2 КАРЫНФЯНАЎ 4:16 - Біблія (пераклад А.Бокуна)

¹⁶ Дзеля гэтага мы не журымся, але, калі наш вонкавы чалавек зьнішчаецца, дык унутраны дзень пры дні абнаўляецца.

Біблія (пераклад В. Сёмухі)

¹⁶ Таму мы не маркоцімся; але калі вонкавы наш чалавек і тлее, дык унутраны - дзень у дзень абнаўляецца,

Кнігі Святога Пісання - Біблія - Біблія — пераклад Чарняўскага (выданне 2017 года)

¹⁶ Таму мы і не падаем духам, бо хоць наш чалавек, той, што звонку, знішчаецца, аднак той, што ўнутры, з дня на дзень аднаўляецца.

2 КАРЫНФЯНАЎ 4:16 Крыжаваныя спасылкі

ПСАЛТЫР 119:81

Зьнемагае душа мая без збаўленьня Твайго; на слова Тваё спадзяюся.

ПСАЛТЫР 27:13

Але я веру, што ўбачу добрасьць ГОСПАДА ў зямлі жывых.

ПСАЛТЫР 51:10

Дай мне пачуць радасьць і вясёласьць, каб узьвесяліліся косткі, якія Ты скрышыў.

ПСАЛТЫР 73:26

Зьнікаюць цела маё і сэрца маё, але Бог — скала сэрца майго і частка мая на вякі.

ІСАІ 40:29

Ён дае змучанаму сілу, а зьнямогламу павялічвае моц.

ІСАІ 40:31

а тыя, якія спадзяюцца на ГОСПАДА, аднаўляюць сілы, узьнімаюць крылы, як у арла, будуць бегчы, і ня стомяцца, і будуць хадзіць, і не саслабеюць.

ЕРАМІІ 45:3

Ты кажаш: “Гора мне, бо ГОСПАД дадае смутку да болю майго. Я змучыўся ад уздыханьняў, не знаходжу супачыну!”

ЛУКАША 11:3

Хлеба нашага штодзённага давай нам кожны дзень.

РЫМЛЯНАЎ 12:2

і не прыпадабняйцеся веку гэтаму, але перамяняйцеся праз абнаўленьне розуму вашага, каб вам выпрабаваць, што ёсьць воля Божая, што добрае, і прыемнае [Богу], і дасканалае.

РЫМЛЯНАЎ 7:22

Бо паводле ўнутранага чалавека я захапляюся Законам Божым,

1 КАРЫНФЯНАЎ 15:58

Так што, браты мае ўлюбёныя, будзьце непарушныя, непахісныя, у справе Госпадавай мейце рупнасьць заўсёды, ведаючы, што праца вашая не дарэмная перад Госпадам.

2 КАРЫНФЯНАЎ 12:15

Я ахвотна буду выдаткоўваць [сваё] і аддаваць сябе за душы вашыя, нават калі, любячы вас шмат больш, я менш люблены вамі.

2 КАРЫНФЯНАЎ 4:1

Дзеля гэтага, маючы такое служэньне, бо мы атрымалі літасьць, мы не журымся,

ЭФЭСЯНАЎ 3:16

каб Ён даў вам, паводле багацьця славы Сваёй, сілай умацавацца праз Духа Ягонага ва ўнутраным чалавеку,

ЭФЭСЯНАЎ 4:23

а абнавіцца духам розуму вашага

КАЛАСЯНАЎ 3:10

і апрануўшыся ў новага, які абнаўляецца ў пазнаньні паводле вобразу Таго, Хто яго стварыў,

ЦІТА 3:5

Ён збавіў нас ня дзеля ўчынкаў праведнасьці, якія мы ўчынілі, але паводле літасьці Сваёй, праз лазьню адраджэньня і абнаўленьня Духам Сьвятым,

1 ПЯТРА 3:4

але таемны сэрца чалавек у незьнішчальнасьці ціхага і спакойнага духа, што вельмі каштоўна перад Богам.

1 ПЯТРА 4:14

Калі зьневажаюць вас за імя Хрыста, вы шчасьлівыя, бо Дух славы, Дух Божы супачывае на вас. Тыя блюзьняць [на Яго], а вы славіце.