Калі гэтае ведаеце, шчасьлівыя вы, калі гэта робіце.
І зрабіў Ной; усё, што загадаў яму Бог, так ён і зрабіў.
Яны больш пажаданыя, чым золата, больш, чым золата найчысьцейшае, і саладзейшыя за мёд і мёд сотавы.
I зрабіў Майсей усё; як загадаў яму ГОСПАД, так і зрабіў.
Без [прароцкага] відзежу народ неакелзаны, а хто захоўвае закон, той шчасьлівы.
І сказаў ГОСПАД мне: «Абвясьці ўсе словы гэтыя ў гарадах Юды і на вуліцах Ерусаліму, кажучы: “Слухайце словы запавету гэтага і выконвайце іх.
І Духа Майго Я дам у нутро вашае, і зраблю, што паводле пастановаў Маіх вы будзеце хадзіць і суд Мой будзеце захоўваць і выконваць.
Бо хто выконвае волю Айца Майго, Які ў небе, той Мне брат, і сястра, і маці».
А Ён сказаў: «Наадварот, шчасьлівыя тыя, якія чуюць слова Божае і захоўваюць яго».
Вы — сябры Мае, калі робіце тое, што Я загадваю вам.
Бо не слухачы Закону праведныя перад Богам, але выканаўцы Закону будуць апраўданыя.
Бо ў Хрысьце Ісусе ня мае сілы ані абразаньне, ані неабразаньне, але вера, якая дзейнічае праз любоў.
А хто прыхіляецца да дасканалага закону свабоды і трывае [ў ім], той, стаўшыся не слухачом, які забываецца, але выканаўцам справы, шчасьлівы будзе ў дзейнасьці сваёй.
Дык хто ведае, як рабіць дабро, і ня робіць, грэх таму.
Шчасьлівыя тыя, якія выконваюць прыказаньні Ягоныя, каб была ўлада ў іх на дрэва жыцьця, і каб увайсьці праз брамы ў горад.
