2 ЦАРСТВАЎ 22:20 - Біблія (пераклад А.Бокуна)

²⁰ І Ён вывеў мяне на месца прасторнае, Ён выратаваў мяне, бо мне спагадае.

Біблія (пераклад В. Сёмухі)

²⁰ і вывеў мяне на прасторнае месца, выбавіў мяне, бо Ён дабраволіць мне.

Кнігі Святога Пісання - Біблія - Біблія — пераклад Чарняўскага (выданне 2017 года)

²⁰ І вывеў Ён мяне на прастор: уратаваў Ён мяне, бо спадабаўся я Яму.

2 ЦАРСТВАЎ 22:20 Крыжаваныя спасылкі

БЫЦЦЁ 26:22

I выбраўся адтуль, і выкапаў іншую студню, і не спрачаліся за яе; і назваў яе імя Рэхавот, і сказаў: «Бо цяпер пашырыў нас ГОСПАД, і мы будзем памнажацца ў гэтай зямлі».

2 ЦАРСТВАЎ 15:26

А калі Ён скажа: “Ня маю ўпадабаньня ў табе”, вось я, няхай Ён робіць, што добрае ў вачах Ягоных».

2 ЦАРСТВАЎ 22:37

Ты пашырыў крокі мае, і не хісталіся ногі мае.

1 ЛЕТАПІСАЎ 4:10

I клікаў Ябэц да Бога Ізраіля, кажучы: «О каб Ты, дабраслаўляючы, дабраславіў мяне, і пашырыў межы мае, і аб рука Твая была са мною, і каб Ты захаваў ад злога, каб я не гараваў!» I паслаў яму Бог тое, чаго ён прасіў.

ПСАЛТЫР 118:5

У муках клікаў я ГОСПАДА, і Ён адказаў мне, Госпад [вывеў мяне] на вольны прастор.

ПСАЛТЫР 147:11

але даспадобы ГОСПАДУ тыя, што баяцца Яго, што спадзяюцца на міласэрнасьць Ягоную.

ПСАЛТЫР 149:4

Бо даспадобы ГОСПАДУ народ Ягоны; уцісканым Ён зьявіць збаўленьне.

ПСАЛТЫР 22:8

Усе, якія бачаць мяне, кпяць з мяне, крывячы вусны і ківаючы галовамі:

ПСАЛТЫР 31:8

Я буду радавацца і весяліцца праз міласэрнасьць Тваю, бо Ты глянуў на пакуты мае, спазнаў трывогі душы маёй,

ПСАЛТЫР 31:9

і не аддаў мяне ў рукі ворага, паставіў ногі мае на вольны прастор.

ІСАІ 42:1

Вось, Слуга Мой, Якога Я трымаю, выбраны Мой, у Якім мае ўпадабаньне душа Мая. Я ўсклаў Дух Мой на Яго, і Ён дасьць суд народам.

АСІІ 4:16

Бо Ізраіль наравісты, як наравістая цялушка. Цяпер ГОСПАД будзе пасьвіць іх як ягнятка на вольным прасторы.

МАЦЬВЕЯ 17:5

Калі ён яшчэ гаварыў, вось, воблака сьветлае ахінула іх; і вось, голас з воблака, які кажа: «Гэта Сын Мой улюбёны, у Якім маю ўпадабаньне; Яго слухайце».

МАЦЬВЕЯ 27:43

Спадзяваўся на Бога, няхай Ён цяпер выбавіць Яго, калі хоча Яго. Бо Ён казаў: “Я — Сын Божы”».

МАЦЬВЕЯ 3:17

І вось, голас з неба, які казаў: «Гэта ёсьць Сын Мой улюбёны, у Якім маю ўпадабаньне».