ЭФЭСЯНАЎ 6:2

Біблія (пераклад А.Бокуна)

«Шануй бацьку твайго і маці», — гэта першае прыказаньне з абяцаньнем:

Крыжаваныя спасылкі

ВЫХАД 20:12

Шануй бацьку твайго і маці тваю, каб працягнуліся дні твае на зямлі, якую ГОСПАД, Бог твой, дае табе.

ВЫСЛОЎІ 20:20

Хто кляне бацьку свайго і маці сваю, у таго сьветач патухне сярод глыбокай цемры.

ЕРАМІІ 35:18

А да дому Рэхавічаў сказаў Ярэмія: «Гэта кажа ГОС­ПАД Магуцьцяў, Бог Ізраіля. За тое, што вы былі паслухмянымі прыказаньню Ёнадава, бацькі вашага, і захоўваеце ўсе прыказаньні ягоныя, і ходзіце паводле ўсяго, што ён загадаў вам,

ЕРАМІІ 35:7

І ня будзеце вы будаваць дамоў, ня будзеце сеяць насеньне, ня будзеце садзіць вінаграднікі і ня будзеце мець іх, але будзеце жыць у намётах усе дні вашыя, каб жылі вы шмат дзён на абліччы зямлі, на якой вы вандруеце”.

ЕЗЭКІІЛЯ 22:7

Бацька і маці зьневажаюцца ў цябе, прыхадню робяць крыўду пасярод цябе, сірата і ўдава прыгнятаныя ў цябе.

МАЛАХІІ 1:6

«Сын шануе бацьку, і слуга — гаспадара свайго. Дык калі Я — Айцец, дзе пашана Мне? І калі Я — Госпад, дзе страх перада Мною?» — кажа ГОСПАД Магуцьцяў вам, сьвятары, якія грэбуеце імем Маім, і кажаце: «Як мы грэбуем імем Тваім?»

РЫМЛЯНАЎ 13:7

Дык аддавайце кожнаму належнае: каму падатак — падатак, каму мыта — мыта, каму страх — страх; каму пашану — пашану.

ЭФЭСЯНАЎ 6:3

«каб было табе добра, і быў ты даўгалетнім на зямлі».

ДРУГІ ЗАКОН 27:16

“Пракляты той, хто зьневажае бацьку свайго і маці сваю”. І ўвесь народ скажа: “Амэн”.

ДРУГІ ЗАКОН 5:16

Шануй бацьку твайго і маці тваю, як загадаў табе ГОСПАД, Бог твой, каб працягнуліся дні твае і добра табе было на зямлі, якую ГОСПАД, Бог твой, дае табе.

1 ЦІМАФЕЯ 5:4

А калі якая ўдава мае дзяцей ці ўнукаў, яны перш няхай вучацца шанаваць свой дом і аддаваць належнае бацькам, бо гэта добра і прыемна перад Богам.