1 ЦАРСТВАЎ 25:21 - Біблія (пераклад А.Бокуна)

²¹ А Давід казаў [сабе]: «Надарма я захоўваў у пустыні ўсю маёмасьць чалавека гэтага і нішто не прапала з таго, што да яго [належала], бо ён адплаціў мне ліхам за дабро.

Біблія (пераклад В. Сёмухі)

²¹ І Давід сказаў: так, дарэмна я ахоўваў у пустыні маёмасьць гэтага чалавека, і нічога не прапала з таго, што належала яму; ён плаціць мне злом за дабро;

Кнігі Святога Пісання - Біблія - Біблія — пераклад Чарняўскага (выданне 2017 года)

²¹ І Давід казаў сабе: «Дарма, сапраўды, я бярог у пустыні ўсю маёмасць гэтага чалавека і нішто не прапала з усяго, што яму належала; і ён аддаў мне ліхам за дабро.

1 ЦАРСТВАЎ 25:21 Крыжаваныя спасылкі

ВЫСЛОЎІ 17:13

Хто адплочвае злом за дабро, у таго зло не адыйдзе ад дому ягонага.

ЭФЭСЯНАЎ 4:31

Усякая горыч, і ярасьць, і гнеў, і крык, і блюзьнерствы няхай будуць аддаленыя ад вас разам з усім ліхім.

ЭФЭСЯНАЎ 4:26

Гневайцеся, ды не грашыце: няхай сонца не заходзіць у гневе вашым;

РЫМЛЯНАЎ 12:21

Ня будзь пераможаны злом, але перамагай зло дабром.

1 ПЯТРА 3:17

Бо, калі хоча воля Божая, лепш цярпець, робячы добрае, чым робячы благое.

1 ФЕСАЛОНІКІЙЦАЎ 5:15

Глядзіце, каб ніхто нікому не аддаваў ліхам за ліха, але заўсёды імкніцеся да дабра і адзін для аднаго, і для ўсіх.

1 ПЯТРА 3:9

не аддавайце ліхам за ліха ці зьнявагай за зьнявагу, а, наадварот, дабраслаўляйце, ведаючы, што вы дзеля гэтага пакліканыя, каб узяць у спадчыну дабраслаўленьне.

ЕРАМІІ 18:20

Ці ж за дабро аднагароджваюць ліхам? Бо яны выкапалі яму для душы маёй! Узгадай, як я стаяў перад абліччам Тваім, каб прамаўляць пра іх добрае і каб адвярнуць гнеў Твой ад іх.

ПСАЛТЫР 38:20

А ворагі мае жывыя і ўзмацняюцца, і шматлікімі сталі тыя, якія няслушна мяне ненавідзяць.

ПСАЛТЫР 37:8

Ухіліся ад гневу, пакінь ярасьць, ня гневайся, каб ты ня стаўся злачынцам,

ПСАЛТЫР 35:12

плацяць мне злом за дабро; асірацела душа мая.

ЁВА 30:8

сыны неразумных і сыны без імя, выгнаныя з зямлі.

1 ЦАРСТВАЎ 25:13

І сказаў Давід людзям сваім: «Няхай кожны падпярэжацца мячом сваім!» І падперазаўся кожны мячом сваім, і таксама Давід падперазаўся мячом сваім, і вырушылі з Давідам каля чатырохсот чалавек, а дзьвесьце засталіся ў табары.

БЫЦЦЁ 44:4

Яны выйшлі з гораду, не адыйшлі далёка, і Язэп сказаў загадчыку дому свайго: «Устань, ганіся за тымі людзьмі, і дагоніш іх, і скажаш ім: “Чаму вы адплацілі ліхам за дабро?

1 ЦАРСТВАЎ 25:7

Пачуў я, што стрыгуць авечак у цябе. Пастухі твае былі разам з намі, і мы ня крыў­дзілі іх, і нічога не прапала ў іх за ўсе дні, калі былі яны з намі ў Кармэлю.

1 ЦАРСТВАЎ 25:15

А людзі тыя былі для нас добрымі і ня крыўдзілі нас. І нічога не загінула ў нас у-ва ўсе дні, у якія мы з імі ха­дзілі ў полі.

1 ЦАРСТВАЎ 25:20

І калі яна, седзячы на асьле, зыходзіла па схіле з гары, вось, Давід і людзі ягоныя ішлі насустрач ёй, і яна спаткала іх.