ЁВА 32:21 - Біблія (пераклад А.Бокуна)

²¹ Ня буду зьвяртаць увагі на асобу, і ня буду патураць чалавеку,

Біблія (пераклад В. Сёмухі)

²¹ На твар чалавека глядзець ня буду і ніякаму чалавеку лісьлівіць ня буду,

Кнігі Святога Пісання - Біблія - Біблія — пераклад Чарняўскага (выданне 2017 года)

²¹ Не буду звяртаць увагі на асобу, і ні перад адным чалавекам ліслівіць не буду.

ЁВА 32:21 Крыжаваныя спасылкі

ЛЯВІТ 19:15

Не дапускайцеся несправядлівасьці на судзе. Не пагарджай бедным і не патурай багатаму. Праведна судзі бліжняга твайго.

МАЦЬВЕЯ 22:16

І пасылаюць да Яго вучняў сваіх з ірадыянамі, кажучы: «Настаўнік! Мы ведаем, што Ты праўдзівы і пра шлях Божы паводле праўды навучаеш, і не дагаджаеш нікому, бо не глядзіш на аблічча людзей.

ЁВА 34:19

Але Ён не глядзіць на абліччы князёў і ня лічыць багатага вышэй за ўбогага. Бо ўсе яны — творы рук Ягоных.

ЁВА 13:8

Ці належала вам быць крывадушнымі дзеля Яго, і за Бога на судзе спрачацца?

ВЫСЛОЎІ 24:23

Гэта таксама для мудрых: нядобра зважаць на аблічча ў судзе.

ЁВА 13:10

Ён, караючы, пакарае вас, калі будзеце патаемна зважаць на аблічча.

2 ЦАРСТВАЎ 14:20

Каб прыповесьцю зьмяніць выгляд гэтай справе, слуга твой Ёаў зрабіў гэта, але гаспадар мой мудры, як мудры анёл Божы, каб ведаць усё, што [адбываецца] на зямлі».

2 ЦАРСТВАЎ 14:17

І сказала служка твая: “Няхай слова гаспадара майго, валадара, суцешыць мяне. Як анёл Божы гаспадар мой, валадар, які выслухае тое, што добрае, і тое, што ліхое”. Няхай ГОСПАД, Бог твой, будзе з табою!»

ДРУГІ ЗАКОН 16:19

Не крыві суду. Не глядзі на аблічча і не бяры падарункі, бо падарунак засьляпляе вочы мудрым і перакручвае словы праведных.

ДРУГІ ЗАКОН 1:17

Не глядзіце на аблічча ў судзе, выслухайце як малога, так і вялікага. Ня бойцеся аблічча чалавека, бо гэта суд Божы. А справу, якая для вас будзе цяжкай, прынясіце да мяне, і я выслухаю яе”.

ЁВА 32:20

Няхай я скажу і стане лягчэй крыху, адкрыю вусны мае і адкажу.

ЁВА 32:22

бо ня ўмею лісьлівіць, іначай няхай адразу возьме мяне Творца мой.

ЁВА 33:3

Ад шчырага сэрца плывуць словы мае, і яснае веданьне кажуць вусны мае.

ПСАЛТЫР 82:2

«Дакуль будзеце судзіць беззаконна і ўздымаць абліччы бязбожнікаў? (Сэлях)

ВЫСЛОЎІ 28:23

Той, хто дакарае чалавека, знойдзе пасьля [большую] ласку, чым той, хто языком лісьлівіць.

МАЛАХІІ 2:9

І Я таксама зраблю вас пагрэбаванымі і прыніжанымі перад усім народам, бо няма сярод вас тых, якія захоўваюць шляхі Мае і падымаюць аблічча на Закон.