ГОСПАД Магуцьцяў; ня дай праз мяне асароміцца тым, што шукаюць Цябе, Божа Ізраіля!

МІХЕЯ 7:9

Гнеў ГОСПАДА я буду насіць, бо я зграшыў супраць Яго, аж пакуль Ён не разгледзіць справу маю і не правядзе суд мой. Ён вывядзе мяне на сьвятло, я ўбачу праведнасьць Ягоную.

МАРКА 15:21

І прымушаюць нейкага Сымона Кірэнэйца, бацьку Аляксандра і Руфа, які ішоў з поля і праходзіў міма, каб узяў крыж Ягоны.

ЛУКАША 14:27

І хто не нясе крыжа свайго і ідзе за Мною, ня можа быць вучнем Маім.

ЛУКАША 18:1

Сказаў таксама ім прыповесьць пра тое, што трэба заўсёды маліцца і не журыцца,

ЛУКАША 21:19

У цярплівасьці вашай здабывайце душы вашыя.

ЛУКАША 5:5

І, адказваючы, Сымон сказаў Яму: «Настаўнік! Мы працавалі ўсю ноч і нічога не злавілі, але паводле слова Твайго закіну сеці».

ЛУКАША 8:15

А што ўпала на добрую зямлю — гэта тыя, што, пачуўшы слова, захоўваюць у добрым і чыстым сэрцы, і даюць плод у цярплівасьці.

ЯНА 15:21

Але ўсё гэтае зробяць вам дзеля імя Майго, бо ня ведаюць Таго, Хто паслаў Мяне.

РЫМЛЯНАЎ 12:12

[маючы] надзею, радуйцеся; у прыгнёце будзьце вытрывалымі; у малітве — няспыннымі;

РЫМЛЯНАЎ 16:12

Прывітайце Трыфэну і Трыфосу, якія працуюць у Госпадзе. Прывітайце любую Пэрсіду, якая шмат працавала ў Госпадзе.

РЫМЛЯНАЎ 2:7

тым, якія цярплівасьцю ў добрай справе шукаюць славы, пашаны і незьнішчальнасьці, — жыцьцё вечнае,

РЫМЛЯНАЎ 8:25

А калі спадзяемся на тое, чаго ня бачым, чакаем з цярплівасьцю.

1 КАРЫНФЯНАЎ 13:7

усё вытрымлівае, усяму верыць, на ўсё спадзяецца, усё трывае.

1 КАРЫНФЯНАЎ 16:16

дык і вы будзьце паслухмяныя гэтакім і кожнаму, хто дапамагае нам і працуе.

2 КАРЫНФЯНАЎ 10:15

Мы не бяз меры хвалімся чужою працаю, але маем надзею, што з узрастаньнем веры вашае з лішкам узьвялічымся і мы ў вас паводле часткі нашае,

2 КАРЫНФЯНАЎ 11:23

Яны — служыцелі Хрыста? Здурэўшы кажу: я больш! Шмат больш у працы, бязьмерна ў ранах, шмат больш у вязьніцах, часта пры сьмерці.

2 КАРЫНФЯНАЎ 4:1

Дзеля гэтага, маючы такое служэньне, бо мы атрымалі літасьць, мы не журымся,

2 КАРЫНФЯНАЎ 4:16

Дзеля гэтага мы не журымся, але, калі наш вонкавы чалавек зьнішчаецца, дык унутраны дзень пры дні абнаўляецца.

2 КАРЫНФЯНАЎ 5:9

Дзеля гэтага мы намагаемся, ці жывучы ў Ім, ці па-за Ім, быць даспадобы Яму.

2 КАРЫНФЯНАЎ 6:5

у зьбіцьці, у вязьніцах, у забурэньнях, у працах, у чуваньнях, у пастах,

ГАЛЯТАЎ 6:2

Насіце цяжары адзін аднаго, і гэтак споўніце закон Хрыстовы.

ГАЛЯТАЎ 6:9

А робячы дабро, ня будзем журыцца, бо ў свой час будзем жаць, калі не саслабеем.

ПІЛІПЯНАЎ 2:16

захоўваючы слова жыцьця, на пахвалу маю ў дзень Хрыстовы, што я не надарма бег і не надарма працаваў.

ПІЛІПЯНАЎ 4:3

Прашу і цябе, шчыры памочніку, дапамагай тым, якія змагаліся дзеля Эвангельля разам са мною, і з Клемэнтам, і з іншымі супрацоўнікамі маімі, імёны якіх у кнізе жыцьця.

КАЛАСЯНАЎ 1:11

дужэючы ўсякаю сілаю паводле магутнасьці славы Яго на ўсякую цярплівасьць і доўгацярплівасьць з радасьцю,

1 ФЕСАЛОНІКІЙЦАЎ 1:3

несупынна памятаючы пра вашыя ўчынкі веры, і працу любові, і непахіснасьць надзеі на Госпада нашага Ісуса Хрыста перад Богам і Айцом нашым,

1 ФЕСАЛОНІКІЙЦАЎ 2:9

Вы памятаеце, браты, працу нашую і стому, уначы і ўдзень працуючы, каб ня быць цяжарам каму з вас, мы абвяшчалі вам Эвангельле Божае.

1 ФЕСАЛОНІКІЙЦАЎ 5:12

Просім жа вас, браты, ведайце тых, якія працуюць у вас, і кіруюць вамі ў Госпадзе, і настаўляюць вас,

2 ФЕСАЛОНІКІЙЦАЎ 3:13

А вы, браты, не журыцеся, робячы дабро.

2 ФЕСАЛОНІКІЙЦАЎ 3:5

Няхай Сам Госпад накіруе сэрцы вашыя да любові Божае і цярплівасьці Хрыстовай.

2 ФЕСАЛОНІКІЙЦАЎ 3:8

таксама дарма ні ў каго хлеба ня елі, але ў працы і стоме рабілі ўначы і ўдзень, каб не абцяжарыць каго з вас,

1 ЦІМАФЕЯ 4:10

Бо мы дзеля гэтага і працуем, і зьнявагі церпім, што спадзяемся на Бога Жывога, Які ёсьць Збаўца ўсіх людзей, а найбольш — верных.

1 ЦІМАФЕЯ 5:17

Старосты, якія кіруюць добра, дастойныя падвойнае пашаны, асабліва тыя, якія працуюць у слове і навучаньні.

ГАБРЭЯЎ 10:36

Бо вам патрэбная цярплівасьць, каб, учыніўшы волю Божую, атрымаць абяцаньне.

ГАБРЭЯЎ 12:1

Дык і мы, маючы навокал нас гэткае воблака сьведкаў, адкінуўшы ўсякі цяжар і грэх, які нас аблытвае, з цярплівасьцю будзем бегчы ў змаганьні, што ляжыць перад намі,

ГАБРЭЯЎ 13:13

Дык выйдзем да Яго па-за табар, пераносячы зьнявагі Ягоныя,

ГАБРЭЯЎ 6:10

Бо Бог не няправедны, каб забыцца на справу вашую і працу любові, якую вы зьявілі ў імя Ягонае, калі служылі і служыце сьвятым.

ГАБРЭЯЎ 6:12

каб ня стацца вам маруднымі, але пераймальнікамі тых, якія праз веру і доўгацярплівасьць бяруць у спадчыну абяцаньні.

ГАБРЭЯЎ 6:15

І гэтак [Абрагам], маючы доўгацярплівасьць, атрымаў абяцаньне.

2 ПЯТРА 1:6

а ў разуменьні — стрыманасьць, а ў стрыманасьці — цярплівасьць, а ў цярплівасьці —пабожнасьць,

АДКРЫЦЦЁ 1:9

Я, Ян, брат ваш і ўдзельнік у прыгнёце, і ў Валадарстве, і ў цярплівасьці Ісуса Хрыста, быў на востраве, называным Патмас, за слова Божае і за сьведчаньне Ісуса Хрыста.

АДКРЫЦЦЁ 3:10

А што ты захаваў слова цярплівасьці Маёй, і Я захаваю цябе ад гадзіны спакусы, якая мае прыйсьці на ўвесь сусьвет, каб спакусіць жыхароў зямлі.