ЁВА 7:16 - Біблія (пераклад А.Бокуна)

¹⁶ Я страціў надзею, ня буду больш жыць; даруй мне, бо дні мае — марнасьць.

Біблія (пераклад В. Сёмухі)

¹⁶ Апрыкрала мне жыцьцё. Ня вечна мне жыць. Адступіся ад мяне, бо дні мае марныя.

Кнігі Святога Пісання - Біблія - Біблія — пераклад Чарняўскага (выданне 2017 года)

¹⁶ Я ў роспачы; жыць болей я ўжо не буду. Злітуйся нада мной, бо дні мае — нішто.

ЁВА 7:16 Крыжаваныя спасылкі

ЁВА 10:1

Абрыдла мне жыцьцё маё, стану я наракаць на сябе і гаварыць у горычы душы маёй!

3 ЦАРСТВАЎ 19:4

А сам пайшоў у пустыню на дзень дарогі, і прыйшоў, і сеў пад ядлоўцам, і прасіў у душы сваёй сьмерці, і сказаў: «Досыць ужо, ГОСПАДЗЕ! Вазьмі душу маю, бо я ня лепшы за бацькоў маіх».

ЁНЫ 4:8

І сталася, калі ўзыйшло сонца, што Бог вызначыў гарачы ўсходні вецер, і сонца пякло галаву Ёне, ажно ён млеў, і зычыў душы сваёй памерці, і сказаў: «Лепш мне памерці, чым жыць».

ПСАЛТЫР 39:13

Пачуй малітву маю, ГОСПАДЗЕ, і прыхілі вуха да ляманту майго! Не маўчы на сьлёзы мае, бо я прыхадзень у Цябе і пасяленец, як і ўсе бацькі мае.

ЁВА 14:6

дык адвярні вочы Твае ад яго, няхай ён супачыне, няхай пацешыцца днём, як той найміт.

ЁВА 10:20

Ці ж не кароткія дні жыцьця майго? Дык прабач Ты мяне, каб крыху прасьвятлела аблічча маё,

ЁВА 9:21

Калі б я быў невінаваты, гэтага ня хоча ведаць душа мая, і я асуджу жыцьцё сваё.

ЁВА 6:9

Няхай Бог раструшчыць мяне, няхай працягне руку Сваю і зьнішчыць мяне!

ЁНЫ 4:3

І цяпер, ГОСПАДЗЕ, прашу Цябе, вазьмі душу маю ад мяне, бо лепш мне памерці, чым жыць».

ПСАЛТЫР 144:4

Чалавек падобны да марнасьці; дні ягоныя — быццам цень, што мінае.

ПСАЛТЫР 78:33

І сканчваліся ў марнасьці дні іхнія, і гады іхнія — у страху.

ПСАЛТЫР 62:9

На Яго спадзявайся ў кожны час, народзе! Вылівайце перад абліччам Ягоным сэрцы вашыя, бо Бог — прыстанішча нашае. (Сэлях)

ПСАЛТЫР 39:10

Я зьнямеў, не адчыняю вуснаў маіх, бо Ты зрабіў гэта.

БЫЦЦЁ 27:46

I сказала Рэбэка Ісааку: «Абрыдла мне жыцьцё маё з прычыны дачок Хета. Калі возьме Якуб жонку з дачок Хета, якія з дочак зямлі гэтай, дык навошта мне жыцьцё?»

ЁВА 7:7

Памятай, што жыцьцё маё — як подых ветру, і вока маё ня вернецца, каб пабачыць дабро.

ЁВА 7:15

Дзеля гэтага душа мая чакае спыненьня дыханьня, а косткі мае хочуць сьмерці.

ПСАЛТЫР 78:39

бо памятаў, што яны — цела, вецер, які адыходзіць і ня вернецца.

ЕРАМІІ 8:3

І будзе выбіраць лепш сьмерць, чым жыцьцё, уся рэшта, якая застанецца з роду гэтага ліхога ў-ва ўсіх месцах, у якія Я выганю іх, кажа ГОСПАД Магуцьцяў.

ПСАЛТЫР 39:6

Вось, на [некалькі] пядзяў Ты даў дні мае, і век мой — як нішто перад Табою! Толькі ўсякай марнасьцю ёсьць кожны чалавек, [нават] у сіле. (Сэлях)

ЭКЛЕЗІЯСТА 2:17

І зьненавідзеў я жыцьцё, бо ліхімі былі для мяне справы, што робяцца пад сонцам; бо ўсё — марнасьць і пагоня за ветрам.