1 ЯНА 3:17 - Біблія (пераклад А.Бокуна)

¹⁷ А хто мае маёмасьць у сьвеце, і бачыць брата свайго ў патрэбе, і зачыняе ад яго нутро сваё, дык як любоў Божая застаецца ў ім?

Біблія (пераклад В. Сёмухі)

¹⁷ А хто мае дастатак на сьвеце, але, бачачы брата свайго ў нястачы, зачыняе ад яго сэрца сваё, - як застаецца ў тым любоў Божая?

Кнігі Святога Пісання - Біблія - Біблія — пераклад Чарняўскага (выданне 2017 года)

¹⁷ Калі хто мае багацце гэтага свету і бачыць, што брат яго жыве ў нястачы, і зачыняе сэрца сваё ад яго, дык як можа трываць у ім любоў Божая?

1 ЯНА 3:17 Крыжаваныя спасылкі

ГАБРЭЯЎ 13:16

Пра дабрадзейнасьць і супольнасьць не забывайцеся, бо гэткія ахвяры падабаюцца Богу.

1 ЯНА 4:20

Калі хто кажа: «Я люблю Бога», і брата свайго ненавідзіць, той хлус, бо хто ня любіць брата свайго, якога бачыць, як можа любіць Бога, Якога ня бачыць?

ЛУКАША 3:11

А ён, адказваючы, кажа ім: «Хто мае дзьве вопраткі, няхай дасьць таму, хто ня мае; і хто мае ежу, няхай робіць тое самае».

ВЫСЛОЎІ 19:17

Хто літуецца над убогім, той пазычае ГОСПАДУ, за дабрадзейства Ён аднагародзіць яму.

ЯКАВА 2:15

Калі брат ці сястра ня маюць адзеньня і не хапае ім ежы на дзень,

ВЫСЛОЎІ 28:9

Хто адварочвае вуха сваё, каб ня чуць закону, таго малітва — брыдота.

2 КАРЫНФЯНАЎ 8:9

Бо вы ведаеце ласку Госпада нашага Ісуса Хрыста, што Ён, быўшы багатым, зьбяднеў дзеля вас, каб вы Яго ўбоствам узбагаціліся.

1 ЯНА 5:1

Кожны, хто верыць, што Ісус ёсьць Хрыстос, ад Бога народжаны, і кожны, хто любіць Таго, Які нарадзіў, любіць і Народжанага ад Яго.

ВЫСЛОЎІ 12:10

Праведнік рупіцца пра жыцьцё быдла свайго, а нутро бязбожных бязьлітаснае.

ВЫСЛОЎІ 14:31

Хто прыгнятае ўбогага, той зьневажае Творцу ягонага, але шануе Яго той, хто літуецца над бедным.

ВЫСЛОЎІ 21:13

Хто вушы свае затыкае на крык убогага, той сам будзе клікаць, але ня будзе адказу.

ЯКАВА 2:16

а нехта з вас скажа ім: «Ідзіце ў супакоі, грэйцеся і насычайцеся», але ня дасьць ім патрэбнага для цела, якая карысьць?