ЯКАВА 1:26

Біблія (пераклад А.Бокуна)

Калі хто сярод вас думае, што ён пабожны, і не цугляе язык свой, але падманвае сэрца сваё, у таго пабожнасьць марная.

Крыжаваныя спасылкі

ЁВА 15:13

што ты гневаешся на Бога і вырываюцца такія словы з вуснаў тваіх?

ЁВА 30:11

бо Ён разьвязаў пояс мой, і ўдарыў мяне, і яны скінулі вузду [з сябе] перад абліччам маім.

ПСАЛТЫР 141:3

Пастаў, ГОСПАДЗЕ, варту вуснам маім, захоўвай дзьверы губаў маіх!

ПСАЛТЫР 32:9

Ня будзьце, як конь і як мул, якія разуменьня ня маюць, якіх трэба аздобай іхняю, аброцьцю і цуглямі, закілзаць, каб не кідаліся на цябе.

ПСАЛТЫР 34:13

Хто ёсьць чалавек, якому даспадобы жыцьцё, які любіць [доўгія] дні, каб убачыць добрае?

ВЫСЛОЎІ 10:19

У мностве словаў не пазьбегнеш грэху, а хто стрымлівае вусны свае, той разважлівы.

ВЫСЛОЎІ 10:31

Вусны праведніка памнажаюць мудрасьць, а язык падступны будзе адсечаны.

ВЫСЛОЎІ 14:12

Ёсьць шлях, які слушны ў вачах чалавека, але канец яго — шляхі сьмерці.

ВЫСЛОЎІ 15:2

Язык мудрых прыносіць веды, а вусны неразумных выказваюць глупства.

ВЫСЛОЎІ 16:10

Калі слова натхнёнае ў вуснах валадара, у судзе ня будзе падступным язык ягоны.

ВЫСЛОЎІ 16:25

Ёсьць шлях, які [падаецца] слушным перад абліччам чалавека, але ў канцы ягоным — шлях сьмерці.

ВЫСЛОЎІ 19:1

Лепш бедны, які ходзіць у беззаганнасьці сваёй, чым крывадушны вуснамі сваімі, і да таго ж дурны.

ВЫСЛОЎІ 21:26

Кожны дзень ён жадае і прагне, а праведнік дае і не шкадуе.

ІСАІ 1:13

Не складайце больш ахвяраў пустых! Каджэньне абрыдла Мне. Сьвятаў мала­дзіка, суботаў і голасу сходаў не магу вытрываць, бо нягодныя ўрачыстасьці [вашыя].

ІСАІ 44:20

Такі вось корміцца попелам, сэрца падманутае зьвяло яго, і ня выратуе ён душы сваёй, і ня скажа: «Ці ж не падман я трымаю ў правай руцэ маёй?»

МАЛАХІІ 3:14

Вы казалі: «Марнае служэньне Богу, і якая карысьць, што мы захоўвалі загады Ягоныя і што хадзілі ў жалобе перад абліччам ГОСПАДА Магуцьцяў?

МАЦЬВЕЯ 15:9

Але марна пакланяюцца Мне, навучаючы вучэньняў і пастановаў чалавечых”».

МАРКА 7:7

Але марна пакланяюцца Мне, навучаючы вучэньням і пастановам чалавечым”.

ЛУКАША 8:18

Дык глядзіце, як вы слухаеце; бо хто мае, таму дадзена будзе, а хто ня мае, у таго будзе забрана і тое, што ён думае мець».

1 КАРЫНФЯНАЎ 15:15

А нас знайшлі б фальшывымі сьведкамі Божымі, бо мы сьведчылі пра Бога, што Ён уваскрасіў Хрыста, Якога не ўваскрашаў, калі мёртвыя не ўваскрасаюць.

1 КАРЫНФЯНАЎ 15:2

і праз якое збаўляецеся, калі будзеце трымацца таго слова, якое я дабравесьціў вам, калі толькі не надарма паверылі.

1 КАРЫНФЯНАЎ 3:18

Ніхто няхай ня зводзіць сам сябе. Калі хто з вас думае быць мудрым у гэтым веку, няхай будзе дурным, каб быць мудрым.

ГАЛЯТАЎ 2:6

А тыя, якія лічацца [галоўнымі], (хоць якія яны былі некалі, для мяне няма розьніцы, [бо] Бог не зважае на аблічча чалавека), тыя, якія лічацца [галоўнымі], мне нічога не пярэчылі,

ГАЛЯТАЎ 2:9

і пазнаўшы ласку, якая дадзена мне, Якуб, і Кіфа, і Ян, якія лічацца слупамі, далі мне і Барнабу правіцу супольнасьці, каб мы [ішлі] да паганаў, а яны — да абрэзаных,

ГАЛЯТАЎ 3:4

Ці гэтулькі перацярпелі вы надарма? Дый каб жа надарма!

ГАЛЯТАЎ 6:3

Бо калі хто думае, што ён ёсьць нешта, будучы нічым, ашуквае самога сябе.

ЭФЭСЯНАЎ 4:29

Аніякае благое слова няхай не выходзіць з вуснаў вашых, а толькі добрае дзеля збудаваньня ў веры, каб ласку давала тым, што слухаюць.

ЭФЭСЯНАЎ 5:4

ані агідныя і пустыя словы або жарты непрыстойныя, але лепш падзяка.

ДРУГІ ЗАКОН 11:16

Сьцеражыцеся, каб не ашукалася сэрца вашае, каб не адыйшлі вы ад [Госпада], і не служылі чужым багам, і не пакланяліся ім,

КАЛАСЯНАЎ 4:6

Слова вашае [няхай будзе] заўсёды ў ласцы [Божай], прыпраўленае сольлю, каб вы ведалі, як кожнаму адказаць.

ЯКАВА 1:19

Так што, браты мае ўлюбёныя, усякі чалавек няхай будзе хуткі, каб слухаць, павольны, каб гаварыць, павольны на гнеў,

ЯКАВА 1:22

Будзьце ж выканаўцамі слова, а не слухачамі толькі, якія ўводзяць у зман саміх сябе.

ЯКАВА 2:20

Але ці хочаш ведаць, чалавек нікчэмны, што вера без учынкаў мёртвая?

1 ПЯТРА 3:10

Бо хто хоча жыцьцё любіць і бачыць добрыя дні, няхай стрымлівае язык свой ад ліхоты і вусны свае, каб не гаварылі падступна,