3 ЦАРСТВАЎ 4:24 - Біблія (пераклад А.Бокуна)

²⁴ Ён панаваў над усім абшарам на гэты бок ракі [Эўфрат], ад Тыфсаху да Газы, і над усімі валадарамі абшараў на гэты бок ракі. І меў ён супакой на ўсіх межах сваіх наўкола.

Біблія (пераклад В. Сёмухі)

²⁴ бо ён валадарыў над усёю зямлёю па гэты бок ракі, ад Тыпсаха да Газы, над усімі царамі па гэты бок ракі, і быў у яго мір з усімі навакольнымі краінамі.

Кнігі Святога Пісання - Біблія - Біблія — пераклад Чарняўскага (выданне 2017 года)

²⁴ Ён бо валодаў усім абшарам на той бок ракі, ад Тапсы да Газы, і ўсімі царамі тых земляў; і меў ён супакой на ўсіх межах сваіх наўкола.

3 ЦАРСТВАЎ 4:24 Крыжаваныя спасылкі

1 ЛЕТАПІСАЎ 22:9

Вось, сын народзіцца ў цябе, ён будзе чалавек супакою, і Я дам яму супакой ад усіх ворагаў ягоных навокал, бо імя ягонае будзе Салямон. Мір і цішыню Я дам Ізраілю ў дні ягоныя.

ПСАЛТЫР 72:11

І паклоняцца яму ўсе валадары, усе народы будуць служыць яму.

БЫЦЦЁ 10:19

І была мяжа Хананейцаў ад Сідону ў накірунку Герару аж да Газы, а ў накірунку Садома і Гаморы, Адмы і Цэвоіма — аж да Ляшы.

ЛУКАША 2:14

«Слава на вышынях Богу, а на зямлі супакой, у людзях упадабаньне».

ІСАІ 9:7

Вялікая будзе ўлада Ягоная, і супакою ня будзе канца на пасадзе Давіда і ў валадарстве Ягоным, якое Ён паставіць моцна і ўмацуе судом і праведнасьцю ад цяпер і на вякі. Рэўнасьць ГОСПАДА Магуцьцяў зробіць гэта.

ПСАЛТЫР 72:3

Няхай прынясуць горы супакой народу, і ўзгоркі — праведнасьць.

3 ЦАРСТВАЎ 5:4

І цяпер ГОСПАД, Бог мой, даў мне супакой з усіх бакоў, няма супраціўніка, няма нападзеньня ліхога.

3 ЦАРСТВАЎ 4:21

І валодаў Салямон усімі валадарствамі ад ракі [Эўфрат] аж да зямлі Філістынцаў і аж да межаў Эгіпту. Яны прыносілі яму дары і служылі Салямону ўсе дні жыцьця ягонага.

СУДЗЬДЗЯЎ 16:1

І пайшоў Самсон у Газу, і ўбачыў там распусьніцу, і прыйшоў да яе.

СУДЗЬДЗЯЎ 1:18

І Юда здабыў Газу і ваколіцы ейныя, Ашкелён і ваколіцы ягоныя, Экрон і ваколіцы ягоныя.

3 ЦАРСТВАЎ 4:23

дзесяць кормных валоў і дваццаць валоў з пашы, і сто авечак, апрача аленяў, сарнаў, антылёпаў і кормных птушак.

2 ЛЕТАПІСАЎ 9:26

І панаваў ён над усімі валадарамі ад ракі аж да зямлі Філістынскай і аж да межаў Эгіпту.

ЕРАМІІ 47:1

Слова ГОСПАДА, якое было да Ярэміі прарока адносна Філістынцаў, перш, чым фараон здабыў Газу: