2 КАРЫНФЯНАЎ 10:18 - Біблія (пераклад А.Бокуна)

¹⁸ Бо ня той варты, хто сам сябе адрэкамэндоўвае, але каго адрэкамэндоўвае Госпад.

Біблія (пераклад В. Сёмухі)

¹⁸ Бо ня той годны, хто сам сябе хваліць, а каго хваліць Гасподзь.

Кнігі Святога Пісання - Біблія - Біблія — пераклад Чарняўскага (выданне 2017 года)

¹⁸ Бо не той выпрабаваны, хто сам сябе хваліць, але той, каго Госпад хваліць.

2 КАРЫНФЯНАЎ 10:18 Крыжаваныя спасылкі

ЛУКАША 16:15

І Ён сказаў ім: «Вы апраўдваеце сябе перад людзьмі, але Бог ведае сэрцы вашыя, бо што вельмі высока ў людзей, тое агіда перад Богам.

ВЫСЛОЎІ 21:2

Усе шляхі чалавека слушныя ў вачах ягоных, але ГОСПАД узважвае сэрцы.

1 КАРЫНФЯНАЎ 4:5

Так што не судзіце перад часам, пакуль ня прыйдзе Госпад, Які і асьветліць схаванае ў цемры, і выявіць намеры сэрцаў; і тады кожнаму будзе пахвала ад Бога.

РЫМЛЯНАЎ 2:29

але хто ва ўтоенасьці Юдэй, і [ў якога] абразаньне сэрца Духам, а ня літарай, такому пахвала не ад людзей, але ад Бога.

2 КАРЫНФЯНАЎ 10:12

Бо мы не адважваемся мерацца ці параўноўвацца з некаторымі, якія самі сябе адрэкамэндоўваюць, бо яны не разумеюць, што мераюць сябе самімі сабою і параўноўваюць сябе з сабою.

ЯНА 12:43

бо яны палюбілі больш славу чалавечую, чым славу Божую.

ВЫСЛОЎІ 27:2

Няхай іншы хваліць цябе, а ня вусны твае, нехта чужы, а ня губы твае.

1 ПЯТРА 1:7

каб выпрабаваньне веры вашае, якая шмат каштоўнейшая за золата, што гіне, хоць і агнём выпрабоўваецца, было знойдзена на хвалу, і пашану, і славу ў адкрыцьці Ісуса Хрыста,

2 КАРЫНФЯНАЎ 13:7

Мы ж молімся да Бога, каб вы не рабілі аніякага ліха, не каб нам выглядаць вартымі, але каб вы рабілі дабро, а мы былі як няздатныя.

2 КАРЫНФЯНАЎ 6:4

але ў-ва ўсім адрэкамэндоўваем вам сябе, як служыцеляў Божых, у вялікай цярплівасьці, у прыгнётах, у патрэбах, у ўцісках,

РЫМЛЯНАЎ 14:18

Бо хто ў гэтым служыць Хрысту, той даспадобы Богу і варты між людзьмі.

2 ЦІМАФЕЯ 2:15

Намагайся паставіць сябе перад Богам вартым, работнікам, які ня будзе асаромлены, які слушна пераказвае слова праўды.

2 КАРЫНФЯНАЎ 5:12

Бо мы не адрэкамэндоўваем сябе вам зноў, але даем вам нагоду хваліцца намі, каб мелі вы [адказ] для тых, якія хваляцца абліччам, а ня сэрцам.

2 КАРЫНФЯНАЎ 3:1

Ці пачнем ізноў адрэкамэндоўваць сябе [вам]? Ці мы патрабуем, як некаторыя, даручальных лістоў да вас ці даручальных [лістоў] ад вас?

1 КАРЫНФЯНАЎ 11:19

бо мусяць быць між вамі і герэзіі, каб вартыя выявіліся між вамі.

РЫМЛЯНАЎ 16:10

Прывітайце Апэлеса, выпрабаванага ў Хрысьце. Прывітайце тых, якія Арыстабулавы.

ДЗЕІ 2:22

Мужы Ізраільцяне, выслухайце гэтыя словы: Ісуса з Назарэту, Мужа, зьяўленага між вамі Богам моцамі, і цудамі, і знакамі, якія рабіў праз Яго Бог сярод вас, як і самі вы ведаеце,

ВЫСЛОЎІ 12:8

Хваляць чалавека паводле розуму ягонага, але той, хто мае ліхое сэрца, будзе пагарджаны.